معطر للسيارة

[EnG.NoNa]

قوووة بنوتات
ابي معطر حلو حق السيارة
حطيت واحد كان على ريحة فل ثاني يوم دشيت السيارة ولا صار جنة ريحة فلييت
انا مااحب ريحة الفروالة
عفية قولولي شنو الماركة و من وين احصلها
ميغسي بكوووووو​

 

[EnG.NoNa]

شدعووووووة فوق ال 40 بنية شايفين الموضوع ومحد راد علي !!!!
زعلتوني
​

 

[Little_Queen]

انا اقووووووووووولج أحلى ريحه والله العظيم

شوفي انا بسيارتي حاطه شغلتين

اول شي ... شفتي الي بالجمعية مال airwick يصير مثل دائرة زجاجية شفافه و فيها مثل جل ؟؟؟
خذيت منه البنفسجي ==== عطر الخزامى


حصلتلج صورتها و أخيرا

هذا حاطته ، و حاطه بعد جهاز من بودي شوب ... ب5 دنانير ينباع .. اهو باختصار فواحه .. تحطينها مكان الولاعه بسيارتج .. و اهي تطلع حرارة .. و فيها فتحه تحطين فيها مثل أوراق اتييلج مع الجهاز ... تنقطين على الورقه هذي نقط زيت عطري ، و تحطينها بالفتحه مالت الجهاز و تحطينه بمكان الولاعه و بس ... استمتعي بالريييييحة صج صج حلو

بسسس نصيحة نصيحة نصيحة ... الزيوت العطرية لا تاخذينها من بودي شوب .. غااالين وايد ما يسوى عليج ..

اخذيهم من دايسو ... الي في سيتي سنتر الاحمر تعرفينه ؟؟؟ بنص دينار ..
انا خذيت ريحة اسمها sour sweet ريحتها حلللوة جذي جنها علج حامض حلو مادري شلون صايره بس جد والله كل من قام يركب سيارتي يستانس على الريحة ..


و على فكرة الحين بعد بودي شوب حاطيلهم كشك في سيتي سنتر الاحمر ... روحي اشتري الجهاز من هناك ... و مري دايسو اخذيلج الزيوت العطرية ... و ممكن هم بعد تنوعين تاخذيلج كذا عطر من دايسو و عطورهم صج حلوة .. كان في بعد عندهم green apple واايد حلو مجربته بالبيت ...

 

[Little_Queen]

هذي صورة الجهاز مال بودي شوب

شوفي هذول القصاصات الصغار ...تنقطين عليهم الزيت العطري و تدخلينه بالجهاز و بعدين تحطين الجهاز بمكان الولاعه بروحه يشتغل .. و من تطفين السيارة شيليه .. صج صج حلو


و بتحصلين بالجمعيات هم بعد مثل جهاز صاير حق السيارة اعتقد هم بعد منتجات glade بس انا هذا جربته و ما عجبني .. بسرعه العطر ينشف و ما ينتشر وايد بالسيارة ... بس زوين ...


ومن فترة لي الثانية حطيلج كسره بخور انتي تحبينه عالولاعه و بخري السيارة .. هم بعد البخور يسوي شغل


و الاهم من هذا كله لا تخلين بالسيارة بقايا أكل او عصير او حليب لأنه مع الشمس و الحرارة تطلع رواااايح


و ضروري التهوية الجيده للسيارة بين فترة و الثانية و الاهتمام بنظافتها من بره و من داخل

 

[دلوعة ماما]

حتى انا استخدم اير كويك بس برائحة الخوخ ومن فترة لين فترة أبخر السيارة ولازم تهوين السيارة عشان ريحة الأكل

 

[dhaimo]

Little_Queen
مشكورة حبيبتي عالمعلومات المفيدة

 

[al-zabarjad]

بس بسإلج القصاصات الورقية يخلصووون ولا عادي استعملهم كذا مرة؟؟


وإذا خلصوا من وين أقدر أحصل عليهم؟؟


ويعطيج العافية خوووش معلومات

 

[EnG.NoNa]

Little_Queen


مشكووورة حبيبتي على هالمعلومات الطيبة وباجر اروح انشالله واشتريهم....
تشمين ريحة الجنة انشالله ...
:*​

 

[*جبرني الوقت*]

يعطيج العافيه

 

[Little_Queen]

اهما يحطولج مع الجهاز 10 قصاصات اعتقد

الوحده تستخدمينها كذا مرا يعني ليما تحسين انها كلش ذااابت من كثر الزيوت و ما قامت تمتص تقطينها


لحد الحين صارلي اسبوع على قصاصه وحده


بدت شوي تتنتف فبقطها و بحط وحده يديده

و القصاصات تنباع بروحها ببودي شوب هم بعد

 

[Little_Queen]

up
up

 

[دراعه]

أنا أبى بعد:edbf4317b9:

 

[بطة رشيقة]

اا بعد محتاره بس تونى قبل يومين رحت تروفاااليو وحصلت هناك مثل بخاخ عطر حق السياااره على فراوله خذته ارش فيه يعنى الكشن وجذى وما احطه داخل المكيف وانشالله يكون زين

 

[cherry kisses]

حبيبتي انا كل اشتريلي معطر مال السياره الي على شجره تتعلق بالمنظره

في وايد ماركات وانواع انا مجربه كل شي بس ماكو على هالماركه الي جنها شجره

وروايحها تيننننننننن فانيلا و الكرز وبلاوي والوان واشكال والريحه تينننننننننن

موجودين بمركز سلطان انصج تروحين الي بالسالميه احلى شي و في وايد انواع

وبس

 

[om-farh]

مافي مثل glode بالكرز(على مااعتقد جذي سمه)
بصراحه يجنن ويدوخ من كثر مااهوا حلو
حيييل عجبني

 

[nono78]

بودي شوب

عندهم معطر ينحط بالشحن مال السياره

عجيييييييييييييييب

واحل شي معطر الفراوله

 

[فروحة الحلوة]

بصراحة حوش مو ضوع حاصة اذا السايق له ريحة مو طبيعية .......
سوري لوعت جبودكم بس لازم تعرفون اشكثر
اعاناتي.....

 

[supermarket]

انا استعمل اير ويك خوخ ( البرتقالي )

وساعات ارش مخلطات دهن عود وهالسوالف

 

[غير كل الناس]

ماقصرت Little_Queen



صج ريحته وااااااااااااااااو

 

[miss-sarona]

صح لسانج حبي