معاناتي مع دوامي لحقو عليي

[ريان]

السلام عليكم

اشلونكم شخباركم مبارك عليكم مابقى من الشهر وتقبل الله طاعتكم وعساكم تعودونه بخير و طاعه

لوسمحتو ابي افضفض لكم واشتكي لكم واريح بالي لاعت جبدي من مديرتي ومراقبتي نااااااس لاتحلل ولا تحرم مايخافون الله حسد وغل وغيره وكره ورياء ويظهرون غير مايبطنون ويطعنونج بالظهر ويتبلون عليج قدمت على اجازه دراسيه وقفولي وقفه وخشوو كتبي ويننوني بس عقب مادريت عنهم وقفت لهم وقفه شوكه بالبلعوم واشتكيت عليهم و وصلت موضوعي لي الوزيره وربي سخرلي ناس ساعدوني والحمدالله خذيت حقي بالنهايه لاني صاحبه حق والحين منزلين مكافئات للبنات حروت 2300 وانا مانزلي شيء علما اني كنت مشتغله معاهم ولي حق حالي من حالهم وياربي مالي خلق احتك فيهم مره ثانيه واتناجر شسوي شوووروو علييي ومثل ماقتلكم من البدايه وعطيتكم نبذه عن شخصياتهم اشلون اتعامل واتصرف تكفووون انا عقب ما اشتكيت عليهم الظاهر شالو اسمي شسوووي شتصرف تعبت وابي حقي الصراحة 2300 مو اشويه ابيها علما ان من زمان مو شايفه طلتهم البهيه ومالي خلقهم كلش كلش كلش كاااااااااااااارهه الدوام منهم مابي احتك فيهم شسووووووووووووووي

وشكرا

 

[nono93]

واااي كل الاماكن فيهم جذي
الله يبعدج عنهم ان شالله

روحي الماليه وكلمي المدير واعرفي
السبب

والله يوفقج

 

[∫ ∫ ∫ ∫ جــوان ∫ ∫ ∫ ∫]

مثل ما اشتكيتى عليهم بالاول هم اشتكى عليهم وانتى راعيه حق

واذا قدرتى انتقلى لمكان ثانى

ولا تنسين الدعاء خصوصا بهالايام المباركه والله وياج

 

[الغاليه نونو]

ماضاع حق وراه مطالب يمه

انتي الحين راحت عليج المكافأه الله يعوضج خير وابرك من هالبيزات صحتج ورضا ربج عليج مايعادلها ثمن بالدنيا هذا اول شي

ثاني شي ياقلبي شوفيلج مكان من الحين اذا عندج واسطات وانتقلي لانه هذوله مبين عليهم كلهم مسوين عصابه ضدج وجذى ماراح ترتاحين بمكانج الا بفرقاهم وخلي عيدج عيدين

عيد الفطر+عيد نقلج من هالمكان

 

[ريان]

رد : معاناتي مع دوامي لحقو عليي

بعد عمري ماقصرتوو الغاليه نونووووووووو انا من اشد المعجبات فيج وبكتاباتج واذكر مره كنتي كاتبه موضوع عن حياتج وكنت جدا مهتمه بالمتابعه والاستفاده منج انتي مدرسه يا يالغاليه

بس ماني ساكته عنهم وابي حقي غصبن عليهم كل من ساكت لهم فقاعدين يبطشون فينا مو بكيفهم اشرايكم اروح لها اليوم استفسر منها ولا اكشت فيها واروح سيده اسئل مدير الماليه واكيد وياها على اساس زميلها بيغطي عنها ماعندي اي مشكله اروح اشتكي عليهم بس تعبت نفسيتي تعبت و ودي اروح اكلم الوكيل ابيه ينصفني مثل مانصفني المره الاولى بس لازم بالاول اتاكد ليش مانزلتلي بعرف السبب وسالفه النقل هذا شيء خالصين منه بس انا حاليا باجازه دراسيه ان شاء الله اخلص وانتقل على طول انا مومجابلتهم الحين بس شرهم واصلين عساهم شقول ان شاء الله ماعمري دعيت على احد بس هالثنتين دعيت عليهم لين قلت بس ناس ظلمه

 

[D a m a s]

الله يعينج سوي تظلم وان شاء الله اذا لج حق تاخذينه

 

[ريان]

رد : معاناتي مع دوامي لحقو عليي

ان شاء الله بس لازم اعرف بالاول ليش مانزلوها لي شنو السبب استفسر من منو بالضبط

 

[كتكوته ورديه]

انتقلي

 

[ريان]

رد : معاناتي مع دوامي لحقو عليي

ابي كلام مصفصف ومسمار بلوح وعلى قولتهم خير الكلام ماقل ودل منو ترتبلي هالحجي الي لازم اقوله لاني انا تعبت منهم ابي ادخل عليها اسئلها وامشي عنها ابي وحده تعطيني جم كلمه مرتبه مصفصفه استفسر ليش المكافئه مانزلت لي علما اني اشتغلت مع البنات

 

[يوآش يوآش]

رد : معاناتي مع دوامي لحقو عليي

واي الله يعينج

وحقج ان شالله ماراح يضيع

وانتقلي من هالدوام ..

 

[انا مو هني]

رد : معاناتي مع دوامي لحقو عليي

الله يعينج بس ليش انتي خوافه
والله لازم اتقوين شخصيتج اشويه وتاخذين حقج
غصبن على الي مايرضه اشتكي هاذا اقل شي
سوي تظلم واخذي حقج

 

[ريان]

رد : معاناتي مع دوامي لحقو عليي

مشكورين على الرد

انا مو خوافه بس انا هاديه وما احب اتعامل مع شخصيات من هالنماين انا لو خوافه جان ماعفستهم عفسه وخليتها تروح تبجبج عند الوكيل المساعد تقوله مقدمه شكوى ضدي عند الوزيره!!! انا انسانه هاديه راكده بس هذوووول عقارب حياييه ماينعرف لهم تكلمج بطريقه تحسسج انها تموت فيج وعقب تطعنج بظههرج