معرس يبي مساعده

[جِراحُ الغَرام]

هههههه
ادري بتخترعون من عنوان الموضوع
اخوي بياخذ عروسته عشا بس يبي مطعم حلو كباين رومانسي واكله حلو وسعره معقول ( طالب بعده )
شنو تنصحونه ؟
وشغله ثانيه اسمع البنات يقولون يجزون عشان ويقولون ان مناسبه عشان الترتيبات.... شلون مو فاهمه ؟

 

[<miss botamba>]

والله للاسف ما اعرف مطاعم كباين وتكون رومانسيه !!

بس الترتيبات عادي تقدرين مثلن اي مطعم تتصلين وتحجزين طاوله وتقولين لهم المناسبه

اوقات يزينون الطاوله بورد او يحطون زياده شموع

او مثلن تطلبين كيكه منهم ويكتبون عليها كلام

جذي


بس عموما اذا يبي مطاعم صاده او هاديه انصحه يروح فنادق
شوي ممكن يطلع عليه غالي علشان توه طالب بس الصراحه يسوون


عندج:

الشيراتون (المطعم الايطالي ريكاردو و مطعم الستيكات)
كراون بلازا (ساكورا ياباني و النوخذه بحري)
ساس ( بيكوك صيني "وااااااااايد جوه رومانسي")


عندج مجمع امنيه بالسالميه

في مطعم هوت ستون شي جذي اسمه حلو محد يروحله وايد اذا يبون هدوء
بس عيبه ريحه الاكل تلصق بهدومج
لان انتي تشوين الاكل بنفسج


عندج مطعم بي اف تشانغز الصيني في الافنيو جبال H&M عندهم كباين بس اتوقع لمن تحجزينها لها سعر
بس عيب المطعم بمجمع حلاته يروحون شي مو بمجمع

بس اكله حلو واايد



عندج مطعم ألتسيمو بالديره وين دوار االشيراتون في برج النصار

حلو هادي ورومانسي

 

[نـعـومـه]

رد : معرس يبي مساعده

خليه يروح مطعم بفندق المارينا اسمه اطلنتس حلووو صج موكبينه بس هدووووووووووووء

 

[قمورهـ]

رد : معرس يبي مساعده

الابراج حلوووو

اممم دعوات ببنيد القار وفي فرع في ابوحليفه مطعم هندي هادي فيه كباين واكله حيييييييييييل حلوووووووو ورخيص

اممم اورينتال بالسالميه هم هندي واكله لذيذ وديكوراته راقيه ورخيص مو غالي

اممممممم

النوخذه بكراون بلازا احنا طلبنا الكابينه بس كنا تقريبا 5 اشخاص

 

[قمورهـ]

رد : معرس يبي مساعده

وإيه بعد مغل محل حولي فيه بوفيه وديكوراته جدا راقيه وفيه بوفيه متنوع

قيصر حولي بارك وايد حلوووو وكباين لدرجة انه ريلي مرة طاح فيه يروحله مرتين بالاسبوع

امم

في مطاعم موكباين لكن تكون فاضيه وراح ياخذون راحتهم

روحوا عالساعه وحده او 3 الظهر او 7 بليل تكون المطاعم فاضيه

 

[مــســك]

مطعم القيصر حلو ولا يعلى عليه

 

[dnyay_mll]

رد : معرس يبي مساعده

اذا يبي سعره مناسب

اورينتال حلو اكله واسعاره معقوله

ومطعم الخليج الصيني بوفيه وكباين واسعاره حلوه

 

[ريحانةالروح]

طلب اخوج باختصار يمشي مع المطاعم الهنديه رخيصه وكويسه وكباين بعد
ودامهم معاريس اي مكان راح يكون له ذكرى عندهم بس حاولوا فيه في مطاعم عجيبه ولها قعدات صاده مو مجابله الناس والعالم اللي بالمطاعم لاهين باعمارهم موفاضين
زوجي عساني ماابجيه كان جذي كله كباين والحمدلله فرجت الحين جربنا القعده مع الناس من غير كبينه طلعوا الأواد م شحليلهم ماياكلونا لووووول اتغشمر بس فعلا القعده بالكبينه تغث مورومانسه لويولعونها كلها شمووووع!