معكرونة الدجاج بالكريمة و المشروم

[Be colorful]

احب هالأكله واااااااااااااااااااايد بس ما اعرف اسويها دايما تنقص معاي الكريمه وتصير ناشفه
اذا مو ناشفه يصير طعمها حليب


اللي تعطيني طريقتها الصحيحه اكون شاكرتلها

باااااااااااي

 

[صخر جلمود]

up

up

 

[noynoy]

اول شي اخذي الدياي غسليه بماي بارد و بعدين حطي عليه طحين و نتفه خل و نتفه زيت زيتون
و ملح و فلفل اسود بكميه زينه عشان الزفره
بعدين خليه بو ساعه عقب غسليه بماي بارد و نشفيه بكلنكس المطبخ
عقب سخني الجدر و حطي زبده بعدين حطي الدياي لما يطلع مايه
و كتي البصل مقصصته شرايح ضعاف و بهارات ايطاليه (ثوم بودر-اوريجانو-ملح) و نتفه كمون عشان الدياي بحيث ما يغير طعمه يعني يا دوب نص قفشه صغيره
بعدين لما يستوي الدياي قصري النار و حطي ثوم مهروس و المشروم و خلطي بو 5-7 دقايق
و كتي الكريمه + قفشتين او 3 قيمر و خليهم يطبخون على نار واطيه الى متوسطه
بعدين لما تحسين انه نضى عدل حطي جبن موزوريلا تقريبا نص كوب
و تكونين فايحه مكرونه (فيتوشيني او مكرونه الفيونكات) و تخطينها مع الصلصه
و عشان تصك اكثر حطيها اب بايركس و كتي فوقها موزيرلا و دخليها الفرن لما تتحمر و بس

 

[شندوخه]

شوفي حبيبتي اذا سلقتي المعكرونيه لاتقطين مايها زيدي على الكريما لم تطبخ مقدار نص كوب من ماي سلق المعكرونيا
هالطريقه ماتخليها ناشفه

 

[جارة القمر]

مشكوووووريييييييييييييييييين


http://www.q8yat.com/showthread.php?t=469921


http://www.q8yat.com/showthread.php?t=660336


http://www.q8yat.com/showthread.php?t=365877&page=9