معلمات الروضة .. والسيديااات

[رفرف]

سلام يا أبلات يا حلوات ...


بغيت أسألكم عن سيديات الروضة ..
تستعملونهم والا لا ؟
(على حجي اللي كان يبيع بالمعرض انهم يدرسونهم الحين برياض الأطفال بس انا ماسمعت احد ياب طاريهم)
وشلونهم ؟ زينين والا يعلقون ويختربون بسرعة ؟
تحسون اليهال يستفيدون منهم والا لا ؟

بالنسبة لي انا مدرسة ابتدائي وأحس سيديات العلوم عندنا حلوة وايد بس هم خراباتها وأعطالها وايدة ...
و الرياضيات فيها أغلاط بالمنهج نفسه وايدة ..


انا حبيت اسأل لأن السيديات الحين متوفرة للبيع ..
وانا شفتهم بمعرض الكتاب وحبيت اخذهم حق بنتي تتعلم عليهم بس قلت اسأل احد مجربهم أحسن ..
ومافي أحسن من مدرساتنا وأكيد محد مجرب السيديات كثركم ..
فشرايكم ؟
تنصحوني فيهم والا لا ؟

 

[الحياة]

الصراحة السيديات حلوة ومفيده حق اطفال الروضة منها يتعلم على الكمبيوتر.. ويتعلم اعداد وكلمات ويشوف قصص وافلام .. وكل شي ..

بس مشكلتهم يعلقون عندنا بالروضة بس مايندرى السيديات ولا الاجهزة اللي مو شي وسكه...​

 

[رضاب]

هلا والله رفرف

بصراحه وايد حلوين أنا اطلع منهم شغلات حق دروسي

فيه اعداد وكلمات وتلوين وقصص

انصحج انج تشترينه انا اشتريته من مكتبة جرير ب5 دنانير
فيه12 سي دي

 

[رضاب]

هلا والله رفرف

بصراحه وايد حلوين أنا اطلع منهم شغلات حق دروسي

فيه اعداد وكلمات وتلوين وقصص

انصحج انج تشترينه انا اشتريته من مكتبة جرير ب5 دنانير
فيه12 سي دي

 

[أوركيد]

السيديات واايد حلوين ومفيدين ..وآنا مشتريه حق عيالي منهم يستانسون عليها ..

بس مشكلتهم واايد يعلقون ويشكلون ..

 

[زلابيا]

السيديات حلووووووووين وااااااااااااايد مثل ما قالوا البنات ..

ومفيدين وفيهم قصص وافلام واعداد والعاب عدديه وكلمات يعني يستفيد منها الطفل ..

الاطفال بالروضه يستانسون عليهم

بس تره هالسيديات بس يعلقون بكمبيوترات الروضه بس عندي بالبيت شغالين اوكي الحمدالله ولا مره عانيت منهم

توكلي على الله

 

[رفرف]

مشكوريييين انا خذيتهم بس مو بهالسعر !!!

ال12 سي دي للمستوى الأول ب10 دنانير ..
ونفسهم للمستوى الثاني ..
واذا بتاخذونهم كلهم مسوين عرض ب 16 دينار للمجموعتين ..
لا تقولوووون 5 عورتو قلبي

 

[أوركيد]

رفرف ..

لا مو بخمسة ...

آنا أخذتهم بــ4 دنانير من جمعية المعلمين ..:eh_s(20):

عوار قلب ...مو!!!

 

[رفرف]

اوركيد ..............

يانحسسسسج ... خليني مادري ليش تحريني !!