مع أو ضد والسبب

[فـــخـــر]

تم التصويت ..

طبيعي الماضي كل شي قديم حلوووو ...

 

[لوكي 22]

الماضي فيه وناسه وبساطه
الحين تكلف وفسق عالفاضي حتى مافيه فرحه

 

[toook]

قرقيعان قبل مافية تكلف وبسيط والناس تقدمة وهي فرحانة والحين صار هم وعوار راس من
وين اجيبة وجم و.............. صراحة مالة طعم

 

[puppet]

قبل كنا نلف البيت واتذكر كان مسلسل اسمه عجاج أو شي جذي

كنا نخليه ونروح البيوت نطق البيبان ونحصل على حلاو ولا خردة

الوضع تغير .. طريقة لف القرقيعان سلات صغيرة داخلها شوية حلو .. والفناتك

ونروح عند الاهل يحذفونه علينا واحنا بالصالة قاعدين .. طريقة حيل بايخة

مو مثل أول

 

[MoNaY~]

قرقيعان ايام اول وايد احلىى

للأسباب نفسها الي ذكروها خواتي قبلي

تسلمين حياتي عالاستبيااان

 

[الاسطورة]

تم التصويت
والله قرقيعان قبل وووووووووووووووووايد احلى
ما ادري يمكن علشان كنا نقز بالفرجان
وانطق البيبان

 

[العين الكحيله]

تم التصويت

الحااضر احلا

 

[SelezYa]

طول ما السالفه ان في ككاو بالقرقيعان اليديد فأنا معاااااااه
ككاو وبلاش !! وي منو قدي

 

[مامة غناتي]

انا كنت استااااااااااااااااااااانس قبل حيييييييييييييييييييل نتجمع انا وبنات خوالي ونحوس المنطقه كلها

وبصراحه لا قبل ولا الحين لان لكل شي وقته يعني ولدي مستحييييييييييييييييييييييييل اخليه يروح يقرقع بره الحين اخاف عليه الوقت يخوف والناس ما تعطي خير حتى لو يشوفنه حلو ما يسمون عليه قبل اذكر كل من يشوفني يسمي ويذكر الله الحين لا اخاف عليه والله لو كان بوقتي يمكن عادي

بس على قولت القايل كل شي بوقته حلو يعني قرقيعان الحين ينفع م الحين

 

[Ocean]

تم التصويت للماضي

 

[sweet girl]

اكييييييد أول احلى

ألحين استغفر الله صار حق الكبار مو الصغار وتحدي منوو اكشخ شسالفه ترى اهوو فرحه لليهال ومحافظه على الماضي لا أكثر ولا اقل ماله داعي كل الاستعدادات حق حفله القرقيعان الناس بهالشهر يتعبدون واهو يستعدون ويزهبون حق حفله القرقيعان !!

يازين قرقيعان اول البخنق والثووب وجيس القرقيعان واليهال يتيمعون بعدين ويشوفون منوو يمع اكثر والله ونااااسه


يسلموو على الموضوع واسفه على الاطاله

 

[الصابرة المحتسبة]

نورتوا الموضوع يالغاليات

 

[كريستال ليدي]

قؤقيعان قبل احلى لانه كان متواضع وبسيط

 

[q8-SoOoFi-q8]

مع قرقيعان الماضي لأنه أحلى وابسط
وذكرياته حلوه

وقرقيعان الحاضر مو لنا
وراح يكون ماضي حق عيال هالوقت ​

 

[~خطر~]

قرقيعان اول لأنه بسيط ومافيه هياط
وفرحته كانت اكبر مو االحين كلن يحاتي جم يقط
اول مايقطون وايد يعني كلش كلش مايتعدى العشر دنانير
والحين 150 دينار و200 وانتي صاعده !
يازين ايام اول ,,,,,,,,,,,

 

[مباركيه]

يا حلوج يا الصابرة وياحلو مواضيعج
القرقيعان حلو 000قبل بسسط ويونس من جياس اليهال اللي مخيط واللي شايل جيش الجمعية00وياحلو الخلطة من البرميت والجكليت والفستق واللوز والحب00الله ذكرتينا بأيام الطفولة ندور من بيت لي بيت واللي ما عنده قرقيعان يعطينه خردة
وقرقيعان اللحين الحلو فيه انه مستمر الحمد الله بس المبالغة فيه مبيخته ما تشوفين يهال يقرقعون ماتشوفين الا سواق وخدم يوزعون القرقيعان 00وعساكم من عواده ولا يقطعها من عاده:tek:

 

[ScarletteO'Hara]

اكيد قرقيعان الماضي احلى
البساطة وايد حلوة
و يا حلاتنا ايام اول بس تصير جزة القرقيعان رحنا اشترينا جياس الخام او خيطناهم بالبيت و غنينا "قرقيعان و قرقيعان" و "سلم ولدهم" عند البيوت, الي يلس دشداشة و الي تلبس دراعة و بخنق, شي حلو من التراث حسافه انه بطريجه للاندثار, الي اذكر بعد ما نرجع من التقرقع تفرز الي يمعناه و نحط النقل على جنب و ننقعه بماي حار و ملح يوم و ناكله و نوكل اهلنا, ذكريات تونس

و لا الحين الصراحة على حسب ما اسمع لانه من سنين ماكو بيبيات بعايلتنا (اصغرنا اسم الله عليه عمره 16 سنه) الي يوصل قرقيعان بنتها الي 800 دينار, امبيه شدعوة على جم قطعة ككاو و صوره و صندوق مصيره الزباله؟ الصراحة ما يسوى كلش
و مثل ما قالوا البنات صار تحدي منو قرقيعانها اكشخ و اغلى نسوا ان اليهال اهم المعنيين بالقرقيعان و ما يفرق معاهم لو كان الككاو بزبيل و لا صندق المهم ياكل الحلاو و الككاو

و تم التصويت

 

[mama-fatma]

اكيد قبل احلى

 

[هدولى]

شلونج اختى الصابره مواضيعج تهبل بصراحه, عاد انا قبل جم يوم افكر بالقرقيعان اقول صج فرق بين قبل والحين وطبعا قبل احلى وايد بسيط وله طعم , اما الحين حدث ولا حرج شى مو طبيعى لازم تحسبين حساب للقرقيعان من تكلفه وفنتك بكل شى :tek:.

 

[([عطر رومانسي])]

اول نطلع من شارع لشارع ومن سكه لسكه نطق البيبان ونغني ونستانس
صج ايام راحت
بس الحين صار هم على القلب مو قرقيعان
اللبس كشخه حق الام وعيالها
والقرقيعان كشخه ويوصلج لحد البيت
وصار تحدي بين الحريم منو احلى لبس منو احلى قرقيعان ومنو مفنتقه هالسنه
يااااااااااااااارب رضااااااااااااااااااك