معاناه بنتي مع فطريات الفم ..ساعدوني

[miss-chocolate]

السلام عليكم بنات

بليييز ساعدوني

بنتي لسانها دايم ابيض وديتها الطبيب قالولي فطريات

عطوني قطاره لمده 5 الى 7 ايام وما فادت

يروح ويرجع مره ثانيه المشكله اذا ردت الفطريات

تظل طول اليوم ما تاكل بس تشرب خالاتي وامي يقولون

عطيها ماي عقب الرضعه بس المشكله اهي ما تحب الماي

اذا عطيتها تدرزه واذا عطيتها بيبسي تشربه

منو جربت دوى غير القطاره حق الفطريات يقولون في دوى

اسمه جلسرين زين تمسحينه بالشاش على لسانها

بليييز ساعدوني ولكم الاجر

:e3: :e3:

 

[الفراولة الوردي]

قطارة mycostatin زييين

 

[خ ر ف ا ت السهر]

رد : معاناه بنتي مع فطريات الفم ..ساعدوني

اب


اب

 

[تاج النساء]

كركم او هرده تدهن بها السان

 

[miss-chocolate]

مشكوووورين عالمرور

بجرب كل شي والله يشافيها انشالله

 

[zain-alq8]

الله يشافييها يارب ..دكاتره صيدليه السره والروضه شطار روحيلهم يمكن يفيدونج

 

[جوري وبنفسج]

السلام عليكم

القطارة اللي عطوج أياها شنو أسمها ؟

لأن أحنا قبل أستخدمنا قطارة mycostatin وكانت ممتازة للفطريات .​

 

[سمسمة كويتية]

انصحج تروحين عند دكتور ابراهيم بهبهاني دكتور بامراض الفم و يدرس بجامعة الكويت عنده عياده اعتقد اسمها باب هاني
دقي عليهم و سئلي عنه

 

[cherry67]

مسحي لسانها دبس الرمان وحدة بوحدة مجرب وغسلي حلمات الرضعة بماي وملح بعد ما تغلينهم علشان يتعقمون

 

[أميره بحبي]

الطحينيه .. الهرده ... امسحي لسانها ولهاتها ..~

يومين بالكثير ويختفي عن تجربه ...~

 

[ام ناصر2]

احسن شي انا مجربته دهن الجلسرين من الصيدليه بنص دينار وحده بوحده امسحيه لسانها بقطن اذن

 

[ورده بنفسجيه]

الله يسلمج بودرة قشر الرمان عند الحواج ولفي صبعج بشاش وبليلي بماي اشويه وغمسي بالبودره ومسحي اللسان والللثه

وما تشوف شر ان شاء الله