معهد السكرتاريه و المُتحرش الجنسي !!

[كوَاليسْ]

بسم الله الرحمن الرحيم​

بنات في شي محيرني جدًا ,
كلنا تقريبًا سمعنا عن التحرشات الجنسية اللي صايره بمعهد السكرتاريه و اللي يكتب عنها كل اسبوع الأستاذ أحمد العصيمي و تُنشر بجريدة الوطن .​

اللي أبي أفهمه لَيش ما يحاسبون هالاساتذة اللي يتحرشون ببناتنا و خواتنا .!
ليش ساكتين عنهُم لين ألحين .!!
وين وزير التربية .!!
ساعات أفكر لو كنت بمكان هالبنات شنو بسوي !!
في بنات يخافون يقولون لأهلهم لأن مثل ما انتوا عارفين إن " البدو " يعتبرون هالشي فيه ذَبح .!!​

أنا حاليًا أدرس بمعهَد و إمتحاني الأخير راح يكون بمعهد السكرتاريه و البنات يقولون إذا تبين تنجحين عطي الاستاذ : ****** وجه و كم كلمة وينجحج !!
أنا ما صدقت !!! ولما سألت عن اسم الاستاذ طلع اهو نفسه اللي يتكلم عنه الاستاذ احمد العصيمي !!!​

و بموقف ثاني كانت تتكلم بنت معانا إنها راحت تمتحن بمعهد السكرتاريه و جاها واحد و قرب يمها لين وصل لأذنها وهمس : تبين مُساعدة .؟
البنت تقول انها تخرعت وصارت ترجف و قالت له لا مابي شي .
واليوم الثاني رسبت مع انها حاله عدل .!!
ولما سألتها عن اسمه طلع اهو نفسه المُتحرش !!!!​

شالسالفه ليش صايرين نخاف ونسكت عن كلمة الحق .!!
ليش للحين محد حقق ويا المُتحرشين .!!!
ليش ليما ألحين يدرسون هناك ويتحرشون ببناتنا ويساومونهم لدرجة وصلت فيهم ينادون الطالبات لمكاتبهم ويقولون فصخي نقابج .!!!​

نبي أحد يتصرف .!!!​

 

[Tom ♥ Jerry]

.


آنزين خل يشتكون عليه البنات عند الاداره !
خل ايي ولي أمر يوقفه عند حده !


ما يصير جي !

 

[طويت صفحة الماضي]

من صجج توني اسمع فيه واستاذ احمد اعرفه كان يدرس رفيجاتي وين هاللي يتحرشون ماقد شفتهم او سمعت عنهم في معهد لاني كنت ادرس فيه وشهر 8 خلصت منه حتى من ميداني

 

[الحلللوه]

الله المسستعاان الله يستر على البناات والمسسلميين اجمعيين

 

[فطووومة]

الله يستر على بناتنا وبنات المسلمين


المفروض البنات ما يسكتون ويشتكون ويقولون حق اهلهم


وشنو ذبح ما ذبح ؟؟ يعني البنت تسكت ويصير اللي يصير لا سمح الله ؟؟؟؟


لا حبيبتي هالسالفة مالها شغل بدو ولا مو بدو البنت اللي تواجه هالشغلة تروح حق الادارة او ابوها واو اخوها واكيد بيتصرفون ضد اي كان

او انه عادي عندهم يصير ببناتهم شي ؟؟؟؟

الحمدلله هالمعهد ماعرفه ولا اعرف احد فيه مادام الكل عارف بالموضوع وعاجبه وساكت الله يعين


الله لا يبلانا ويستر على بناتنا وبنات المسلمين

 

[تعبني البطى]

احمد العصيمي ( هذا استاذي)

يب في استاذ متحرش في بنت..

وصح كلامهم يوم يقولون روحيله المكتب عشان ينجحك

ماله امانه معهدنا بس الصاحي صاحي والخربان خربان

مثلا انا ماقرب بصوبي استاذ وسوالي هالحركه ...

استغفر الله من هالبنات عطرها واصل لين اخر المعهد وهالمكياج والقذله الطالعه يعني وش هذاااااا واتميع قدام الاستاذ اكيد بيحسب شي ثاني.

الله لايبلانا
وشكرااا..

 

[ســتارز]

بكل مكان موجودين لكن الصايبة تقدر تحمي روحها والله يهدي الجميع

 

[غنج اهلها]

ليش تسكتون عنه

جذيه يتمادا ولو خليت لخربت الديرة فيها ناس كبار اشكوه

يعني البنت مسكينه حاله عدل وعلي شان ماعطته وجه رسبها وين قاعدين

من جد ياحلو هالدعاء

ربي لاتسلط عليا احدا من خلقك

 

[شفايف كرزيه]

انا بالمعهد ولا شفت شي كلش
والبنات مو مقصرين الحمدلله والشكر بالمكياج والعطررررر اللي واصل لاخر المعهد وتقول تحرش فيني احشمي نفسج ومحد يتاجرا عليج
طبعا موووو الكل البعض منهم

 

[Eva-SS]

والله شوفي انا مو بهالمعهد

بس اقولج شغلة البنت اذا محترمه نفسها محد بيتحرش فيها .. اما تجيج اللبس مثل وجهها ونص الشعر مطلعته ومكياج كامل والعطر على بعد كيلو تشمينه وبعدين يقولون الدكاتره تحرشوا فيهم .. لو حاشمها عمرها محد بيتجرئ عليها

انا مادافع عنه بس لو ماشاف البنات معطينه وجه جان ما تمدا .. وانا كنت بالكلية ومروا علي هالفئة .. بكل كلية تلقين دكتور اخلاقه جذي لانه يشوفون بنات مادري شلون الله يستر علينا وعليهم بس والمصيبة اذا تحرش فيها الدكتور سوت روحها بريئة اول شي شنو يوديها لمكتبه انا اربع سنين وشوي بالكلية وتخرجت منها ولا عمري جيت دكتور بمكتبه عندي شي اكلمه وقت المحاضرة او اخر المحاضرة والبنت تفرض احترامها على اللي جدامها ترا حتى طريقة الكلام تبين اذا البنت مايعه وتدلع ولبسها وسخ لا تقول بعدين ليش الدكتور تحرش فيها ..

 

[ريآنة آلعود ~]

صح السآنكم كفيتو وفيتو <

 

[emankuwaiti]

لا حول و لا قوة الا بالله

ليش مايشتكون عليه ؟؟؟ اهو شاف الكل ساكت فيمكن يتمادى أكثر

 

[bitter-sweetness]

والله شوفي انا مو بهالمعهد

بس اقولج شغلة البنت اذا محترمه نفسها محد بيتحرش فيها .. اما تجيج اللبس مثل وجهها ونص الشعر مطلعته ومكياج كامل والعطر على بعد كيلو تشمينه وبعدين يقولون الدكاتره تحرشوا فيهم .. لو حاشمها عمرها محد بيتجرئ عليها

انا مادافع عنه بس لو ماشاف البنات معطينه وجه جان ما تمدا .. وانا كنت بالكلية ومروا علي هالفئة .. بكل كلية تلقين دكتور اخلاقه جذي لانه يشوفون بنات مادري شلون الله يستر علينا وعليهم بس والمصيبة اذا تحرش فيها الدكتور سوت روحها بريئة اول شي شنو يوديها لمكتبه انا اربع سنين وشوي بالكلية وتخرجت منها ولا عمري جيت دكتور بمكتبه عندي شي اكلمه وقت المحاضرة او اخر المحاضرة والبنت تفرض احترامها على اللي جدامها ترا حتى طريقة الكلام تبين اذا البنت مايعه وتدلع ولبسها وسخ لا تقول بعدين ليش الدكتور تحرش فيها ..

:rerrerek: :rerrerek: :rerrerek: :rerrerek:

 

[diamond doll]

ويع هذوله اكيد عقد موشايفين خير

الله يعينج

 

[حياتي تكنولوجيا]

يا معودات انا كنت بالتكنولوجيا وشفت مصااااااااااااايب سووووووووووده:rgewrg:
ولما بحثت اكتشفت ان الاساتذه اصلا مطلقين وكل واحد متزوج مرتين ثلاث واخلاقهم زفت :eh_s(14):بس مجرد شكل وسمعة عايله
نصيحتي للبنات:eh_s(2):
صوني نفسج ولا تطالعين فيهم واستري على نفسج :eh_s(1):​

ليش ليش ليش:eh_s(10):
لان الاشكال هذي عبدة الدينار ولا امان لهم
صدقوني والله انا شايفه مصايب بعيوني الله لا يواخذنا بذنوبهم ياااااااااارب بس اهني يجي دور الام والاخت والخاله والعمه يعني حرصوا بناتكم حذروهم من الاساتذه الفاشلين:eh_s(14):​

 

[هواجيس الفجر]

لا حول ولا قوة الا بالله

حسسسسسسبي الله و نعم الوكيل بهالاشكال

 

[coralia]

حسبى الله ونعم الوكيل​

 

[حلاوة عود]

الحجاب الاسلامي يعز البنت