معلمات رياض الاطفال حياكم

[شادية]

مبروك قرب انتهاء الدوام وقرب بدايه العطله حبيت اطرح عليكم بعض الاسئله والمطلوب من ابلاتنا الحلوات الاجابه الصريحه والطويله ولشرح

اولا " شنو افضل المنبهات اللي قدمتيها خلال السنه وتحسين انها منبه وااو حلو ؟؟

ثانيا " شنو افضل مسابقه قدمتيها داخل الفصل ؟؟
ثالثا شنو اكثر شيء عجب المشرفه بدرسج ؟؟

رابعا شنو اكثر شيء عجب الناظره بدرسج ؟؟

خامسا شنو اكثر شيء عجب الموجه بدرسج ؟؟
شنو تميزتي السنه هذي بشنو في مجال التدريس ؟؟
سابعا شنو افضل فكره قدمتيها بنشاط الصباح ؟؟

شنوافضل فكره قدموها زميلاتج في النشاط ؟؟
شنو الانجازات اللي سويتيها في الروضه السنه هذي ؟؟
شنو الوسائل الجديده للي سويتيها ؟؟


تحياااااااااااااااتي لج

 

[شادية]

مشاركة: معلمات رياض الاطفال حياكم

اولا " شنو افضل المنبهات اللي قدمتيها خلال السنه وتحسين انها منبه وااو حلو ؟؟
لما قدمت عن السفينه استخدمت لوحه وبر وخيط صوف اوصله بين دبابيس مثبته على لوحه الوبر لتعطينا شراع شكل مثل ومنها سفينه

مره زميلتي كان عندها درس عن اهميه الحاسوب وجابت جريده وفتحتها جدام الجهال الا ملزقه دعايه وقالت يا اطفال شلون نكتب الدعايه فتوصلوا الى الكمبيوتر استانست المشرفه فيها ومره هم زميلتي عطت الاطفال ورقه فاضيه وقالت شنو ممكن يكون فيها لونوها الاطفال الا تطلع مكتوب فيها سوال الظاهر مستخدمه طريقه الكتابه السحريه اللي بالليمون

ثانيا " شنو افضل مسابقه قدمتيها داخل الفصل ؟؟
سويت كراسي على شكل دائه زحيتهم وكل كرسي عليه رقم ولعبتهم لعبت الكراسي والرقم المطلوب اللي كرسيه ويقعد عليه هو الفايز

ثالثا شنو اكثر شيء عجب المشرفه بدرسج ؟؟
منبه السفينه ونبراتي في القصه

رابعا شنو اكثر شيء عجب الناظره بدرسج ؟؟
لا تعليق خخخخخخخ ماتواطني

خامسا شنو اكثر شيء عجب الموجه بدرسج ؟؟

شنو تميزتي السنه هذي بشنو في مجال التدريس ؟؟
سابعا شنو افضل فكره قدمتيها بنشاط الصباح ؟؟
ملابس البحر خيتها طبقات ولصقت عليها سمك كان شكلهم مره حلو وبالشعبي لبستهمو خيش علشان المطر وكل صف عطيته شميات ويحركونها يوم الخبره شكلهم يجنن

شنوافضل فكره قدموها زميلاتج في النشاط ؟؟
يوم خبره الحيوانات اغنيتهم حلوه وهي شفتوا الارنب لحنها يجنن وجابوا الحيووانات اللي يتفخونها ورصوها على المسرح شكلهم يجنن
شنو الانجازات اللي سويتيها في الروضه السنه هذي ؟؟
مجله من صنع يدك الله يسلم النت
جهزت قاعه الحركيه
بطاقه للناظره
زينه القاعه بمناسبه يوم القرقعان
شنو الوسائل الجديده للي سويتيها ؟؟
سويت لوحه وبر لمسابقات النشاط
سويت وسيله للقصه لعرضها وهي اربع اجزاء كل جزء داخله مشهد

وسلامتكم

 

[pink rain]

مشاركة: معلمات رياض الاطفال حياكم

هلا وادي الغروب يشرفني اني اول من لبي دعوتج


عموما لي عودة اخري للمشاركة بس مو الحين لما افرغ انشاءالله لج مايسرج

 

[شادية]

مشاركة: معلمات رياض الاطفال حياكم

ياهل فيج ننتظرك وننتظر البنات

 

[لوميه]

مشاركة: معلمات رياض الاطفال حياكم

هلا وادي مشكورة عالدعوه بس لين الحين السنه ماخلصت ... وباقي زيارات وايد في هالخبرة ... البحر وخبرة الامدرسه الابتدائية لاني ادرس ثانية بس ان شاء الله بس اخلص من حنة اليهال والمشرفه بخرررر كل اللي عندي ...

 

[mooomooo]

مشاركة: معلمات رياض الاطفال حياكم

اولا " شنو افضل المنبهات اللي قدمتيها خلال السنه وتحسين انها منبه وااو حلو ؟؟

الدرس كان عن الجمل وكانت قصة عن اشخاص ذهبوا الى البر ووقفت السيارة شسوون ؟ ليما توصلوا للجمل


ثانيا " شنو افضل مسابقه قدمتيها داخل الفصل ؟؟
امممم رفيجتي كان عندها مكعب فلين كل وجه عليه رقم واستخمدته للعددي يبت كبابيس بو امية وحطيت كل كبوس له لعبه عددية وعلى الكبوس رقم ... ايي الطفل ويقل المكعب فيطلعله الرقم ويحضر الكبوس اللي عليه نفس الرقم ويشوف اللعبه اللي لازم يلعبها حيييل استانسوا اليهال

ثالثا شنو اكثر شيء عجب المشرفه بدرسج ؟؟
اممم ماكو شي معين هخخخخخخ


رابعا شنو اكثر شيء عجب الناظره بدرسج ؟؟
الناظرة دخلتلي بس هالكورس وماقالت شي ( الكورس الاول كنت حامل وولدت فماداومته )


خامسا شنو اكثر شيء عجب الموجه بدرسج ؟؟
قالتلي انج قاعده تحاولين وتغيرين من طريقة عرض القصة ( بس كله كان خواره هخخخخخخ )

شنو تميزتي السنه هذي بشنو في مجال التدريس ؟؟
والله اللي معاي يعطيها العافية شجعتني على التفكير والابداع ماشاءالله عليها شغلها كله كمبيوتر باللابتوب وتعرضع على التلفزيون حلوووووووو

سابعا شنو افضل فكره قدمتيها بنشاط الصباح ؟؟
هالكورس قدمت النشاط بدون موسيقى كان نشاطنا بعد وفاة الشيج جابر الله يرحمه فماقدمنا شي يديد


شنوافضل فكره قدموها زميلاتج في النشاط ؟؟
المدرسة اللي معاي يابت ولدها ولبست دراعه وقطت نون لولدها يوم الشعبي

شنو الانجازات اللي سويتيها في الروضه السنه هذي ؟؟
هخخخخخخخخخخخخخخخخ احم احم اي شي تحصيل حاصل
سويت انا واللي معاي يوم الصحة العالمي ويبنا الاسعااااااف
نسيت والله سوينا غرفة الحركية ويوم المولد النبوي بس

شنو الوسائل الجديده للي سويتيها ؟
انا ماسويت رفيجتي ماشاء الله عليها هذي حركه حلوة للمعلمات اذا كان عندج لابتوب وتقدرين توصلينه بالتلفزيون تقدرين تسوين درسج كاااامل اذا كنتي مستعيلة مثلا مره ييت الدوام وكان درسي العدد 8 بالكمبيوتر وبرنامج البور بوينت يابتلي صورة سفينه وعرفوها وبعدين غواص وصورة وهويغوص وبعدين حطتلي ثمن محارات داخل دائرة وااااايد حلو يعطيها الف عافية صج ماقصرت معاي فكملنا الدرس



ومشكووووووووورة على الموضوع وتعبت وانا اطبع بايد وحده لان ولدي بيدي الثانية نايم اسم الله عليه

 

[شادية]

مشاركة: معلمات رياض الاطفال حياكم

لوميه واي منج يا القاطعه وين هل الغيبه ياروحي فقدناج والله ننتظر ردج بعد انهاء الزيارات ياحلوه >>>> احس انج معلمه يطلع منج شي

مومو يعطيج العافيه كفيتي وفيت وش ذي الحركات خخخخخخخخخ تهبل دروسج وفنج

 

[دكتوراة بالذوق]

مشاركة: معلمات رياض الاطفال حياكم

اولا " شنو افضل المنبهات اللي قدمتيها خلال السنه وتحسين انها منبه وااو حلو ؟؟

يااكثر المنبهات وش اذكر وش اخلي ... وااجد روعة اذكر في خبرة الماء والهواء سويت منبة بسيط جدا بس طلع حلووو كنت لابسة طاقية بيضاء وملفع اسود وسلمت على الاطفال وقلت للاطفال احضرو لي الوان الاصابع ابي ارسم لوحة جميلة وقعدت اسأل عن الالوان وطيعا ايدي كانت وسخة كلها الوان وقمت اعدل شيلتي وكنت قاصدة اوسخ طاقيتي بالالوان فلاحظت وجوة الاطفال تعبست ؟؟ ونسو اللوحة وصارت عيونهم في طاقيتي فقال طفل؟؟ وع قلت شنو قالت امبية ابلة ملابسج توسخت فقلت صج ؟؟؟ ياربي شنووو اسوي ماذا فعل ؟؟؟ حتى توصلواا الى غسلها بالماء وتعرفوا على استخدامات الماء؟؟؟

ثانيا " شنو افضل مسابقه قدمتيها داخل الفصل ؟؟
كل يوم اغير مالي شئ ثابت


ثالثا شنو اكثر شيء عجب المشرفه بدرسج ؟؟
دايمااا تعجبهااا التغذية الراجعة لاني اتفنتك فيهاااااا

رابعا شنو اكثر شيء عجب الناظره بدرسج ؟؟
تحب التسلسل ...المرتب ..بس ناظرتها دقيقة جدااااااااااااااااااااااااااااااااااااا

خامسا شنو اكثر شيء عجب الموجه بدرسج ؟؟
ولاشئ.... لانهاااااااا مو كفؤ للتوجية ماتعرف غير النقد والله تدش علينا حلقة وتنقدناااا على كل شئ حتى على لبسنااااااااا؟؟؟؟

شنو تميزتي السنه هذي بشنو في مجال التدريس ؟؟
ولاشئ ....السنة كانت موحلوة بس احس اني هالسنة تعلمت اشياء كثيرة

سابعا شنو افضل فكره قدمتيها بنشاط الصباح ؟؟
واااااااااااو نشاطي هالسنة فلتة.. كل شئ سويناااا لدرجة اني سويت يوم داخل صالة النشاط ويوم ثاني في الساحة الخارجية وكنت اتعب لاني اشيل السماعات واشياء اخرى..
كانت ايام الاسبوع رهيبة مرة كويتي ومرة هندي .....الخ وخليت ايام الاسبوع بكل اللغات

شنوافضل فكره قدموها زميلاتج في النشاط ؟؟
سباق القواري في يوم الريااضي


شنو الانجازات اللي سويتيها في الروضه السنه هذي ؟؟
واجد بس افضل شئ سويت فلم كامل عن بابا جابر الله يرحمة

شنو الوسائل الجديده للي سويتيها ؟؟
مسابقات النشاط



ودمتم دمتم دم دم دمدمدمد دمتم سالمين

 

[شادية]

مشاركة: معلمات رياض الاطفال حياكم

بنوووووووووووته مشكووووووووووووره على التواصل والرد الحلو >>> نبي زياده حجي خخخخخخخخخخخخخخخخخخ

 

[دكتوراة بالذوق]

مشاركة: معلمات رياض الاطفال حياكم

وادي بصراحة هالسنة هذه اشوفها غريبة جدا جدا وتعلمت منها اشياء ماتعلمتها قبل ؟؟

قاعدة احاتي التقدير

الناظرة زينة بس البلا في الموجهه؟؟؟؟ ياكثر نقدها علي

 

[أم محمد 2]

مشاركة: معلمات رياض الاطفال حياكم

ماشاء الله علك وادي الغروب

موضوع حلو ويخليك تتذكرين احاث حليوة قمتي ابها ويا اليهال

بس اللحين الوقت متأخر

انشاء الله بكرة اذا جيت وقدرت بحط لك كم شيء من عندنا

تحياتي

 

[شادية]

مشاركة: معلمات رياض الاطفال حياكم

ام محمد ننتظر ابداعات معلمات السعوديه انشوف منو يغلب خخخخخخخخخخخخخخخخخ

ارتاحي وبكره تعالي هلي علينا اخبارج

يا حلو السعوديه واهلها




بنوته ماعليج من الموجه الموجه ورى الناظره لا تهش ولا تنش

تحياااااتي

 

[دكتوراة بالذوق]

مشاركة: معلمات رياض الاطفال حياكم

لا اللي عندنا غير

ناظرتنا طيبة حيل واي احد يغيرها ؟؟ فمابالك بوحدة السانهاااااا اطول منها مثل موجهتناا

 

[شادية]

مشاركة: معلمات رياض الاطفال حياكم

بنت الاحمدي شكلج مضبطه الناظره خخخخخخخخخخخخخخخخخخخخخخ اعترفي خخخخخخخخخخخ



(امزح )

 

[الحياة]

مشاركة: معلمات رياض الاطفال حياكم

لي رجعه لكم واقرا كل شي ..
بس الحي ماعندي وقت ... بقرا كل شي واكتبلكم كل الي عندي هذا اذا في شي عندي
ههههههههههههههههههههههه

يسلمو وادي على الموضوع المميز

 

[شادية]

مشاركة: معلمات رياض الاطفال حياكم

اشسالفتكم بنات كل وحده لها رجعه وما ترجع خخخخخخخخخخخخ

حياه ننتظرك يا عمري

 

[abla_momaiza]

مشاركة: معلمات رياض الاطفال حياكم

افضل المنبهات عباره عن : (1) حوض سمك صغير فاضي ثم اسأل الأطفال ماذا استطيع ان افعل بهذا الحوض ثم اضع الصخر والحوار مع الأطفال ثم الماء ثم الحوار ثم في النهايه سمكه حقيقيه للزينه حتى نصل للبيئه البحريه
(2) كيكه عليها 15 شمعه نتحاور مع الأطفال بعد الآستغراب تخص من هذه الكيكه نعد الشمع حتى نتوصل الى عيد التحرير ومناقشه ماذا كنا نفعل بعيد التحرير ولماذا لم نقم بهذه الأعياد هذه السنهنتطرق الى موت بابا جابر وعرض على جهاز العرض والبور بوينت دعاء العفاسي وصور المقبره ثم نتطرق الى مبايعه صباح ونشيد المبايعه ثم يرفع الأطفال الأعلام ثم نقوم بالتصنيف اعلام قديمه صغيره واعلام جديده كبيره ودمتم سالمين
(3) شريط فيديو يعرض سوق الخضار في الجمعيه نتعرف على محتوى الشريط ويتم مناقشهالأطفال به حتى نتوصل الى الخضار واهميتها واين نشتريها ومن يزرعها ( مزارع) الناس يعملون ........ الى اللقاء في القريب العاجل

 

[mooomooo]

مشاركة: معلمات رياض الاطفال حياكم

ماشاء الله منبهاتج عجيبة غريبة

هخخخخخخخخخخخ


يالله نبي زوووووود حق السنه الياية ان شاء الله

 

[دكتوراة بالذوق]

مشاركة: معلمات رياض الاطفال حياكم

على طاري المنبهات عندنا معلمة بروضتنااا اذا دشيتي حلقتها ماودج انها تخلص ؟؟

واو عليها افكار رهيبة لدرجة انها تفتح السقف وتطلع خراابيط...

واحلى منبه سوتة مرة انهااا نزلت من السقف ماء ؟؟ على اساس مطر وطبعا مع صوت الرعد والبرق والاضاءة لاتسألوني شلون نزلت ماي ؟؟ لانها خلت الصف ظلماااااا وبعدين زوم ونزل ماء ؟؟؟

 

[شادية]

مشاركة: معلمات رياض الاطفال حياكم

ابله مميزه يعطيج العافيهعلى التفاعل والاجابات الحلوه



بنت الاحمدي ياالله تذكري منبهات اللي معاكم بالروضه خلينا نبوق افكار


مشكوووووووووووووووووووووورات