معلمات الرياض أطفال نوروني

[لباس التقوىk]

السلام
أشكر روحكم الحلوه وبارك الله بامثالكم

عندي شغلات مو عارفه لها بالروضه
شنو يعني الاصفي لما يكون تدريبات لغويه-تدريبات عدديه تعزيز عدد-ربط عدد
ياليت تعطوني الخطوات لكل وحده منهم والفرق بينهم
والله يجزاكم خير

 

[أوركيد]

التعزيز للعدد..

نفس خطوات تقديمج لدرس العدد بالضبط ..منبه ..درس..تصنيف..تكافؤ للمجموعات ..

بعد ماتخلصين من الدرس ..الوقت الباجي كله تمارسين فيه مسابقات للأطفال للعدد..مثال:

تطبيقات ورقيه >>>>حوط العدد المناسب ,وصل العدد المناسب بالمجموعة

العاب ترفيهيه للأطفال ..مثل لعبة النرد او الزهر..كتبي الاعداد على النرد والعدد يقرونه الاطفال..

مسابقة على اللوحة المغناطيسية...تقسمين الاطفال لمجموعتين وكل مجموعة عندها عناصر >>المطلوب تلزق على اللوحة المغناطيسية عناصر تناسب العدد

كل طفل يحضر لي اشياء من الاركان على العدد ..4 الوان من الفنيه

4 قصص من المكتبة

4 اكواب من المطبخ .....الخ

 

[لباس التقوىk]

مشكوره أختي الصراحه ماقصرتي
طيب ربط العدد شنو يفرق؟
وتدريبات لغويه؟ شلون طريقتها

 

[لوميه]

حبوبة التعزيز للعدد والكلمة ... اوكي اعرفه اما التدريبات اول مره تمر علي !!!


االمهم التعزيز ..
منبه بسيط
تطلبين من الاطفال التصنيف ... بطوقين اخراج العدد ثم اضافه عنصر للمجموعه اللي على يمينج يعني العدد اللي تبين تعززينه وليكن العدد 4
بعدين نكافؤ المجموعتين

نعزز العدد بالالعاب
كثري من الالعاب ...

مثل : البحث عن العدد بالفصل ..
اخراج العدد من بين الاعداد المتناثره .
تطابق من خلال بطاقات مقلوبه الطفل يختار بطاقتين اذا نفس العدد يفوز
ونرد نغير الاماكن ... واللي ما يفوز له طلب مثل ينط ... 4 مرات / يحضر 4 اقلام من ركن الفنيه ...

...............................

لحظه اعتقد نشاط كتابي يعني عندكم تدريبات عدديه ...
بالنشاط الكتابي نسوي مسابقات بس نعطي اكبر وقت للكتابه

مثل لكل طفل لوحه صغيرههملوت بو ميه يكتب عليها

ومجموعه بالفنيه الوان اصابع تكتب
البعض يكرر العدد باوراق الكراس ... موجوده طبعا بكل روضه او تقدرين انتي تسوينها ...

.................. الكلمه نفس الشئ ......

لكن نضيف على الكلمه انه تحاولين تخلين الاطفال يحطون الكلمه بجمله صغيره ومفيده .. مثل كلمة طبيب ... انا احب طبيب الاسنان ...​

 

[الحياة]

نفس ما قالت لومية ماقصرت وضحت كل شي...

بس ترى بتعزيز العدد ماكو كتابة العدد.. بس تشكيل العدد بالشمع والخامات
او لمس الاعداد .... الخ​