معاكم بحقق حلمي

[حلم بيتحقق]

السلام عليكم ورحمة الله وبركاته
هذا اول موضوع لي معاكم واتمنى يكون بداية تحقيق حلمي
كنت متابعه المنتدى بشكل يومي قبل تسجيلي بس قررت اليوم ابتدي بتحقيق حلمي معاكم بعد ما شفت تشجيعكم لبعض ...

بقول لكم قصتي من البداية للنهاية لان حسيتكم كلكم خواتي وما اقدر افضفض لحد غيركم
اكثر من اربع سنوات وانا احاول اعمل رجيم ولكن اسبوع وارجع اوقف بس هالمره قررت اضعف خلااااص ابي اغير ستايلي بحفلة تخرجي وابي ارجع لخطيبي بعد ثلاثة اشهر وحده غير كان كل يقول لي ابيش تضعفين عشان صحتش وانتي جذي او جذاك حلوه بس بعد ابي اضعف يمكن يجاملني وما يبي يجرحني ....
انا وزني احين 97 ما باقي شي ويوصل 100 :eh_s(16):وطولي 158
ودي اوصل بعد ثلاثة اشهر الى 65 وبعدين اوصل على راحة الى55 :eh_s(9):
ببتدي تاريخ 26-2
بيكون على ثلاث مراحل
اول مرحلة من 26-2 الى 26-3 رجيم سلطات طول الشهر
ثاني مرحلة من 27-3 الى 27-4 ............................
ثالث مرحلة من 28-3 الى 28-5 ............................
بالاضافة الى المشي يوميا واحتمال الشهر الثاني اسجل بنادي بس اول شهر بعتمد على المشي
بنات اي اقتراحات او انتقادات راح اتقبل منكم واللي حابه تنظم معاي وراح انزل يوميات يوميا
تكفووون ابي تشجيعكم

 

[om_fajer83]

استمري واحنا نشجعج وان شا الله يتحقق حلمج

 

[حلم بيتحقق]

مشكوره ام فجر على تشجيعج لي

وينكم بنات ابيكم تشجعوني

 

[كراميلا مرة]

يارب تحققين حلمج
وانا بعد واصل لوزني المثالي واثبته

 

[قطوووة]

رفيجتي كانت 120 شهر 11 اللي طاف

لما سمعت الكلام والتزمت الحين وزنها 78

تقدرين تحققين هدفج ان التزمتي



مووووووفقة ومتابعينج يارب ،

 

[حلم بيتحقق]

مشكورة كراميلا والله يحقق امنياتنا يارب

قطوه وايد تشجعت لما قريت موضوعج *ماذا بعد الرجيم ؟؟ 2012 *
وحسيت ان الشي سهل بس يبي له ارادة وصبر
وحبيت استفسر منج
لو سويت 10 ايام رجيم الفواكة للتنظيف الجسم
وبعدها 30 يوم رجيم السلطة
والشهر الثاني ابتديت برجيم السعرات الحرارية
طبعا مع المشي وركوب الدرج يوميا
ومشكوره حبيبتي على تشجيعج لي

 

[نهايات الوله ~]

اكيييييييييييييييييد راح تقدرين
اذا التزمتي بالرجيم + رياضه ساعه ونص
والله بتضعفين وبقوووووووه لاتستلمين
حطي ببالك مافي شي مستحيل حبيبتي

وانضمي بقروب عشان تتشجعين انصحك
موفقه ويارب توصلين لهدفك

 

[حلم بيتحقق]

كل عام وانتو بخير يا اهل لكويت

تسلمين حبيبتي نهايات الوله بتشجيعج لي
وانا قاعده ابحث عن لقروبات والاكثر نشاط وان شاءلله بشترك معاهم

بس بسالكم بنات احد منكم مشى على النظام اللي بمشي عليه او سمع عن تجارب ونزل في شهرين 20 كيلو ؟؟

 

[Môre N!Ce]

G00d luck..

يا رب توصلين لهدفج وينزل وزنج ..

 

[حلم بيتحقق]

انا اليوم بديت الرجيم
تريقت تفاحه وكوفي

وتوني تغديت بتفاحه ونص ولبن اكتفيا قليل الدسم
والعشى بحاول اكل بس نص التفاحة اذا الله قدرني

 

[algamar]

حبيبتي قوي عزيمك وبتنحفين صدقيني لو اشتغلتي صح راح تنزلين

كل اسبوع كيلو ونص الى كيلوين ..

وبكذا خلال شهرين تكونين نقصه 15 كيلو تقريبا . .

واصلي وحطي صور رشيقات قدامك وبتوصلين لهدف حبيبتي عشانك اولا شئ ..
وعشان خطيبك .. صدقيني بتصير مفاجئه له ..

واصلي وتحمسي ..

 

[((shoOoshoOo))]

ليش ما تجربين رجيمات طالب الشمري. وموقفه خيتووووووو

 

[حلم بيتحقق]

مشكورين على التشجيع وان شاءلله يارب اضعف
انا لحين مستمره على رجيم الفواكه وان شاءلله تخلص هالعشرة ايام على خير اليوم رابع احس وايد خفيفه بس ابي اشترك بالقروب اتشجع اكثر ولقروبات بس بالبداية شغاله وبعدين مافي لهم حس
ان شاءلله راح ابحث عن رجيمات طالب لان ما اعرفها