مع اعتصام المدرسين نغيب عيالنا؟؟

[ma7aya]

يعطيكم العافيه امهات. باجر اعتصام المدرسين والمدرسات. بتخلون عيالكم يداومون ولابتغيبونهم؟؟

أنا عيالي ابتداءي مادري قلت يمكن اغيبهم 

 

[دارسين]

انا اعرف كم وحده بتغيب عيالها

 

[| تفاصيل |]

حبوبه غيبيهم محد بيداوم باجر
لا طلاب ولا مدرسين

 

[روح مغليهاM]

بناااااات سوري يمكن لقااافه بس جد عندي فضووووووووول وش سالفه الاعتصااام عندكم

 

[كويتية صغيرة]

انا ماعندي غياب

صار دلع بصراحة

يقلدون أعضاء مجلس الأمة

مو بهذه الطريقة تتعدل القوانين

ليس بطريقة لوي الذراع

ولا بهذه الطريقة يتم تعديل القوانين

ليس تحت الضغوطات

حكومتنا ماقصرت
بس المشكلة ان احنا وصلنا مرحلة ..... ان كل شي نبيه على كيفنا ..... واذا ماصار على كيفنا ..... نسوي اضراب

وقاعد نعلم عيالنا على نفس الاسلوب الغلط

 

[ma7aya]

يالله صباح خير

اي لوي ذراع هذا؟؟؟؟؟. الحين الاعتصام بطريقه حضاريه لتوصيل وجهة نظر ومطالبه بحقوق مشروعه صار دلع؟؟؟؟؟

أنا ماكتبت هالموضوع عشان ادش بنقاشات أنا ولية امر لا لي ولا علي. كنت بشوف في دوام ولا لا عشان عيالي لايرتزون بروحهم بالمدرسه

بس اخالفج اختي الكريمه انه هالطريقه تعتبر لوي للذراع أنا اعتبره حق مشروع مادام لايخرج عن الحدود النظام. وتظل وجهة نظرج. بس موهذا هدفي من كتابة الموضوع

ومشكورين خواتي اللي ردوا

 

[Um Hasan]

آنا غيبتهم مع اني ضد الغياب

المدرسة تقول نص الصف غايب ..

 

[futooosh]

انا ما راح اغيب بنتي بالمتوسطه
صراحه امصخت السالفه

 

[جروح ودموع]

عيالي مدرساتهم قالوا لهم غيبوا كلنا باجر بنغيييب وانا اليوم غيبتهم وزميلاتي بالدوام يقولون المدارس فاضيه ووحده منهم ودت عيالها وردتهم لان ماكو احد مداوم

 

[عزة وكبرياء]

أنا غيبتهم بناتي وحدة باولى ووحدة بثالثة ابتدائي مع اني حضرت معاهم الواجبات والدروس امس وماقلتلهم بغيبكم بس بنتي اللي بثالثة قالتلي الابلات قالو باجر بيغيبون فقلت خلاص بغيبهم شحقه يقعدون بالمدرسة وحتى لو داومو الابلات مارح يعطون دورس جذي سمعت والله اعلم :080402ask_prv:​

 

[PuPa^^SWeeT]

يالله صباح خير

اي لوي ذراع هذا؟؟؟؟؟. الحين الاعتصام بطريقه حضاريه لتوصيل وجهة نظر ومطالبه بحقوق مشروعه صار دلع؟؟؟؟؟

أنا ماكتبت هالموضوع عشان ادش بنقاشات أنا ولية امر لا لي ولا علي. كنت بشوف في دوام ولا لا عشان عيالي لايرتزون بروحهم بالمدرسه

بس اخالفج اختي الكريمه انه هالطريقه تعتبر لوي للذراع أنا اعتبره حق مشروع مادام لايخرج عن الحدود النظام. وتظل وجهة نظرج. بس موهذا هدفي من كتابة الموضوع

ومشكورين خواتي اللي ردوا

:ggdw::ggdw::ggdw:


ههههه انا ابلة بس اغلب المدارس مداومين

يعني الغياب ماكان بالنسبة الكبيرة

بمدرتسي عالاقل