معزومه على استقبال ومتوهقه _ تعالوا يالحضريات

[اسم السيده]

صبحكم الله بالخير

زميلتي بالدوام عازمتني على استقبالها وهي متزوجه لكن ماسوت حفله عرس وبتسوي استقبال بعد مارجعت من شهر العسل ( مدري ليه اشرحلكم وانتوا عارفين بس لاني مو كويتيه وماعرف سوالفكم احس حتى انتوا مثلي علشان كذا قمت اشرح << مدري شكو حاشرتكم معي

واول مره اروح استقبال بالكويت وهالحين لازم اروح لاني عايشه هنا

فانا متوهقه ودي اوجب البنت واروح لكن ماني عارفه وش البس انزل حجابي وعباتي والا لا ؟

البس بدله سهره ؟ والا بدله بسيطه ( وماعليكم امر اللي تقول بدله عاديه تقولي شلون ستايل البدله ) ومن وين اشتريها لاني ميح بسوالف السوق ولا اعرف ذاك الزود

اسوي تسريحه ؟ وشنو التسريحه الحلوه ؟

الميك اب مااحب احط بالصالون ؟ فلازم اغصب نفسي والا اكتفي في مكياجي الناعم ؟

ابغي اكون كشخه وكشختي لايقه مع المناسبه مو اتفشل بين العالم :tongue22:

وادري مالي غيركم يسنعني

وبسال وشلون طريقه الاستقبال هي مسويته في فندق

يعني العروس راح القاها مع المستقبلين والا راح تنزل على زفه نفس العرس ؟

وكم الساعه المفروض اكون موجوده بالفندق ؟ ومتى يخلص ؟

واجيب هديه والا لا ؟

والبنت حضريه عاد مدري يفرق عندكم استقبال البدو عن الحضر ؟​

 

[اسم السيده]

رد : معزومه على استقبال ومتوهقه _ تعالوا يالحضريات

للرررفع

 

[بواسم]

انتي تقولين ان الاستقبال بفندق يعني لازم تكشخين بدله سهره موشرط اوفر ممكن تكون شيفون او راقيه بس موافر

لان الحين الاستقبالات صارت مثل العرس وسوي شعرج شي بسيط موشرط بالصالون حتى المكياج

موشرط بالصالون ويكون متوسط موافر مثل العروس وبالنسبه للعروس هي وطريقتها ممكن تكون على الكوشه

وممكن تكون تتمشى بين المعازيم وبالنسبه للبدله اذا تبين انا عندي تشكيله كبيره واسعار جدا مناسبه

واعتقد لازم تودين هديه اذا كانت قريبه منج هذا واجب . والف مبروك

 

[shlon ansa]

حبيبي لبسي بدلة عرس لان هذا استقبال كبير ومو شرط تكون بدلتج خبه لا عاديه في محلات وايد بالافنيو فيها بدلات استقبال ناعمه
مثل كوست والاسطوره و اي زون ووايد افتري راح تلقين
ولازم تروحين الصالون سوي تسريحه مرفوعه وميك اب ناعم عرفتي لان الحضر مايسوون عرس بس يسوون استقبال او ملجه
وروحي عالس٩ للفندق وتقدرين تسئلين رفيجتج الساعه جم يبدي الاستقبال وروحي بالوقت اللي تقوله لج
واتمنى اجون فدتج

 

[shlon ansa]

حبيبي لبسي بدلة عرس لان هذا استقبال كبير ومو شرط تكون بدلتج خبه لا عاديه في محلات وايد بالافنيو فيها بدلات استقبال ناعمه
مثل كوست والاسطوره و اي زون ووايد افتري راح تلقين
ولازم تروحين الصالون سوي تسريحه مرفوعه وميك اب ناعم عرفتي لان الحضر مايسوون عرس بس يسوون استقبال او ملجه
وروحي عالس9 للفندق وتقدرين تسئلين رفيجتج الساعه جم يبدي الاستقبال وروحي بالوقت اللي تقوله لج
واتمنى اجون فدتج

 

[الفدنه]

مثل ما قالوا لج البنات

 

[اسم السيده]

رد : رد: معزومه على استقبال ومتوهقه _ تعالوا يالحضريات

انتي تقولين ان الاستقبال بفندق يعني لازم تكشخين بدله سهره موشرط اوفر ممكن تكون شيفون او راقيه بس موافر

لان الحين الاستقبالات صارت مثل العرس وسوي شعرج شي بسيط موشرط بالصالون حتى المكياج

موشرط بالصالون ويكون متوسط موافر مثل العروس وبالنسبه للعروس هي وطريقتها ممكن تكون على الكوشه

وممكن تكون تتمشى بين المعازيم وبالنسبه للبدله اذا تبين انا عندي تشكيله كبيره واسعار جدا مناسبه

واعتقد لازم تودين هديه اذا كانت قريبه منج هذا واجب . والف مبروك

مشكوره ياقلبي على الافاده

وان شالله بمرك والقى اللي يناسبني

 

[مارغريتا]

شوفي المشاغل بعد عندهم اشياء حلوه ,.. بس تكون لايقه حق المكان ( الفندق ..
اذا البنت قريبه منج سوي شعرج بصالون والميك اب بالبيت ,

 

[<miss botamba>]

البدلات عندج مجمع زهرع تحت محل اسمه S Style عنده بدلات ناعمه

اشتري نفنوف قصير او طويل ناعم

شعرج سويه شسوار عادي او ويفي و يسوونه بصالونات الجابريه على 6 دنانير ولبسي تاج (اذا ماتبين تسريحه)

ميك اب خليه ناعم اذا مالج خلق صالون

والهديه اذا صديقتج حيل عطيها بس وديها لها البيت افضل

حفلات الفنادق عاده المعازيم ايون قبل ال 9 بشوي و يبدون يطلعون على 11

حسب او تطلعين بعد العشا على طول

والعروس حسب في ناس تدخل بزفه وفي ناس تكون موجوده تستقبل

ومدام في فندق فصخي عباتج

 

[~ زعفرانه ~]

رد : معزومه على استقبال ومتوهقه _ تعالوا يالحضريات

اذا عندج وقت تفصلين بدله في تصمايم حلووه حييل وراقيــه يعني الشيفون حلو وعندج الكريب حرير حلوو تسوين لج حركة صدر ناعمه وتخلينه عادي ,, دخلي موقع المجله اللبنانيه للازياء تحصلين موديلات حلوووه ,,,,, واذا استقبال خليج ناعمه مو خبـه في صالون بالرقعي اسمه بلو فيرجن مكياجهم راااااااااقي حيييييييل ونظييييييييف واسعارهم مناسبه ,, وسوي شعرج ويفي او حسب الي يناسبج ,, وروحي لها تسع زين .. ومووفقه حبوبه واي شي تبين لايردج الا لسانج

 

[عيميه عسوووله]

كشخي كشخة عرس

والهديه كيفج موضروري

وقطي عباتجج

روحي على الساعه 8
وشعرج لازم بصالون شوفي التسريحه الي تليق بلفستان وبويهج

والمبك اب اذا انتي شاطره انتي حطيه

 

[منيرره]

ما بغيت أطلع بدون مساعده

الشعر والمكياج مو شرط صالون اذا انتي شاطره بالشعر والمكياج كاافي
والبدله انا ما أأيد بدلة سهره انا اقول بدلة راقيه حلوه مثلاً تنوره وتوب حلو روحي الصالحية محلات وايد والبدل تهبل
وأتمنى أكون فدتج

 

[عاشقة_الجمال]

حبووبه لبسي نفنووون عرررررس بس وخري عن الشك والشوارفسكي

خلي نفنووج يكوون كشخه وناعم سمبل لان الحضر ما يحبووون الخبه

والتسريحه سووي بف او شنيوون ( يعني ترفعين شعرج كله كبه )

وميك اب حده حده خلي ناعم لا تحطين ابيض وخرابيط ترى بيضحكوون عليج

وهديه موو شرط

وروحي الفندق الساعه 8 او 8 ونص

لا تلبسين شغلات خبه ابدا ابدا ابدا

 

[مس فاشن]

دامه بفندق
لبسي لبس سهره لان بيكون حفله مثل العرس بس الفرق العروس تلاقينها ممكن تفتر بين المعازيم
فلبسي شي يصلح لحفلة
الحين الهبه الموديلات ناعمه مافي سوالف شك وشوارفسكي وهالوالف لا الاغلب ناعم بس فخم بنفس الوقت

 

[al7lwa` `]

البنات مااقصروو معاج

بس انا اقوول كل ماسرتي ناعمه سار شكلج احلا

 

[الكواله]

رد : معزومه على استقبال ومتوهقه _ تعالوا يالحضريات

امبيييه لازم هديه شلون مولازم.. عيل ليش البنت مسويه استقبال...؟؟ انه اقول كشخى بفستان سهره ناعم وسوى شعرج بالصالون والمكياج انتى حطى حق نفسج ناعم.. والهديه لازم تعطينهاااا اياهااا بنفس وقت الاستقبال مايصير تروحين البيت..لان البنت سوت استقبال بالفندق معناته ماتبى احد يزورها بالبيت معروف هالشي.. اخذى لهاااا هديه حتى لو بسيطه تره جد مايصير ماتودين شي...وان شاء الله تكونيين ملكة الحفله

 

[فاقده حنان ابوه]

ما قصرو البنات

........

 

[اسم السيده]

رد : معزومه على استقبال ومتوهقه _ تعالوا يالحضريات

جزاكم الله خير وماقصرتوا عالردود

يعني اللي فهمته اني اكشخ كشخه عرس ناعم وحلو

والله يعييني على لفت السوق

مشكورين حبايبي وان شالله احضر استقبال كل وحده ماتزوجت

واللي متزوجه احضر استقبال بناتها وعيالها

ها ترى من الان علمتكم مو تنسون تعزموني

فديتكم كلكم

 

[" غـادهـ "]

رد : معزومه على استقبال ومتوهقه _ تعالوا يالحضريات

شوفي الله يسلمج آنا بقولج راي من إلي فهمته

أولا بالنسبه للهديه إي أخذيلها هديه حلووه ومرتبه وإذا إهي رفيجتج كلوووز أخذيلها شي راقي وسبيشل

وبالنسبه للبس والشعر والميك آب

بما أنه بفندق لبسي بدله رااااقيه وبنفس الوقت سمبل يعني نفس ستايل فنانات هوليوود << الأخت تنصحج على ذوقها لووووووول

إي والله ترى هالستايل قمه بالذرابه عندج مجمع زهره آنا أمس كنت فيه منزلين جم بدله شي شي روووووعه

عندج نورامينا وعندج محل أس ستايل وهمن محل يمه بالزاويه والله مادري شنو أسمه عنده جم بدله قصيره زووووووغه

أما الشعر الموضه ستريتر ومن جدام يكون سيلك مع تراجي نظام بروش بيطلع شكلج زوووغه

أما المكياج إذا أنتي تتقنين المكياج أنتي سوويه << حلووه تتقنين ههه ترى متعوب عليها خخخخخ

يعني خلج جدا نعوومه مجرد شدو توحيد لون مع خطة إي لاينر نفس خطة سعاد حسني ومسكره كثيفه وداخل العين لون فاتح

مع عدسات وبلشر طبعا والحمرا أكيد عنابيه بيطلع شكلج حده راااقي وكيوووووت

ومتى ترووحين عالساعه 9 أحسن وقت امممممممممممم بس هذا تقريبا إلي عندي

<< أدري هذرت واااجد خخخخخخخخخ

إي شي باخرطج ترى نعين ونعاون تحت أمرج .!

 

[توووووووتا]

رد : معزومه على استقبال ومتوهقه _ تعالوا يالحضريات

عندي بدلة راقية ب50 للبيع وسوي شعرج ومكياج ناعم لان الحضر يهتمون بالتسريحة اكثر من المكياج عكس البدو وخذي هدية مغلفة قميص من انور مع عطر او مجموعة عطور دبن هامز جذي وغلفيها وحطي اسمج بكرت وعطيها خواتها امها الي يكون شرط يوصلها لها