- إنضم
- 25 مارس 2012
- المشاركات
- 80
- مستوى التفاعل
- 0
- النقاط
- 0
سلام عليكم ورحمة الله وبركاته
شلونكم شخباركم كويتيات
إنشاءالله تمام
أنا اليوم بقولكم مشكلة صديقتي
لأنها بجد تعبت منها
تقول:
أنا وأهلي كنا أسره سعيده خاليه من المشاكل
لين صار لنا شي قلب حياتنا رأسنا على عقل
أمي تعبت ومرضت فجئه من دون سبب
الهم عاد صارت دايم تبكي
ومتضايقه وماتبينا
لدرجه راحت عند أهلها بالكويت لأن أمي كويتيه وأبوي سعودي
عاد هنا بدت القصة
بنات حنا مستوانا الأجتماعي زين الحمدالله
ومن عايله معروفه في الرياض
بنات أنا ماقول كذا عشان افتخر بعايلتا ومكانتنا الاجتماعيه
لا والله بس حبيتا قول كذا عشان اوضح لكم الصوره
عاد امي يوم سافرت للكويت
انقلبت حياتنا
امورنا اعتفست
صار بيتنا ما فيه احد إلا انا وخواني
وابوي دايم مسافر لانه عنده شغل وصفقات
مهمه مايقدر يتركها
بما اني الوحيده الي من بينهم بنت
صار كل امور البيت على راسي
صح فيه خدم وحشم
بس مع ذلك مايعتمدون الإ علي اخواني
لدرجه صارت علاقتي مع صديقاتي وبنات عمي مو مثل قبل قويه
دايم مطيحه عندهم مع أن فالتنا جنب بعض
اكثر شي ازور بيت جدي
وهنا تعقت أهل جدي كل يسبون اهل امي
ومايحبونهم وأهل أمي نفس الشي
مايحبون أهل أبوي
ودايم أسمع كلام يغث
مع أن المشكله يقربون لبعض أمي تصير بنت عمة ابوي
دايم أحس أن بينهم سالفه قديمه هي المخربه علاقتهم بس مدري شنو
المهم تمر الشهور وانا دايم حزينه ونفسيتي تعبانه
لدرجه اني ماعد صرت اهتم بنفسي
عاد امي للحين مادق علينا ولا تسال
بس حنا الي نكلمها وأن كلمتنا تكون مضايقه
حتى أبوي حاول يدق عليها بس ماترد عليه وأن ردت تبجي وتقول ما قدر تعبانه وتسكر التلفون
عاد جدتي أم امي قالت ميدنا تعالوا الكويت
عشان أمكم تبيكم
عاد ابوي حجز لنا تذاكر سفر للكويت
كلنا انا اوخواني
ويوم رحنا الكويت اهل أمي ما ستقبلونا بالمطار قال ابوي يالله ما عليش يمكن ما يعرفون موعد رحلتنا عشان كذا ماجوا طوفا
وصلنا بيت جدي الا اشوف العايله كله مجتمعه من خوالي وخالاتي وحريم خوالي
دشيت انا وسلمت على الحريم ولا كلهم يخزوني بنضرات احتقارا حتى بناتهم الي كبري نفس الشي بعدين طنشتهم ورحت وصعدت فوق لغرفه أمي لاني ماسلمت عليها
ولا يدق علي اخوي الكبير محمد يقول ابوي تهاوش مع خوالي وطلع من البيت
وانا وخواني قاعدين بالمجلس واحس انهم ناوين على شي انا قلت له عادي طنش ما عليك منهم سكرت من اخوي ولا اشوف رقم ابوي على تلفوني رديت عليه كان يقول ميدي
شوفي انتبهي لخوانج انتي وأخوج انا شوفيني بالمطار بروح بريطانيا وبطول أي شي ينقصكم كلمي عمج ماجد وهو يعطيكم عاد انا بكيت
لانهم أهانوا أبوي وطردوه بما اني جريئه وشخصيتي قويه رحت لخوالي وهاوشتهم عشان طردوا ابوي ولاا يقوم جدي ويعطيني طراق ويقول اسكتي يالي ما تربيتي ابوك عاقب بنتنا ولازم نرد له الصاع صاعين
عاد سكت ورحت انا وخواني لغرفنا
عشان نرتاح من السفر بنات أول يووم وصير معنا كذا الجل شلون لو شهر قعدنا عندهم
مرت الايام ودايم مطفشينا لدرجه يابنات
اخذوا الكرت البطاقه حقت السحب البنك منا انا وخواني لان ابوي لكل واحد من خواني يمشيله مصروف وفاتح لنا حسابات بالبنك
لدرجه صاروا يهاوشونا وطقوني انا وخواني
وانا صار لي اسبوعي ادق على أبوي جهازه مغلق بعدين تذكرت ابوي قال ميدي أي شي تحتاجونه دقوا على عمكم ماجد وهو بيعطيكم
رحت ودقيت على عمي وسلمت عليه وطلبت منه يجز لي تذكره سفر لدبي لانه يدرس هناك في دبي بعدين هربت من البيت يالليل واخت جواز وشنطتي والتذكره وأخذت تكسي ورحت المطار
وصلت الصبح لدبي ورحت حق عمي قعد يهاوشني يقول شلون هربتي من اهلج الحين بيشكون فيج ويسون لج فضيحه
قلت انا تعبت خالي اكثر وحده انذليت عندهم
سكت بعدين قال وخوانج قلت اقول هم يعرفون يدبرون نفسهم وانشاءالله بيجوا هنا
بعدين يابنات مر شهر وأنا محد يدري عني
لاني محلفه عمي مايقول لاهل أمي
لاني اكرهم ناس ماديين يحبون الفلوس
تكفون قولولي شسوي انا الحين تورطت ما اقدر اروح أسافر الكويت لانهم اكيد بيذبحوني
وماقدر اروح السعوديه عند اهل ابوي لانهم نفس الشي وعمي يقول اصبري لما يجي ابوك من السفر عشان نروح الرياض لان ابوي شخصيته قويه ويعرف يسكتهم
عاد الحين بنات ابوي مختفي ماندري وينه حتى جولاته مسكره والحراس الي يشتغلون عند ابوي نفس الشي
انا اخايفه ان ابوي يكون صار له شي
حتى المدرسه بدت عندنا بسعوديه
مارتح لها وأخواني دريت انهم رجعوا السعوديه
وبدوا يدرسون
وانا يابنات معلقه بين السماء والارض
المشكلة اني اخر سنه لي بالثنوي
وساحبه عليها
المشكل أنا ماهمني كل هذا
الي هامني ابوي مادري عنه
بنات انا ودي اسافر لبريطانيا عشان اشوف ابوي
تكفون ساعدوني انا ماقدر استحمل مليت من الانتظار
..............................