معسكر للشباب

[الغريبة]

السلام عليكم
بنات انا ولدي عمره 14 سنه اسم الله عليه عنيد الله يهديه و ما يسمع الكلام وطول الوقت على التلفزيون والنت او يسوي مشاكل مع اخوانه يعني عياره فالت:krkrkr:

ودي ادخله معسكر شباب من اللي يروحون مكة او المدينة او حتى بالكويت يحفظون قران ويتعرفون على صحبة صالحة
ودي يتغير و يتدين و يصير خوش ولد قولوا امين

اللي تعرف معسكر مع مجموعة زينه و ثقة يا ليت تعلمنى وجزاكم الله خير

 

[حلم الطفولة]

حبوبتنا أهلا فيج بالمنتدى وبقسمنا بالذات ,,
شوفي مصابيح الهدى أتوقع عندهم معسكرات من هالنوع ,, ..ودخلي الموضوع اللي فووووق بالصفحه الأولى بالهقسم : الموضوع مثبت اسمه : نادي سمعتي عنه أو جربتيه ,, فيه كل المواضيع عن الأنديه والمعسكرات

 

[أم عبووووود]

ربي يحفظه ويخليه ويصلحة يارب

حبيبتي حاولي تدخلينه احياء التراث او جمعية الاصلاح وفي بعض المساجد يسوون جذي تجمعات ويعلمون المراهقين ويحفظونهم القرآن ويودونهم رحلات عمرة

حتى مثل ماقالت حلم الطفولة مصابيح الهدى عجيبة مع الثويني حتى شخصيته تتعدل بس الاماكن صعب تحصلينها بسرعه يكتفي

الله يعينج يارب ويهدي ولدج ويصلحه وتشوفينه معرس قولي امين