معلمات العربي متوسط ابي منكم خدمة

[سمورة الشطورة]

أنا معلمة ابتدائي لغة عربية وعندي بكالوريوس والحمد لله تخرجت بمرتبة شرف من الجامعة ووظفوني ابتدائي وصار لي 3 سنين وحتى الموجهين وايد مبسوطين مني ويقولون اللغة العربية عندج سليمة حتى مرشحيني لتعليم أولى ابتدائي وانا ما ابي مهاراتي باللغة العربية تنحصر على تعليم حروف ومهارات ابتدائي ومدرستنا صغيره وصفوفها قليلة والمعلمات القدم متمسكين برابع وخامس ومو مخلين فرصة اني ادرس صفوف اعلى من الصفوف الأولى وانا قررت احول متوسط وابي طريقة التدريس عندكم اشلون ؟ وياريت شرح مبسط لطريقة التحضير وتتوقعون في مجال للتحويل من ابتدائي لمتوسط وشنو احسن مدارس متوسط الي تابعة لمنطقة حولي التعليمية ؟

 

[سمورة الشطورة]

شدعوة مافي مدرسات عربي يدرسون متوسط هنيه؟؟

 

[سمورة الشطورة]

اب اب

 

[سمورة الشطورة]

شكلي دخلت القسم الغلط ولا ما اعتقد انه ماكو معلمات عربي يدرسون متوسط كلش وموضوعي باين من العنوان يعني الي مو مدرسات عربي متوسط ليش داشين يتفرجون ولا شنو ؟

 

[رحيق الورد]

هـلا أختي ..

صراحة الابتدائي للعربي مو حلو ..

ضغط 18 حصة ..


آنا أدرس متوسطة ..

بالنسبة للتحضير ..

أتوقع قريب للصف الخامس ..

كل درس 10 تناولات ..

الفهم العام و الجزئي و الثروة اللغوية و السلامة اللغوية و التذوق الفني

و الرسم الهجائي و الخط و التعبير و وقفة علاجية و تطبيق خارجي ..

آنا ما اعرف تحضير الابتدائي عشان أقارن لج و أقولج أيهم أحسن ..

بس بالنسبة للدروس حلوة و خفيفة ..

و خاصة المنهج الجديد حييل امسهلين القواعد بغض النظر عن مهارات التعبير الي مكثرينها عليهم ..

و إذا أنتي شاطرة و حابة القواعد الدسمة فروحي للثانوية ..

لأن المتوسطة ما عندهم غير الجملة الفعلية و الاسمية و المفعول به و الحال و الصفة أشياء خفيفة ..


و أنا أنصحج بالمتوسطة بين المرحلتين أحسن ..

الثانوية تصحيحهم بآخر العام متعب يطولوون بالمدرسة ..

و إذا المدرسة الي أنتي فيها ما يبون يعطونج المرحلة الي انتي تبينها انتقلي لمدرسة ثانية ..

إلا إذا كنتي مرتاحة فيها هذا شي ثاني ..

و عسى الله يووفقج و يكتب لج الخير أختي ..

 

[منال القلب]

هلا حبيبتي انا معلمة عربي (متوسط)

1- تناولات الدروس 11 تناول

2- عربي المتوسط من اسمه متوسط الصعوبة سواء بالدروس أو النحو.

3- دام انج تدرسين ابتدائي لما تييين للمتوسط راح تلاحظين الفرق من ناحية انج تدرسين شوي ناس فاهمة مو الابتدائي تأسيس وتعب.

4- يصير تحولين من الابتدائي للمتوسط.

5- أفضل مكان في منطقة حولي التعليمية والله مادري بس ان شالله بنات يساعدونج.

6- طريقة التدريس نفسها بالابتدائي يعني صف رابع و 5 تقريبا نفس 6 و7 و8 مافي فروقات وتغييرات الا بأشياء بسيطة

 

[توتي فروتـي]

رد : معلمات العربي متوسط ابي منكم خدمة

//

الي اعرفه ان:
التحويل من مرحلة أقل الى أعلى صعبــــة .,
وبإذن الله تتسهل ..

 

[سمورة الشطورة]

ألف شكر يابنات مابغيت ينرد علي راح اقدم تحويل واشوف يقبلوني او لا والله ييسرها بس ماقلتوا لي النصاب الكامل للعربي متوسط كم ؟؟