معقوله ... تاخذين دعم عماله و ما تشتغلين !!!! وتاكلين مال حرام عادي ؟

[عيون ملكيه]

السلام عليكم




انصدمت

تفاجأت

لمن عرفت ان في بنات و شباب وايد كويتين ياخذون دعم عماله ب 400 و ال 800 دينار و اهم اصلا ما يشتغلون ؟!

ما يداوموون

ما يحللون فلوسهم ؟


معقوله بنات

في احد يرضى ياكل المال الحرام

مال مو محلل ؟

ترا هاذي سرقه اي انت و انتي قاعدين تاكلون مال حرام مسروق و خذيتوه بالنصب و الاحتيال

لمن تسجلين بشركه خاصه و اهلج يتفقون مع المدير او صاحب الشركه انج ما تداومين و تاخذين هالفلوس مو حرام ؟

غير الشركات اللي توظف كويتين و تاخذ منهم ربع الدعم بشرط ان هالكويتي ما يداوم و ينام و يسافر و يستانس و ما عليه من احد


صراحه

انصدمت الحين في ناس تشقى عشان اللقمه الحلال و في ناس نايمه بالعسل و ينزل معاشها بحسابها و تصرفه اكل و لبس و خرابيط بسهاله و تنام قريرة العين

انتو شرايكم ؟

 

[aṕriliå]

رد : معقوله ... تاخذين دعم عماله و ما تشتغلين !!!! وتاكلين مال حرام عادي ؟

لا تعليق ...

 

[Flower20]

رد : معقوله ... تاخذين دعم عماله و ما تشتغلين !!!! وتاكلين مال حرام عادي ؟

للاسف ناس وايد مستهينين بمسألة الاكل الحرام والمال الحرام
المال الحرام كل شي ينشرى فيه يكون حرام وحتى الاكل اللي ياكلونه من هالمال حرااااااام

والاكل الحرام يأثر على اخلاق الانساان عشاان جذي نشوف الذنوب والبلاوي زادوا بالمجتمع
وصدقيني اصلا الفلوس الحرام تضيع بسرعة

ما اقول الا ماكو احلى من اللقمة الحلال

 

[عيون ملكيه]

صاجه المال الحرام مصيبه لكن محد عارف نتيجتها

 

[عاشقه القيصر]

اي والله معاج حق باجر اشلون يقابلون ربهم اذا الله سألهم من وين جبتوا الفلوس؟
استغفر الله يا ربي ..

 

[منوووووله]

والله هالزمن وهلوقت اي شي ايب افلوس اتلاقين العالم ركضه وراه يات على دعم العماله

وبعدين وايد ناس لو كلمتيهم بيقولون موحرام لانه رب العمل عارف وراضي وفي مفتي افتى بهشي بعد

 

[عيون ملكيه]

شلون رب العمل راضي

يعني الحكومه تدري ؟

يعني اهم عندهم استعداد يروحون لدعم العماله و يقولون ترا احنا ناخذ هالفلوس و ما نداوم

و ترا ما وقفت على دعم العماله
في ناس الهندي يطق لهم الكرت و لا المصري و لا ما ادري منو و اهو نايم ابيته

ياربي اشلووون يقدرووون على هالشي

 

[masoo 511]

حرام اللي يسوونه بس مع الاسف وايد ناس ما يفكرون انه هذا حرام وسحت يحايبون عليه يوم القياة اهم يحسبونه شطاره والحكومة لو تدري عنهم بدفعهم الاولي والتالي واللي يساعدهم على البوق الله بحاسبه وتلاقينهم يصلون ويصومون ويروحون العمرة بفلوسهم هذي واهم قاعد يبوقون الحكومه

 

[حجيه هيونه]

رد : معقوله ... تاخذين دعم عماله و ما تشتغلين !!!! وتاكلين مال حرام عادي ؟

صج اكو مفتي افتى انه دام صاحب العمل راضي فهو حلال

بس والله مادري احسها صعبه والفلوس الى جذي احسها حرام الله مايبارك فيها

 

[لوازم العائلة]

رد : معقوله ... تاخذين دعم عماله و ما تشتغلين !!!! وتاكلين مال حرام عادي ؟

لا وازيدج من الشعر بيت
تلقينها مو بديره
بعضهم عايشين بسعوديه

 

[أشبـاهـ المطـر]

رد: رد : معقوله ... تاخذين دعم عماله و ما تشتغلين !!!! وتاكلين مال حرام عادي ؟






إذا عندج رخصه من وزاره التجاره وفعلا مفعلتها
دعم الي يوصلج حلال لانج صاحبه الرخصه وربه العمل

اما غير ذلك فهو حرام واسألوا فيها
على العموم الحكومه تدري عنهم وساكته

 

[صااحبه الامتياز]

رد : رد: معقوله ... تاخذين دعم عماله و ما تشتغلين !!!! وتاكلين مال حرام عادي ؟

اي والله ماال حراام واناا اعررف وااايد نااس جذي بس لا اباالي ,,,

بس تدروون رااح يقووموون عليهم قومه كل الفلووس بيردوونهم اثر رجعي لان كله نصب ونااس ماا عندهم شركاات ويسجلوون باساامي شركاات على بوونه عندهم شركاات بس والله بيتحسفوووون ,,,,

 

[حياتي فراغ]

رد : معقوله ... تاخذين دعم عماله و ما تشتغلين !!!! وتاكلين مال حرام عادي ؟

انزين و اللي يطقون اقامات حق الهنود ويحذفونهم بالشوارع
و الفتوى تقول
ولي الامر يدري عن هالشي وساكت يعني حلال

و اللي تزيد طالب من اهلها درجه ولا اثنين على ابو انه واسطه

و اللي يسافرون بره علاج ومافيهم إلا العافيه و يقول ولاحصلنا سفره ليش نردها و ابشرج نص اللي بلندن علاج ترى سياحه وتسوق لا علاج ولا يحزنون علاجهم موجود بس مشتهين السفر

و اللي يوقع و يرد البيت يحط راسه وينام و آخر الشهر ياخذ المعاش بارده مبرده

و اللي ساكن في بيت اهله و ياخذ بدل ايجار





و اللي
و اللي
واللي



خليها على الله
الدنيا صارت سايبه وكل ماكلمتي أحد قطها على راس ولي الامر

 

[درة أهل الطولات]

رد : معقوله ... تاخذين دعم عماله و ما تشتغلين !!!! وتاكلين مال حرام عادي ؟

لا طبعا مرفوض

ولعلمج هم حرام انج تاخذين معاج وانتي ما تداومين كله طبيات

 

[فجورة]

رد : معقوله ... تاخذين دعم عماله و ما تشتغلين !!!! وتاكلين مال حرام عادي ؟

يا خواتي تدرون ما هي نار جهنم و أسباب الورود الى نار جهنم فمن اسباب الدخول الى نار حهنم الجسم الذي نبت من المال الحرام ، نعم هذا ما بلغنا به رسولنا محمد عليه الصلاة و السلام في حديثه :-

فقد جاء في حديث عن النبي  أنه قال ( أيما جسم نبت على سحت فالنار أولى به ) .

للأسف هذا واقع فأنا اشتغل بشركة و احتك احيانا بقسم التوظيف و اطلعت على بعض المعاملات و الشؤون التي تخص موظفين كويتين كويتيات بسبب ما طلب مني من عمل فاكتشفت انهم مسجلين كعمالة وهمية يعني ياخدون 100 دينار من الشركة و مسجلين بالتأمينات الاجتماعية و ياخدون دعم العمالة و هم نايمين بالعسل بالبيت ،

ناقشت هذا الموضوع مع بعض المسؤولين في الشركة فقالوا لي احنا نبي نغطي نسبة التكويت المطلوبة من وزارة الشؤون فاحنا مظطرين و لا حل لدينا .

المهم أنا لا دخل لي بالموضوع لا من قريب و لا من بعيد و لكن علي النصح و التذكر لأن الذكرى تنفع المؤمنين فالمال الحرام كله حرام و بأي طريق جاء فهو حرام سواء بالسرقة او بالزنا او بالرشوة او بالربا او بالغش أو بالخداع فهو حراااااااااااااااااااااااااام مادام الانسان لم يشتغل و يتعب فيه بعرق جبينه و بالطرق الحلال التي يعرفها قلبك و عقلك و بالفطرة التي ولدت عليها.

اتمنى ان من سلك طريق كسب المال الحرام ان يرجع الى الله فو الله لو عرفتوا الله حق المعرفة لزلزلت أجسامكم من الخوف و من قوة عظمة هذا الاله الذي لا يظلم احدا و يوم تشهد عليكم جلودكم و ايديكم و جوارحكم اللهم اني بلغت اللهم فاشهد الله ارنا الحق حقا و ارزقنا اتباعه و ارنا الباطل باطلا و ارزقنا اجتنابه

 

[أشبـاهـ المطـر]

و اللي ساكن في بيت اهله و ياخذ بدل ايجار

انا معاج بكل الي قلتيه بس الحين المتزوج
تمشيه الزوجيه وبدل الايجار بدون شروط
قبل صح كانوا يسون تفتيش قبل لايستلم بس الحين عمموه على كل المتزوجين
سواء عايشين بيت اهلهم ولابرا

 

[عــاشــقــه]

نص آلديرهـ هذآ إذآ مو آغلبهآ يآخون دعم عمآله وآكثرهم شبآب وريآيل

وآلسبب ممكن يقعد بآلبيت بآلشهور وآلسنين وللحين مآتوظف آنآ آعرف وحدهـ جآمعيه قعدت سنه ونص بآلبيت

وآخر شي توظفت بخآص , ووآحد ثآني مهندس 5 سنين مو لآقي وظيفه صآرت آلحكومه وآلقطآع آلخآص إدور على إللي

عندهـ دبلوم لأنه معآشه آقل

هذآ غير آلشركآت آلوهميه بآلملآيين يوظفون نآس بس جذي عششآن يآخون فلوس من آلحكومه يعني مو شركه صج مثل مآ

تقولين


وآلحكومه لآفي تفتيش لآفي شي مآيدرون هآذي شركه صج ولآ لأ صآر شي سهل إن آلوآحد يسسوي آورآق وأجر له مكتب

على بو إنه شركه

 

[law love]

رد: رد : معقوله ... تاخذين دعم عماله و ما تشتغلين !!!! وتاكلين مال حرام عادي ؟

صج اكو مفتي افتى انه دام صاحب العمل راضي فهو حلال

بس والله مادري احسها صعبه والفلوس الى جذي احسها حرام الله مايبارك فيها

دعم العماله ينوخذ من اموال الدوله
و الدوله تعتبره مخالفه قانونيه
فحراااااااااااام وزقوووم
وعس الله لا يهني احد ياخذ بهالطريقه بفلس واااحد :yaaaaaarb:

 

[وآحشنــي زمآنـك]

رد : معقوله ... تاخذين دعم عماله و ما تشتغلين !!!! وتاكلين مال حرام عادي ؟

حراااااام حرااااااام حراااااااام ,,


الله يبعدناا عن الماال الحراام والأكل الحراام ,,



والله أعرف وحده عندهاا عيــال تااخذهاا ومن أول ماا خذتهاا وهي مو بخيــر ,,


حملت مرتين وطيحت وطلعتلهاا غده واااااااااااااي ,,

 

[يبقى الوله]

ررربج فووووقهم ويحآسسسبهم على كل فلس حرآم خذووووه


عفيا قلووووب شلوون ياكلوون حرآم عآدي عندهم

لله لآيبلآنا