معلمة حاسوب .. تايديني أحول ابتدائي؟؟

[تي شيرت2010]

معلمات انا اعطي ثانوي حاسوب,

تأيدوني احول ابتدائي.



أعطوني ارائكم الله يوفقكم:eh_s(10): لاني محتاره,,,

 

[تي شيرت2010]

أعطوني نصايخكم أخوات

 

[أم سليمان دشتي]

صباااح الخير يا حلوووة

انا عن نفسي اقول تمي بالثانوي افضل

الابتدائي يدفن المواهب وللاسف ماكو ترقيات ولا في تطوير من النفس

بعكس الثانوي دورات وتترقين مشرفة ووراها رئيسة قسم وتتطورين ان شاء الله

الله يوفقج انا عندي ابلات الثانوي يرتاحون لان التعامل مع الكبار افضل من الصغار

بس اولا واخيرا استخيري ربج والله يوفقج ياااارب

 

[Angel_store]

up ip up

 

[تي شيرت2010]

صحيح يابنات الي تدرس ابتدائي ما تاخذ وظائف اشرافيه

 

[MaHaWe2009]

صح حبيبتي قسم الحاسوب بالابتدائي ماكو رئيسة قسم بس وحده من المدرسات يخلونها مشرفه
واذا بغيتي ابتدائي ترا يمكن تدرسين صبيان مو شرط بنات
اذا لايعه جبدج من الثنوي جربي تنقلين مدرسه ثانية يمكن نفسيتج ترتاح مع قسم غير قسمج الحالي اذا مارتحتي حولي ابتدائي بس انسي البرستيج والذرابه اللي بالثنوي
بالتوفيق انشاء الله

 

[LaNaTy]

السلام عليكم
انا كنت معلمه حاسوب ثانوي وحولت ابتدائي من اول شي
راحت علي رئاسة القسم وبعدين طلبات توجية الابتدائي كثيرة بسبب ان الابتدائي مافية امتحانات
والله يوفقج

 

[قمة الإبداع]

أنا درست ثانوي سنتين بعدين حولت ابتدائي
نصيحة خليك مكانك لا تحولين الابتدائي متعب نفسيا و التعامل مع الاطفال حييييييل مجهد و الاقسام الثانية و الادارة حيل معتمدين علينا و لا ترقيات و لا شي و غيرة اسباب كثيرة .