مع أو ضد والسبب

[الصابرة المحتسبة]

*
*
*
*
*
*
قرقيعان وقرقيعان........... بين قصير ورمضان

رمضان قرب الله يشرفه وتدرون بنص رمضان قرقيعان .

هالإستبيان بعرف منو فيكم تحب قرقيعان قبل

وقرقيعان الكشخة والتزقرت

 

[عاشقه رويشد]

قرقيعان قبل احلي لانه بسيط وحلو

 

[katko0ota]

انا عن نفسي كل شي قبل احبه ههههه

و بالنهايه وجهااات نظر

 

[سلحوفه]

قرقيعان الماضي افضل ولا نه بسيط

 

[شاغلتني]

قرقيعان قبل احلا لما كنا انا وخواتي وبنات الجيران ورفيجاتنا نفتر بالشوارع على البيوت ونقرقع وبعدها نروح لبيوتنا ونسوي عزيمه على اللي حصلناه كانت صج حياة شله وجماعه وصداقات وتجمع العايله


بس الحين اللهم ياكفي بس يجي تاريخ 15 من رمضان كل وحده تعزم على قرقيعان ولدها او بنتها وتسوي صناديق غير شكل صار القرقيعان حق حريم وكشخه مو حق يهال ووناسه

 

[بيتي بوب بس كويتيه]

أكيد قرقيعان الماضي وايد أحلى وتحسين بوناسته

 

[شموع الفرح]

طبعا قبل احلي بكل شي مو الحين اذا ما تفننتي بشي عيبوا عليج وكله خساير الله يعينا

 

[يابختي]

ماعرفت اصوت...

احب الاثنين...

الماضي يذكرني بروحي..وببساطتي.. ايام حلوة...طفولة...

الحاضر ذرب وحلو..وللحين محافظين عليه... بس توفير حماية اكبر مع الخدم..
بيت يرانا امهاتهم امريكيات للحين ييون يقرقعون..شقر وذربين..بس اييون...
الحاضر احبه..بس من غير فشخرته الزايدة والمظاهر الاوفر...


المهم تظل نحافظ على القرقيعان وفرحة اعيالنا فيه...

 

[بنت المطيييير]

مادري احس الماضي احسن
ماكان فيه تكليف في القرقيعان مثل الحين

 

[غــ q6r ـلا]

قرنقعوه قبل(باللهجه القطريه)

لانه كان بسيط وكنا نلبس احسن اللبس..بس الحين الناس قامو يتكلفون فالشي وايد

وجمعت قرنقعوه قبل وايد احلى...استغرب من بعض الناس اللي يقول انه مايتجمعون فالقرنقعوه

 

[روح مغليهآ]

كل شي قديم حلو ببساطته بوناسته
وهالسنين الاخيرة الكل ملاحظ ان الناس قاموا يردون على طريقة قبل وتشوفين اليهال بالشوارع مع الخدم صج منظرهم حلو يونس وترى حتى احنا لما كنا صغار كانوا الخدامات يقرقعون ويانا صج كانت ايام حلوة

 

[كويتية 1990]

شي اكيد قرقيعان الماضي لانه الهدف من القرقيعان وناسة اليهال مو التحدي بين الحريم والترزز
الحين كل وحدة تذبح عمرها بالقرقيعان وتلوع جبود عيالها باللبس الي مادري شلون صاير والقرقيعان مسويته بطريقة تعجب الكبار ماتعجب الصغار

المفروض انه القرقيعان يكون شكله يشوق لليهال و لبسهم يكون مريح لهم ومال قرقيعان مو ملبسينهم كشاكش ومادري شنو
اذكر كانت متعتي لمن كنت البس البخنق ونحس بتراثنا والقرقيعان مساكين اليهال الحين

 

[رحيق السـنين]

المـــــتاضي له طعم خاص رغم بسااطنه

 

[وردة-الكويت]

تم التصويت



بلنسبه لي ولأهلي قرقيعانا نفس قبل يعني من الماضي

ومشكوره على الموضوع

 

[tmtmt]

ت التصويت .. الماضي

مع اني بسوي الحاضر لنه اول قرقيعان

 

[*sweetgirl*]

الماضي طبعا

 

[كندية]

طبعاااااا قبل .....لان قبل القرقيعااان كاان ونااسه حق اليهاااال.....بس الحين صااير تحدي بين الحريم ومنووو تسوي احسن واغلى وماافي مثله....يعني اليهاااال اطلعوووو من الصوووووره......​

 

[لولا المحبه]

الماضي احلى

 

[فجر الغلا]

الماضي اكيد
اخييييييييييييه عالماضي ليته يعود
من بساطه ووناسه مو الحين بذخ وفخفخه على غير سنع

 

[sose 11]

بالنسبه لي احس قرقيعان الحاضر احلى قبل كان بسيط بي اللحين وناسه لان الناس صارت تتفنن في القرقيعان ودخلوا فيه شغلات حلوه يعني اللبس اللحين احلى بس من غير الاسراف والتكاليف اللي مالها داعي