معلومات ضروريه لشراء اي عقار خارج الكويت

[الكناري]

حيباتي الكويتيات
بما اني كنت ضحيه نصب واحتيال من مكاتب العقار في الكويت :eh_s(14):والحمدالله اني قدرت اطلع ربع حقي منهم
فحبيت اقولكم على الاشياء الضروريه قبل لا تشترون اي عقار خارج الكويت


1-لازم صاحب مكتب العقار يوريكم وثيقه العقار الاصليه علشان تتاكدون ان العقار موجود وان صاحب العقار موجود
2- لاتوقعين اي عقد بينك وبين مكتب العقار الا بعد ما تقرينه مره وثنتين وثلاث "لان الجماعه هناك ياخذونك بالكلام ويبون توقيعك بسرعه

3- انتبهي لكلمه العجز في العقد "طبعا مافهمتوها هذي الكلمه دايما يحطونها بالعقد والقصد منها ان الارض اللي بتشترونها ممكن تقل مساحتها عن العقد فلازم تطالبون بحقكم يعني يدفعلكم الفوارق بالسعر

4 - اللي بيشترون اراضي بسلطنه عمان فرقوا بين الارض الزراعي والسكني و السكني تجاري
طبعا افضل شي للاستثمار هو سكني تجاري
وبعدها سكني
واخر شي الزراعيه
يعني لما تنوون تشترون وضحوا لصاحب المكتب العقاري ان انتوا فاهمين السوق يعني لزراعيه برخص التراب لايقص عليكم ويرفع السعر على كيفه علباله انتم غشم ماتفهمون

اخيرا : اول ماتوقعون العقد لازم تسوون وكاله مصدقه من العدل وبعدها الخارجيه كلهم في برج التحرير
وبعدها لازم تتصدق من سفاره البلد اللي بتشرون منها العقار
وطبعا علشان السفاره تصدق على الوكاله لازم وجود وثيقه الارض _03BA:"وهذي موت النصابين " لانه اذا نصاب ماراح يعطيه الوثيقه لانه مايملكها

حبيبتاتي اي استفسار انا حاضره
وموفقين جميعا :tek:

 

[الست اصيله]

شكرا

 

[قمر الليل]

مشكووورة

 

[bint_looda]

وبهالاشياء لازم يكون صاحب المكتب معاي ولا عقب الدفع ؟؟ اذا عقب الدفع وتوهقت محد نافعني شلون الطريقه ؟؟
ومشكووره عالموضوع الحلو

 

[AFRoDiT]

واي مشكووووره حبيبتي نبهتينا على وايد شغلات

خو انا اكثر وحده ينقص عليها بهـ السوالف


شكلي باخذج معاي لما بروح اشتري الارض




يعطيج الف عافيه اختي

 

[بنت شرق]

شكرا بس ممكن تقولين لنا كنت ضحيه اى مكتب عقارى

 

[ودي أتغير!!]

يعطيييج العافية خوش موضوع

 

[supermarket]

ياريت تقولين قصتج مع النصب

علشان نكون على بينة

ووين شريتي العقار

وياريت المشرفات تثبتون الموضوع

 

[akadenia]

انزين انا افكر بعجمان ( دار الامان )

شلون اذا باخذ شقة على البحر

وماعندي فلوس ( خلوني احاول يمكن تظبط الامور )

بيت التمويل يشتري لي ؟؟

ومنو عندها خبرة عن الموظوع

 

[sara al3soola]

حبيبتي صاحبه الموضوع اول شي الف شكر لج لانج من اسلوبج مبين عليج طيوبه وماتبينا انطيح بنفس غلطتج

انزين لو انا حابه اشتري اراضي خارج الكويت بدول مضمونه بالخليج اوكي؟ مثلا سلطنه عمان او الامارات.. جم يكون سعر الاراضي حاليا و هل لها مستقبل بعدين ووين احسن اماكن مضمونه لشراء العقار بالخارج ويعطيج الف عافيه ناطره ردج اختي

 

[enter]

مشكوووورة ياعمري والله يعوضج ويردلج حقج......

 

[الكناري]

حبيباتي الكويتيات
شكرا على ردودكم على موضوعي
اولا النصب يكون مو من الدوله اللي بتشترين منها العقار
لكن
للاسف الشديد النصب من مكاتب العقار هني بالكويت
طبعا بالبدايه يعطيك الشمس بيد والقمر باليد الثانيه _03BA:
لكن وانا اخيتكم خليكم اذكياء :dddds:وبينوا حق راعي المكتب انكم فاهمين حتى لو بالكلام قولوا له انكم شارين من قبل وهذي مو المره الاولى اللي تشترون "اقصد سووا لكم بريستيج:tek:"
وبعدين وهو الاهم
ماعليكم من كلام صاحب مكتب العقار انتوا اصروا على هالنقط
1- لازم يزودكم بوثيقه الارض الاصليه
2- لازم يتصدق التوكيل من سفاره البلد اللي بتشترون فيها الارض
3-لاتدفعون كل المبلغ دفعوا مقدم ولما تستلمون الوثيقه باسمكم سلموهم باقي المبلغ
4- لما تستلمون الوثيقه اللي باسمكم ودوها حق سفاره البلد اللي انتوا شريتوا منها وتاكدوا انها صحيحه

واي استفسار ثاني انا حاضره وبالشوفه

 

[^^نـــواره^^]

مشكورة وما قصرتي على المعلومات

 

[أساور]

مشكورة وما قصرتي على المعلومات

 

[مضيعة برقعها]

مشكووووووره

 

[اسرار الغلا]

ياليت تكملين جميلج وتقولين اسم المكتب

علشان ناخذ حذرنا

 

[الكناري]

حبياتي الكويتيات شكرا على ردودكم
اللي تبي اسم المكتب على الخاص
المهم هو في حولي

 

[MiSs_ViSTa]

mshkoraaaaa

 

[كيوت_25]

يا ليت اسم المكتب بالخاص حبيبتي

و يزاج الله خير على التنبيه و الله يجعله بميزان حسناتج

 

[xxx]

مشكوووووورة على المعلومات

فعلا موضوع مفيد