معاناتي مع الالتهابات

[rtoj]

السلام عليكم


بنات انا طبعا من المتأخرات بالحمل .صارلي سنه


صارلي فتره فيني التهابات اول شي بدت بالتهاب بول والحمدالله راح مني والحين مستمره معاي
التهاب المهبل لو اقول لكم من امتي راح تستغربون صارلي تقريبا 7 شهور وسبحان الله كل مره استمر عالعلاج اصير زينه فتره وترد لي
والله صرت اوسوس حدي تعبت .. فلو سمحتوا بنات ابي منكم تدلوووني على دكتوره او عياده زينه تريحني بعلاج زين .. وابيه يكون مو غالي لان حالتنا الماديه صعبه هالايام

واي نصيحه منكم انا كلي اذاني صاغيه

 

[استغفار]

شوفي يا غاليه
اهم شي في علاج الالتهابات ان المضاد انتي وريلج تستخدمونه يعني بروحج ما في فايده لان اكيد السبب منه دام يرجع لج او انتي تنقلين له العدوا وترجع لج عشان جي ما يفيدج العلاج وهذه اهم خطوه اخذي مضاد مناسب مع غسول وتحاميل مهبليه يعني كورس كامل عرفتي مو شي واحد .,.
بقولج عن بنت عمي بعد معاناه سنه مع الالتهاب وما حملت تقول ما فادني الا البابونج كانت تنقع فيه كل يوم وسبحان الله حملت عقب وراح منها الالتهاب
جربي الطريقه والله يرزقج وادعي لي بالحمل ,,

 

[استغفار]

ترا مو شرط تروحين طبيب روحي اي صيدليه وقولي ابي مضاد وتحاميل وغسول وبس وفري فلوس الدكتور والكشف ,

 

[منو انت]

نفس كلام الاخت استغفار ضروري زوجج بعد يستخدم غسول قبل لايقرب صوبج يمكن منه وانصحج بالماي مفيد حق الالتهابات وضروري ماتهملين نفسج ترى يعتبر سبب قوي لمنع الحمل


ويارب نشوفج من ضمن حوامل منتدى كويتيات هالشهر

 

[rtoj]

مشكورين حبيابي عالرد بس انا من كثر ما افكر صرت حدي اوسوس

وما برتاح الا لمن اراجع دكتوره ..

اختي استغفار بالنسبه للبابونج شلون تسويه وشلون تستخدمه اتمني تشرحين لي علشان اجرب

ويعطيكم العافيه .. واتمني باجي البنات يردون علي

 

[استغفار]

اغليه بالماي واشخليه وحطيه في بطل وكل يوم خليه في طشت واقعدي فيه شوي يعني بحدود عشر دقايق لين يبرد الماي بس مو تخلينه بارد الاحسن يكون دافي وتنشفي عدل لا تخلين مجال للرطوبه لانها هي اللي تجمع البكتيريا
والله يشافيج واي استفسار انا حاضره ,

 

[rtoj]

مشكووره اختي عالشرح في ميزان حسناتج


بجربه وعالله الشفاء

 

[جديده 1]

اهم شي بعض الاكلات تسبب الالتهابات مثل الاكلات السبايسي و المخللات و اللي يفيد اكثر شي شربيييي ماي واااااايد او اي سوائل لانها تغسل المثانه و تخفف من تركيز البول بالمثانه فمايصير التهابات .

 

[انثى]

على طاري الالتهابات بنات انا خذيت تحاميل من ام عايد واحسها تقرصني شوي هل هاذي التاهابات يعني بس الاوقات الثانية ما احس بشي

 

[طيبة الطيبات]

ماتشوفين شر شوفي جيبي بقدونس وافرميه وخذي منه كثر ايدك وحطيه فى مطارة ماى حار وخليه نص ساعه بعدها اشربي تقريبا ٣اكواب في اليوم وإنشاء الله تدعيلي

 

[شهرزاااد]

نصيحة من كل قلبي
انا وحدة نفس حالتج وتميت سنة ونص جذي
تخيلي سنة ونص التهاب بول اعالج هالشهر والشهر اللي وراه يرجع كنت ابول دم تكرمون شفت الموت احس جوفي يتقطع
اللي لازم تسوينه:
لازم مضاد وتحاميل ووحبوب لج ولزوجج
والتهاب البول اخر علاج خذيته حبوب اسمها اورو فاكسيوم هذي الحبوب تقوي مناعة الجهاز البولي وكنت اخذهم على الريج لمدة 3 شهور
والحمدلله حملت من بعدها طبيعي

 

[On-Off]

حبيبتي اهم شي ماتاخذين اي علاج من غير وصفه طبيه ومن غير مسحه الدكتوره ماخذتها منج لان اذا اخذتي تحاميل من غير ماالدكتوره توصفهم يمكن تزيدين من المشكله مو تحلينها ساعات كثر استخدام تحاميل تسبب تقتلين البكتيريا الزينه الموجوده بالرحم وتزيدين البكتريا الضاره وتسبب لا قدر الله قرحة رحم
اول شي الدكتوره راح اتسويلج اكثر من مسحه حق عنق الرحم علشان تعرف نوع الفطريات والبكتيريا اللي حايشتج
تعطيج مضاد حيوي وتحاميل واذا كانت الفطريات اللي فيج معديه راح تعطي زوجج مضاد حيوي ساعات العدوا تكون من الزوج وتمنعكم من الجماع لين تخلصون العلاج وتسوين مسحه ثانيه
حاولي كثر ماتقدرين تشربين ماي الماي وايد زين حق الاتهابات
تكرمين الحمامات اذا اضطريتي تروحين حمام بالسوق او بيت احد حاولي تعقمينه بالديتول وايبز او كلش كلش كلينكس تحطين فيه صابون عقب تغسلينه بماي وتنشفينه وقبل لا تستخدمينه تحطين بينج وبين الحمام كلينكس او تشترين الغطا الورق
والله يشافيج وتفتكين من هالالتهابات

 

[ابدا يالغالي مانساك]

حبيبتي لاتروحي تاخذي اي
علاج صيدليه
من غير لاتكشفين
وتسوين المسحه
وهي اللي تقررلج دكتورررتج وتعطيج تحاميل وحبوب لمدة 5 ايام
وايضا زوجج يكشف عن الالتهبات
وياخذ حبووب
ويتعالج
لان مااااكو فايده ان تعالجتي خوفج هو يعديج
او العكس
واستخدمي غسول البابونج مره بالاسبوع
والملح تخففيه بالماااااي
والمسك لاسختدمتيه
بعد الدوره 5 يوووم
لاتستعمليه جذيه بروحه لانه حااار ويسبب الالتهباات
خففيه بماااااااي
وربي يرزقج ودعواتج لي بالرزق

 

[rtoj]

مشكووره اختي جديده عالنصيحه

طيبه الطيبات اختي انا كان فيني التهاب بول وكنت استخدم البقدونس .. بس الحين انا اعاني من التهاب مهبل الي وصفتيه لي يفيد ؟؟

شهرزاد مشكوووره عالنصايح بس الحين انا اعاني من التهاب مهبل مو بول


وباجي العضوات شرفتووا والله يبعد عنا وعنكم كل مرض