معاي ضيق نفس عااااادي؟؟

[الفـارسـة]

السلام عليكم

عمري 21 سنه ووزني 42، مشكلتي أعني من ضيق في التنفس مصاحب بارتفارع دقات القلب وأتعب من أقل مجهود حتى الصلاة أصلي ركعتين والباقي أصليهم وأنا قاعدة..وأتعب من الأكل حدي لقمتين إلا ما أقدر أتنفس صار لي فترة مب بسيطة وأنا على هالحال بس ألحين بزيادة..مع العلم أن ما معي ربو..حتى إذا وقفت أخذ فترة عشان أقعد أحس بضيق تنفس وشي ثقيل على صدري..وضغطي أوكيه ما فيه مشكلة تكفون حد صار له نفسي..وشنو علاجه؟؟​

 

[توته أم غمازه]

لفارسه سبحان الله كأنك بقلبي انا عندي نفس هالمشكله ونفس مواصفاتك بالظبط ومضايقتني ماادري شاسوي وخايفه اروح الطبيب يخرعني

 

[الفـارسـة]

هلا أختي توتة رحت للدكتور العام وقال ما فيج شي..أووووف يبط الجبد

 

[روزالكويت]

بسم الله عليج حبيبتى مادري شقول اذا الدكتور مالقا فيج شي احتمال عين ياعمري اقري قران وايد وحصنى نفسج يوميا الصبح والمغرب والله يشفيج ويشفينى وجميع المسلمات.

 

[الفـارسـة]

جزاج الله خير أختي..أمين

 

[كيكة كاكاو]

اولا سلامتج ما تشوفين شر:eh_s(17):
انا كان عندي نفس اعراضج تقريبا على اخف شوي ولما سويت تحليل وفحوصات طلع فيني نقص حديد
وقمت اخذ حبوب حديد

 

[New Mum]

يمكن ان اكو شي مضايقج و مضيق خلقج و مخليج سترس او انج ما تشربين ماي وايد لازم لترين ماي يومياً او انه ضفطج ينزل او انج ما تاكلين و تنامين عدل او نقص حديد .. انا دايماً يصير معاي نفسج و يكون شي من هالأشياء
ما اشوفين شر حبيبتي و لا تحاتين و ماعليج إلا العافيه

 

[أكوان]

مرحبا اختي الفارسه

مشكلتج هذى انا عانيت منها عشر سنوات واكثر
ومثل ما قلتي كل يوم تزيد عن حدها لدرجه كنت اشوف الموت بعيوني والله ولما اروح للطبيب يقول ما فيج شي

كنت اشرب منقوع الحلبه كانت تخفف عني ....... بس بالاخير اختي ونصيحه لج

بعدها رحت لشيخ من أهل الثقه واهو واحد من اهلي يقرأ علي ... وقال لي هذى عين وحسد
والحمدلله ............ صرت انا اقرا علي نفسي واحصنها

والحين الحمدلله ما فيني شي
ولما قريت موضوعج عرفت معاناتج عدل لاني عانيت منها كثير 10 مو شويه

حبيبتي لازم تقرئيين علي نفسج او احد يقرا عليج
لان هالضيقه راح تزيد اكثر واكثر لو أهملتيها

ديروا بالكم

وشكر وما تشوفون شر

 

[Ga6waah83]

ماتشوفون شر ان شاء الله

 

[احلى قمر]

نفس المشكله عندي
وطلع معي نقص حديد بالدم
واخذت حبوب حديد والان الحمد لله

 

[ii DareeN ii]

حبوبه روحي اول شي حق دكتور امراض صدريه يسويلج فحص التنفس فحص عادي يقيس قوه التنفس عندج ويطمنج انشاء الله وموكل شي عين اول شي راجعي اهل الطب اذا لقو ان مافيج شي بعدين روحي اقري حتى اي واحد يرقي بالقران يقولج راجعتي طبيب لان يجوز في شي اكلينيكي حبوبه لاتهملين عمرج وراجعي اختصاصي اطباء المستوصفات ماعندهم ماعند يدتي

 

[الفـارسـة]

هلا خواتي تسلمون عالرد..رحت المستوصف وسويت أشعه عالصدر طلع معاي إلتهاب في الرئه اليسرى :eh_s(2):

 

[مسك]

ما تشوفين شر اختي

 

[ii DareeN ii]

ماتشوفين شر الفارسه اهو وقت حساسيه ترا امر متوقع انشاء الله اجر وعافيه حبوبه