معقوله ملل بعد!!!!!!!!!!!

[بودرة سكر]

السلام عليكم انا جديده في المنتدى :q8: بس عندي مشكله ماثره علي جدا زوجي متغير علي بالاحترام والتقدير متزوجه لي6سنين وعندي بنتين ونظراته لي غريبه كانه شايف شي مني على اني طيبه وحبوبه ومطيعه له
لاكن انا مستغربه مايقصر في البيت ومعي لاكن انا حاسه انه في شي مايجلس معي احس انه ضايق باين عليه

وانا اقوم لاني ضقة يوم شفته كذا ولما اروح انا وبناتي معه الروحه تصير ثقيله ويمللنا وانا اقول خل نرجع للبيت ويروق بعدها ويرجعنا واذا قلنا نبي عشا بعد الطلعه يطفش ويهاوش ويقول سوو عشا في البيت انا تعبان ابنام

على انه مافيه شي ويروح لسرير ويلعب الجيم الي في الجوال وينام موغريبه :eh_s(2):وبدون سبب حتى صرت انام بدار بناتي مااطيق انام عنده تجيني ضيقه وملل وش اسوي لاني احس اني ماعاد اطيقه حتى انا تتوقعون ملل ولاايش :0bee2e8d89:
على فكره لما يروح معه احد غيري ينبسط ويروقولما اكلمه يكون مبسوط ويحاول يخفيه عني

قبل كم يوم راح مع امه يشترون غساله وقلت بروح معكم بشتري بلازما رفض وتحجج ان السياره صغيره
وبعدها راح بسرعه مايبيني ومبسوط ولما نكون في الفراش اي شي يطفشه ويقوم لو بنتي تبكي لو تطفي المبه تخرب

ويقوم لو ماسوى شي مو غريبه وماعاد مع اهلي مثل اول مايسلم ويطفش اي شي اجيبه لهم موغريبه احس اني مره متضايق منه لما اقول راي مايعجبه يقول انتي مريضه وقاعده ابجي الحين من الحره معقوله كل هالتغيير


ماصدق ساعدوني تكفون ماعندي غيركم يالله ساعدني:eh_s(2):

 

[الشهد كله]

حاولي تقعدين وتسألينه شنو اللي مضايقه منج أو من بناتج أو من البيت بس بهداوة وبدون صراخ ؟؟؟؟؟

وبعدين الزوج إذا ما يحط حرته في زوجته وبيته وين تبينه يحطها ؟؟؟

دايم الزوج ما يلقى أحد جباله إلا زوجته سبحان الله ، إن حب يفضفض لها أو يصرخ بوجهها ، أو ينفر منها

لأنها طول اليوم بوزها ببوزه ما عنده أحد .....

حتى انتي إذا تضايقتي من أي شي مديتي البوز في بيتج في مجال تروحين بيت أهلج وتتناجرين مع

أي أحد ؟

طبعاً لأ .....

أخذيه بالسياسة وشوفي شنو اللي مزعله ، يمكن سامع شي ، يمكن شايف شي وما يبي يتكلم ما تدرين شنو ظروفه

وعسى الله يسخره لج يارب​

 

[منوووووله]

شكله ملل واكتأب حبيبتي ومبين ماكو تغير عالروتين يبيلكم تغير نفسي حده

يمكن ملان من الحنه واليهال ومضغوط يبيله فتره ويرد طبيعي وهالشي طبيعي يصير بكل بيت اتي فتره ملل وزهق

واحسن حل شغلي قرأن ابيتكم

 

[MisS^MesSY]

حاولي تقعدين و تتفاهمين معاه حبيبتي لا تسكتين

 

[ملامح جنونيه]

رد : معقوله ملل بعد!!!!!!!!!!!

شغلي قران

و وروحي اساليه شنو مضايقه يعني جلسة مصارحه بينج وبينه

و نصيحه من اخت

شوفي نفسج بالمنظره شوفي شنو الي مو عاجبج شنو ناقص سوي تغير كامل من جسم و لبس و بشره و شعر وكل شي

جربي روحي السوق اشتري فستان من الفساتين الجديده و القمصان الي تحسسج صج ملكه

و بعدها روحي الصالون واسالي الخبيره و تفاهمي معاه سوي تغير كامل كل شي

و بعدها لو تودين بناتج الله يحفظهم بس يوم واحد عند اهلج وخلي سهره خاصه فيج انتي و زوجج بس

او فاجئيه بعد النيولوك و السهره بسفره خاصه احجزي لكم اسبوع او اسبوعين انتي وياه بس باي دوله تبينها

وشوفي شلون بيستانس منج

جربي تسوين هالشي

 

[@فطفوووطه@]

قعدي معاه جلسة صراحه وشوفي شنو اللي مضايقها وان شاء الله ماكو شي وموووفقه

 

[خربشات حزينة]

كل علاقة زوجية تتخللها فترة فتور خاصة بعد سبعة سنوات زواج
مرحلة وتعدي انشالله

 

[شمس 20]

يمكن فتوره ملل بس خليه عادي ويرجع لطبيعته ان شالله ماعليكي

 

[ميدوا]

رد : معقوله ملل بعد!!!!!!!!!!!

ان شاءالله خير سافروالوحدكم وخلواالاولادعنداهلش ولا اهله

 

[بودرة سكر]

رد : معقوله ملل بعد!!!!!!!!!!!

الله يجزاكن عنني خير الجزاء صدق انكن راعيات واجب الله يريحكم ويستر عليكم

 

[جنون العشق]

واي هالرياييل يخوفون والله مالهم امان لو شنو تسوين



عسي ربي يهدي بالنا

 

[Fajory]

رد : معقوله ملل بعد!!!!!!!!!!!

حبيبتي اخذيها نصيحه واقري سوره البقره كل يووووووم وشوفي التغيير اللي بيصير باذن الله اموركم كلها بتصير حلوة.. وااايد ناس كانت عندهم مشاكل ومن سورة البقره رجعت حياتهم احسن من اول بس لازم تقرينها وانتي مؤمنه ومتيقنه ان الله راح يفرجها عليج ..والله يعينج حبيبتي ماعليه صبري والله يوفقج ويهديلج زوجج ولا تنسييين تدعين له بكل اللي تتمنينه ادعي فيه .. خلج مع الله ترى غيره ما ينفعج