معرض افكارى

[مهوسة بالزين]

:eh_s(17):صباح الخير

ابسأل عن معرض افكارى وين احصلة باى منطقة وشنو فيه وهل يستاهل المشوار لان ابزور الكويت 3ايام وهل هو قريب من فندق المنشر لان بحجز فيه وياليت تفيدونى عن الاسواق والمحلات والمطاعم القريبة من الفندق :eh_s(17)::eh_s(15):

واكون شاكرة لكم :eh_s(17):

 

[فلانه وعلانه]

معرض افكاري بمنطقة الري مقابل سوق جمعه

الاسواق القريبه عندج كويت ماجيك ... اجيال ..سنتر بوينت .. البيرق بس هذيل اللي اعرفهم

ان شاء الله بنات المنطقه العاشره يفيدونج

 

[بعيون مغليك]

ويييييه منشر وين وافكاري وين


يمكن 25 كيلو عنج ورا الافينيوز تلقينه عند البضايع الايرانية

 

[امل الكويت2011]

معرض افكاري
الري - خلف سنتر بوينت - يم السوق الايراني

هذا رقمهم اذا بتسألينهم 24715255
وتلاقين فيه وايد شغل حلو من المشاغل لمصممات كويتيات وبدل استقبال ودراعات ذربة
سماطات واطقم ضيافة واستاندات الذهب والتوزيعات
واشغال يدوية اكسسوارات وملابس لليهال وتغليف هدايا وشنط ماركات واكسسوارات وعطور

وايد حلو
روحيله يستاهل
بس هو قريب من الافنيوز مو المنشر
لأن معرض افكاري والافنيوز في منطقة وحده (الري )


وتنورين الكويت يالغالية

 

[مهوسة بالزين]

الله يعطيكم العافية ماقصرتوا

أمل مشكورة يالغلا الكويت منورة في أهلها


طيب ممكن سؤال أقدر أحصل فندق فخم وراقي قريب من الافنيوز

 

[معاالي]

أقرب فندق كراون بلازا بالفروانيه