معهد لافندر وين؟

[طوق البنفسج]

السلام عليكم ..

بنات الله يعافيكم بغيت عنوان معهد لافندر الي بالسالميه .. وين صاير بالضبط

 

[ام المزايين]

هلا حبيبتي انا اذكر وحده من صديقاتي راحت له اظن انه بالمهلب فوق بس مو متأكده بكره اسأل لك صديقاتي الي بالدوام

 

[saroon_143]

حولي - مركز المهلب - الدور الأول - مكتب 6
2620282 - 2620292

 

[طوق البنفسج]

مشكووورين يا بنات بس انا مو قصدي هذا .. قصدي مال المساج الي بالسالميه .. انا دقيت عليهم بس الفلبينيه الي عندهم خواره ماتعرف توصف
فرت راسي و مادليت

 

[ii DareeN ii]

شوفي طوق انا بفر راسج بس بحاول ادليج شفتي الحين وانتي راده من دوار البدع الشارع الي محفر الحين وصاير غير معرف الي تمرين على البطريق ومحلات الالعاب اكو بطريجج حديقه لفي اللفه مالتها تحصلينه انا ترا مو رايحه بس واصفينه لي

 

[طوق البنفسج]

مشكوووره دارين .. انا عيزت و انا افهمها هالوصف مو راضيه تفهم اقولها دوار البدع اتقولي مستشفى الراشد

ميرسي لئليك

 

[ii DareeN ii]

دوغيا لا اليك

 

[ورد الصبا]

انا اللي اعرفه انهو اللي بالمهلب وكانت عليه قضيه لانه لقوا فيه كاميرات وسكروه فترة وما ادري عنه اللحين فتح والا لا

 

[ii DareeN ii]

حبوبه لافندر الي بالمهلب غير هذا واحد ثاني بالسالميه حق تخسيس ومساج
ولافندر الي بالمهلب ليلحين يشتغل وناس تقول اشاعه وناس يقولون صج سالفه الكامرات والله العالم

 

[الدوريف]

انا اللي اعرفه انهو اللي بالمهلب وكانت عليه قضيه لانه لقوا فيه كاميرات وسكروه فترة وما ادري عنه اللحين فتح والا لا

ياوييلي اسبوع اللي طاف رايحتله

 

[supermarket]

وي ياحسرتي انا ناوية اروحله

ياريت احد يعطيني الاكيد بليز !!

 

[ورد الصبا]

يا خواتي لاني كنت امشي فوق بالدور الاخير في المهلب فلما مريت عليه شفته مسكر وعليه ورقة يمكن تغيرت الشركة الله العالم بعد ما احط بذمتي

 

[ام عبود الحلو]

صج ؟ عاد؟؟؟؟؟؟؟

 

[طوق البنفسج]

داارين طلع مو هذا الوصف

كانوا حاطين بالجريده عنوانهم و سالت ابوي و دلاني

السالميه .. وين مطافي السالميه تاخذين لفتها و بعدين اول اشاره يسار و تمشين سيده لما يطلع لج لافتت شارع عيسى القطامي تدخلين دخلته و تمشين سيده ليما تطلع لج لافتت جاده 7 تلفينها و بعدين سيده تلقين براحه على ايدج اليمين العماره اصير بظهرج لونها اصفر

الاشتراك ب 120 و الكريم ب 3 دنانير لمده 20 يوم اول 10 ايام يوم و ترك و ال 10 ايام الثانين كل يوم

وعلى كلامها تعطيج شراب اعشاب و حبوب اعشاب و تقيس نسبه الدهون بجسمج و تعطيج نظام غذائي

عاد قلت بفكر و اشوف

و مكانهم هادي و نظيف

 

[ii DareeN ii]

جربي طوق ونحن من ورائك

 

[طوق البنفسج]

والله جني بجرب .. قالتلي قرنتي من 4-8 كيلو و اذا ساعدتينا بالرجيم احتمال تنزلين اكثر ... بس كله ايبين اذا سوت تحليل الدهون .. و بنشوف

دارين بنسير و يا احنا يا الضعف .. يا ذابح يا مذبوح لول

 

[ii DareeN ii]

:eh_s(9): مترقبين مترقبين رشاقتج

 

[$$مذهلة$$]

والله جني بجرب .. قالتلي قرنتي من 4-8 كيلو و اذا ساعدتينا بالرجيم احتمال تنزلين اكثر ... بس كله ايبين اذا سوت تحليل الدهون .. و بنشوف

دارين بنسير و يا احنا يا الضعف .. يا ذابح يا مذبوح لول

هااااا شصار عليج اختفيتي من الضعف ؟؟؟



انا الحين خلصت 7 جلسات بس مافي نتيجه واضحه واللي تسويلي المساج تلوع الجبد جنه ريلاكس مو تخسيس سوتلي وحده شحلاتها شكلها تعرف وبعدها ما احصلها كله عندها ناس وهالفلبينية طاحت بجبدي