معلمات البنين فقط تقضلوا

[shamsq8]

للاسف معلمات مدارس البنين محد حاس بمعاناتنا ، دائما يوجد نقص معلمات بسبب الواسطات
والكل يروح مدارس بنات وبالتالي نصاب كبير ونفس المعاش غير ان تدريس الاولاد مرهق اكثر
فآنا أقترح اما زيادة معاشاتنا أو نرفض اخذ نصاب كامل ولو نسوي مناشدة بالجريدة حق وزير التربية لازم يعرف بمعاناتنا ويشوفلنا حل
اتمنى اشوف ردودكم واقتراحاتكم لحل مشكلتنا اغلب معلمات مدارس البنات نصابهم منخفض وغير انهم مكودين 10 و12 مدرسة بالقسم الواحد
واذا يابو مدرسه حق مدارس البنين بالواسطة ترجع مدرستها مو معقول هالشي لازم يكون في عداله ويشوفولنا حل

 

[catt]

اوافقج الراي اميه بالاميه

لان الصبيان الجهد معاهم يكون ضعف البنات

اعتقد سبق وقدمو اقتراح لمعلمات البنين لكن لم يرى النور هذا الاقتراح على قولتهم

وخاصة احنا مدرسات العربي حصتين ورى بعض


بس انا احمد ربي مدرستنا الصبيان فيها من نظرة الصف كله يسكت

جد احمد ربي على مدرستي وعلى الادارة اللي متفهمين الوضع يعني ما يضغطون عليج كافي علينا انهم صبيااااااان

بس تدرين الطلبة اللي عندنا يركض وراج ما يبيج تشيلين حتى القلم وماشالله شطار واهلهم مجابلينهم واوالياء الامور ناس راااااقية


بس المفروض نقدم كتاب لان معاناة المدرسات في مدارس البنين ماساة


وعلى فكرة اختي ترى انتي كاتبة الموضوع مرتين مسحي الاول

 

[shamsq8]

ماعرف مو مكتوب كلمة حذف ؟؟

 

[كتابة صحفية]

السلام عليكم
بصراحة موضوع يجذب القارئلقرائته و للاهتمام بل وتسليط الضوء نحوه لكن اعتقد انه يستحق اضافة عدة جوانب اخرى
شكرا احتي الكاتبة ولك مني اطيب تحية

 

[Angel_store]

يعطيم العافيه

 

[اللولو000]

اي والله صاجه حبيبتي المعين الله

 

[catt]

اووبا

 

[miss lulu]

اب اب

اي والله البنين تعب بتعب

 

[رحيل المرافيء]

المفروض مافيه تفرقة تتعين بمدرسة بنات ولا اولاد نفس الشي
شكو كلهم يبون مدارس البنات
هذا لازم قرار من الوزارة الدايخة

 

[catt]

اب اب

 

[ترانيم القصيم]

الله يعين .. أحس ضبط الأولا صعب .. مرة جوني عيال أخوي الله يحفظهم ,, و تعبت مرة معهم

عكس البنت ,, وش زينها وش حليها تهبل .. و عااااقلة ^_^

يا لبيهنــا بس حنـا البنيات .. ^_~

 

[gogosh]

اي والله كلام مضبوووط امية بالأمية

 

[منال القلب]

مع اني مادرست صبيان

بس اشوف ان تدريس الصبيان وايد احسن من البنات الصراحة

البنت ممكن تحقد وتفتن وتشيل بقلبها

الولد يحط فوق راسه مثل امه او اخته وتقدرين تقصين عليه ويقعد عاجل.. مادري انا هذا رايي

عيل اذا تبون زيادة على جهدكم الجبار في تدريس البنين... المعلمين الذكور شنو يقولون مساكين

على الاقل احنا عندنا خيارين ندرس بنين وبنات اهما بس بنين >> لوول

 

[zqertya]

انا صوتي رايح من الصراخ البنين يتعبون صج اكثر من البنات بس بنفس الوقت احسن من البنت لا يفتن ولا يشيل بقلبه ياحلوهم انا امي تحاول فيني اروح بنات بس انا ابي بنين علاقل يتحركون شوي مو دلع البنات

بس صح ياريت يخففون عنا انا 15 حصه بالاسبوع غير تدريب الانشطه وغير المناوبات

 

[ابله لوله]

مشكوره اختي على طرح الموضوع ..
بالنسبة لي انا جربت بنات اول شي .. وبعدين نقلوني صبيان ..
الصراحه بدون مبالغه لو شنو كانوا البنات ملاقه وثقال طينه ودلع وطوله لسان .. والخ
ماييون شي عند الصبيان ..
صارلي اسبوعين منقوله حق الصبيان .. امبيه شي مو طبيعي ارد البيت بس ادور مسكن حق عوار الراس ..
غير انهم دفاشه ويستخفون دمهم ويستعبطون ..
غير الهوشات اللي ما تقدرين تفاججينهم بالصف والله اخاف ع روحي بينهم خصوصا ان في بينهم خوامس (( يبووووووووووووووي ))
بدون مبالغة اطول مني .. بعضهم عايدين السنه شنو تتوقعين ؟؟

انا مااقول الا لنا الله ..
والله مظلومين ومكروفين اكثر من اي وزارة بالديرة المفروض الزيادة تكون لنا بالاولوية ..
غير البدلات
هههه
يعطيكم العافيه ابلات .. وقواكم الله ..

اسفه عالاطالة بس من زود القهر