معاناااااااااااااااااتي مو راضيه تنتهي!!

[النهج الاسمى]

السلام عليكم ورحمة الله وبركاته


انا بدخل بالموضوع على طول

عندي بنتي عمرها خمس سنين>>>>ذبحتني والله ومنقصه علي عيشتي من كثر مااحاتيها

بصراحه اهي من خمس شهور ياتها حاله غريبه ومفاجئه

>>>كل ماتركب السياره تصيح يعورها بطنها ترجع طول الطريج

حدها بس المنطقه>>>>والله محرومه من الطلعات والوناسه كاسره خاطري

كل ماقلنالها يالله بنروح للالعاب>>>تسألني 00000بعيد ولأ قريب؟؟

اذا قلتلها بعيد000ماتروح وتبي تقعد بالبيت بروحها

والله يابنات مو مبالغه بالموضوع

ذاك اليوم جذبت عليها>>>قلتلها قريب ورحنا سيتي سنتر وطريجنا عشرين دقيقه

طول الطريج تصرخ من بطنها وابوها عصب حيل وكان ناوي يطقها من كثر صياحها

سافرنا البحرين قبل فتره >>>>>والله قاعده انا وياها بالكرسي الاخير ماسكتها ترجع طول السفره

ألحين خاطري اروح العمره بعطلة الربيع بسياره >>>موناويه اخذها بس والله كاسره خاطري

بنات في احد تعرفونه عند نفس الحاله وراحت

احس نحرمت من السفرات بسبتها>>>مع ان امي تقول خليها عندي؟؟؟بس انا ليمتى احطها عند اهلي

وشلون لو نبي نروح المزرعه ويا اهلي كلهم >>>شسوي اقعد اعذبها طول الطريج؟؟؟

الحاله بدت وياها من خمس الى ست شهور

ودمتم

 

[منارة الإيمان]

حبيبتى ألف سلامة على بنيتج
حبيبتى ترى فى ناس مثل حالتها .. بس يركبون السيارة تحوشهم لوعة ويتقيئون
حرام لا تلومونها لكن لا تشدون معاها خوفا من أنه تتكون عقده عندها من ركوب وتنقلب حالة
نفسية ومرض نفسي معاها ونوع من أنواع الفوبيا ..
بس أنت ذكرتي أنه هذه الحالة من أشهر فقط .. وهل من قبل الأمور كانت عادية ؟؟
أنتظر ردج ..

 

[happy&single]

عادي بنت رفيجتي جذيه مأذيتها حتى مدرستها دورت لها مكان قريب من البيت لأنها ما اتحمل السيارة
عادي ودتها وافحصتها ما فيها الا العافية قالها معدتها ما تخلي الاكل تسوي ارتجاع
ولي كبرت بروح عنها .. اهي كبر بنتج بالضبط

بس حاولي لا تشغلينها بالموضوع رفيجتي اذا عندها مشوار بعيد ما اتوكلها اشياء سائلة وتخليها ترسم بالسيارة وتشغلها باي شي
وممكن بنص الطريج تنزلينها شوي تتمشى .. اذا المكان بعيد

وماعليها الا العافية ان شاءالله ،، وللاطمئنان وديها دكتور جهاز هضمي يشوفها

 

[النهج الاسمى]

اشكر مروركم ياقلبي

اهي قبل عاديه >>>>بس العام شكت لما كنت اوديها الروضه من بطنها وقالوا الدكاتره

قولين>>>واحد قالي هذا صداع نصفي

والثاني قالي تشنج بالمعده

وبس 000ألحين صار زايد حده وتعبت كله قاعده بالبيت

وماتروح ويانا ملاهي ومطاعم

*مااقدر اخليها جوعانه لان اكثر طلعاتنا بعد المغرب!!

 

[منارة الإيمان]

حبيبتى هل كانت تتعسر وتبكي لما تاخذينها للروضة ؟؟
حاليا أنصحج أن تدهنين جسمها ليلا يوميا بزيت الزيتون المقرئ فيه الرقية الشرعية العامة
مع ترك القدمين .. بمثل عمرها ماأنصحج برقيتها مباشرة .. جربي حاليا أدهان جسمها بمثل ما ذكرت
وبإذن الله ما عليها شر .. الله يحفظها ..
ودعائي بشفائها عاجلا غير آجلا يارب العالمين
آميــــــن

 

[غريبه بلا وطن]

اختي الغاليه اظن اللي تمر فيه عادي فيه ناس مايتحمل السياره اولاد اختي لما كانوا في سن بنتك كان يحصل لهم نفس الشئ دوار وترجيع في كل مشوار بالسياره حتى لو قريب ..اللحين الحمد لله خف الامر كثير وانا من رأيي استشارة طبيب افضل ..الله يشفيها ويخليها لك ..تقبلي تحياتي.

 

[ترانيم القصيم]

أهلاً أختي الكريــمة .. باركـ الله فيكـ و نسأل المولى أن يلبس ابنتكـ لباس الشّفاء و العافيـة

هذهـ المشكلة ليست حكراً على ابنتكـ ,, هناكـ من يعاني الشّيء ذاته

الحل أن تذهبي بها إلى الطّيب و تشرحي حالتها بدقّة و تفصيل لا متناهٍ .. كما عليكـِ أيضاً بالرّقيـة شرعيّة

>> أذكر مرّة كان ذراعي يألّمني ألم فظيع , فنصحتني إحدى صديقاتي بقراءة القرآن و النفث على مكان الألم ,,

بعدها زال و لله الحمد المنّة .. لذا عليكـِ بكلام الله

باركـ الله فيكـ

ترانيم القصيم

 

[G!RLooNa]

انا كنت قبل جذي وانا صغيره تلوع جبدي بالسياره وراسي يعورني و جبدي تقلب

بس الحين الحمدالله راحت هالحاله لكن لي الحي مثلا ماقدر اركز بالموبايل بالسياره لان جبدي تقلب

من الاشياء اللي كانو يقولون لي اياها عشان جبدي ما تقلب او تخفف الحاله

مثلا يقولون لي ما اطلع الارض

اذا نزلت راسي صج جبدي تقلب اكثر

لا تلعب بموبايل بي اس بي هالاشياء تقلب الجبد بعد بالسياره

حطيلها سي دي بالسياره تحبه خل تلها وياه

لا تفكر انها من تركب السياره بتقلب جبدها

قوليلها فكري بشي ثاني كل مافكرتي انج بترجعين راح ترجعين من صج

مادري بعد هذي الاشياء اللي اذكرها وصج الله يعين بنتج لاني ماره بهالحاله من قبل

وقولي حق ابوها لا يطقها و يعصب عليها حرام مو بيدها هاالشي

اي بعد تذكرت اشتريلها نظاره شمسيه حق طلعات النهار خل تلبسها الشمس ممكن تقلب الجبد اكثر وبعد اذا كنتو بتطلعون الظهر خل تكون معدتها خفيفه لان طلعه الظهر ويا الشمس و معده متروسه تسحن الجبد

 

[DLOOOO3a]

حياتي مثل ما قالولج البنات اول شي راجي الدكتور بس دوري على دكتور شاطر يعني عشان تكونين متأكده

و مثلا بالسياره حطوا تلفزيون صغير حطولها رسوم متحركه و برامج كرتون و جذي

و الله يحفظها و يبعج عنها كل مكروه

 

[الريادة]

هذا شكله مرض نفسي اللي قاعد يسير فيها مثل ما تفضلت الاخت نوع من أنواع الفوبيا .

 

[Un-6be3iya]

إختي الصغيرة كانت جذي
الحل انج تلهينهآ بالسيارة يعني حطيلها ديفي دي ولا بي اس بي بإيدهآ عشان تلهآ و ماتنتبه للطريج و ابوها لا يزفها هالشي مو بإيدهآ ترآ @@

 

[pretty sarona]

دوري على السبب يمكن رابطه السيارة بموقف صارلها