معقول كتب بهالاسعار حيل رخيصه ما اصدق

[أنثى اليمامة]

صباح الخير ..

بنات وانا احوس بالنت كالعاده ادور وابحث عن الكتب ، لقيت موقع الكتروني مصري ييع كتب ويوصل الكتب ،، بس الي ما اقدر اصدقه هو سعر هالكتب الرخيصه جداً جداً ..

معقوله ... والا بالامر ان ،، لا وحتى الكتب الانجليزيه سعرها رخيص هم ..

يمكن موقع نصب ، والا الكتب رديئة النوعيه والا مدري .. يا ريت تفيدوني شتقولون بهالسالفه

شوفوا الموقع

http://www.nefsak.com/Books/


على الهامش ، ليش اغلفه الكتب الانجليزيه تهبل وفخمه تطير العقل ..؟:eh_s(2):



..
​

 

[أنثى اليمامة]

معلومه الـ 100 جنيه تساوي 4.57 دينار كويتي
​

 

[رحيل المرافيء]

لا هذي اسعارهم
حتى بالمعرض كتبهم على دينار ونص
وبمصر ارخص طبعا وايد ناس يروحون مصر بس عشان يشترون كتب ويرجعون
ومثل كتاب مدام كوري هذا للصغار والمراهقين لو تشوفين كتب الكبار اغلى

 

[ليلو جبريت]

انا ودي اطلب كتب من النت بس مو عارفه كيف
بادش الموقع وباشوف
شفتي يا انثى كيف الادب صاير سعره رخيص
وعلى فكرة اليوم كلمت الي مايتسمى راعي هذي اخرتك

 

[هوية غريب]

في كتب على دينار وأقل ..

مشكورة حبيبتي اليمامة احنا ربعنا اللي يروحون مصر وايد نوصيهم ييبون الكتب من هناك

 

[Unknown :P]

ايــ عادي بس هذي الأسعار بســ بمصر رخيصهــ .. يعني بالكويت راح تغلا ..

 

[عادت ذكرياتي]

يا ليت هالأسعار بالكويت لوووووووول

 

[the white heart]

حبيبتي الكويت معروفة كتبها غاااااااالية .. أنا لمن اروح سوريا أشتري الكتب لأني استانس على الرخص لوووووووووووول

 

[هولنديه اياكسيه]

لامورديه هذي اسعااارهم

ياحليلهم كتبهم رخيص يخلون الناس تحب القراءه من الرخص

 

[أنثى اليمامة]

مشكورين بنات كل الي ردوا ،، بس صج يخلون الناس تحب القراءه ،، والا بالكويت الكتب نار .. صج فرق حتى سعرهم يفرق كثير عن النيل والفرات ، جيكت كتاب بينهم وبين النيل والفرات ، الفرق وايد كبير ،،،

مشكورين حبيباتي
​

 

[حمام شاقني فنه]

ئيه بمصر تشتريها حيــــــــــــــــــــــــــــــل رخيصه في كتب توصل ل 300 فلس هناك عادي مومثل هني

 

[أنين الماضي]

ونااااسه مانسافر مصر لووووووول بس على فكره الكتب بالكويت موحده يمكن جرير شوي الكتب رخيصه فيها بس فيرجن وذات السلاسل نار الكتاب من 4 دنانير وفوق عاد شوفي جم كتاب بتاخذين وعليج الحسبه لووول

 

[ليلو جبريت]

انثى بصراحه افكر اطلب منهم
باجرب وباشووف
اذا نصبوا علي باقوولج

 

[أنثى اليمامة]

ههه ، اوكي جربي وقوليلي ،، انا للحين ادور احد يساعدني بالطلب ،،، متوهقه اول مره اطلب من النت .. عاد انتظر تجربتج ..


​

 

[ღ كحلاء العين ღ]

،*


عــآآدي هنــآك كل شيء آرخـص مـآ وقفـت على آلكـتب لوول ..


؛​

 

[ليلو جبريت]

جربت اليوم اطلب من عندهم
قلت بختار عدد محدود عشان اذا نصبوا علي مايهمني المبلغ وما اتحسف

طلبت رواية عزرائيل ب 35 جنية
ساطفئ المصابيح ب 20
يوسف ادريس على فوهة البركان ب 7

المجموع 62 جنية

يعني بالبحريني مايتجاوز الخمس دنانير

لما تحطين المعلومات عشان تحسبين التكلفة طلع لي المجموع
305 جنية
يعني ب 19 دينار وشوي قولي 20

فحرام 3 كتب ب 20 دينار :bbbiu:
اروح اخذهم من المكتبه احسن لي
وكنسلت الطلب

 

[أنثى اليمامة]

الله اكبر عليهم الحين الشحن اكثر من سعر الكتاب صج نصب انا قلت السالفه فيها ان ..

يبا ننطر معرض الكتاب واايد ارحم ..


​

 

[Perfect J]

انا بمصر كل اسبوع لازم أمر مكتبة وأشتري كتاب او قصة
حتى لو ما خلصت الكتاب اللي قبله بس ادماااااااان قراءة

وفعلا فرق واايد بالسعر، انا اروح جرير انصدم وايد بالاسعار
كله رايح على المكان والغلاف ماله داعي !