مع ام ضد الحضانه ( محتاجه الجواب ضروري )

[iLLuMinaTion]

هلا بنات

شلونكم

ودي اعرف شرايكم

ولدي عمره سنتين ونص

خايفه ادخله الحضانه للاسباب التاليه

- خايفه من الامراض

- متعلقه فيه وايد

- بالاضافه الى وجود دراسه تنصح بتواجد الطفل داخل البيت لفتره طويله افضل

والجانب الاخر

هو شقي جدا وودي يتعلم من الحضانه ويصير اجتماعي


شرايكم

 

[باقة ورد]

الحضانه احسن من البيت و سنه ولدج زين مو وايد صغير هناك يتعلم الالوان و الارقام و الاحرف و يتعلم الرياضة و الحركة و التواصل الاجتماعي مع الاطفال والمدرسات ... الاكل الجماعي واللعب الجماعي وتتنمى قدراته لانه راح يقارن نفسه بغيرة من الاطفال ....طبعا هالاشياء تعتمد على قوة الحضانه والادارة اللي فيها...مساوئ الحضانه بالنسبة لي بس بالامراض لانه طبيعي بياخذ العدوى اذا فيه طفل مريض عندهم

 

[حبيبا]

اذا انتي اتداومين انا انصحج ايروح الحضانة عشان يتعلم ويصير اجتماعي
بس اذا انتي ما اتداومين انصحج خليه بالبيت لان انتي راح اتعلمينه

 

[غلا الروح79]

هلا والله حبيبتي يشرفني اكوون اووول وحده ترد عليج
بالنسبه للامراااض فعلا انا عانيت من هالشيء هذا في بدايه دخوول ولدي
للحضاانه بس الحمدلله قمت اكاافح اول باول بس ولله الحمد من ناحية التعليم ولله الحمدوااايد
وااايد استفاااد ولدي واتعلم عسي ربي يفتح عليه بالهدايه والصلاااح وصاار حيل اجتماعي
وركد من الشطاانه اللي اهوااا فيهااا... وكلنا والله متعلقين بعياالنا بس حكم الظرووف تخلينا
نودي عيالنا للحضانه يتعلمووون عسي ربي يرزقنااا برهم يااارب....
انصحج توكلي ع الله ووديه ابرك لج عشاان يتعلم وتقل شطانته ويصير اجتماعي مايخااف من الناااس
عسي ربي يحفظ عيالنا وعيال المسلمين من كل شررر يااارب العالمين

 

[الأميرة جوري]

جربي شهر وشوفيه اذا مضطره يدخل خضانه دخليه.....

 

[عنووشه]

انا ضد الحضانه لاسباب الامراض بتنتقل بسررعه


بياخذ سلوكيات غلط مثل الطق او السب

ولااحق علي القومه والالتزام


قداامه ١٦ سنه كلها دراسه


خليه يستااانس ويشبع نوووم

 

[hooryah q8]

وديه الحضانه يتعلم و يصير اجتماعي و يلعب مع اليهال ومايخاف من احد لي طلعتيه يخاف من الغرب
و كلنا متعلقين بعيالنا بس مردهم بيدخلون الروضه و المدرسة و غيره عادي كلها جم ساعه و ابتاخذينه
و الامراض حتي من الاهل بياخذها مو بس من الحضانه

توكلي على الله و دخليه بس اختاري حضانه زينه

 

[نـعـومـه]

انا مع الحضانه بحالتين

اللي ماعندها احد تخلي عيالها عندهم

واللي ولدها او بنتها وحيدين امهم وابوهم وماعنده احد يلعب معاه عالاقل يشوف احد يسولف يخالط اللي بعمره

 

[ليمون ونعناع]

اختاري حضانه مو جيدة الا ممتازة ودخليه

اهم شي حضانه مميزة مثل ماذكرت لج تعلم الارقام والاحرف و يمسك الالوان يلون وتحفظه قرآن وخليه يستفيد من وقته
والطفل بعمره او شوي اكبر يعني ثلاث ينوات عنده مقدره كبييييييرة ان يحفظ ويتعلم

وبالنسبه للامراض لاسمح الله ، الحصانات المميزة ماتستقبل الاطفال المرضى وتردهم مع اهلهم الصبح او تعزلهم عن الاطفال بس عادة يردونهم مع اهلهم بدون مايحتكون مع الاطفال وانتي تأكدي منهالشي قبل لاتسجلينه

وشي طبيعي بتحبين ولدج وتتعلقين فيه لان ولدج حياتج وهم فكري بمصلحته ان يشوف ويتعلم وباجر راح يكبر ويتزوج شبتسويين لووول

 

[miss_Ba6oOo6a]

مع احسن من القعده بالبيت ومجابل الخدم
يتعلم يتواصل اجتماعيا مايخاف ولا يستغرب
والي يقولون امراض لو بتطلعين الياهل الحووش بيلقط فايروس ولا برد ماردت علا حضانه
وعمر الحضانه حلو قريب سنتين او قبلها من يمشي ويتكلم البيبي

 

[iLLuMinaTion]

انا ضد الحضانه لاسباب الامراض بتنتقل بسررعه


بياخذ سلوكيات غلط مثل الطق او السب

ولااحق علي القومه والالتزام


قداامه 16 سنه كلها دراسه


خليه يستااانس ويشبع نوووم

رايج من راي الدراسه

 

[مواصله]

اذا انتي موظفه وديه حضانه واذا حسيتي سلوكه بدء يتغير نقليه حضانه غير

 

[شادن33]

اذا ماتشتغلين خلي في البيت صغير بسرعه يمرض

 

[iLLuMinaTion]

اذا انتي موظفه وديه حضانه واذا حسيتي سلوكه بدء يتغير نقليه حضانه غير

خوش راي

 

[english muffin]

مع وبشدة
انا حتى لوماكنت موظفة بعد بدخل ولدي الحضانة من سنتين ونص او 3
يتعلم شلون يتعرف على ناس يصير اجتماعي
يتعلم الحروف والارقام والالوان وكلشي
طبعا اهم شي اختيار الحضانة الممتازة

 

[Om _ Almona]

مع مع مع

راح يستفيد من وايد أشياء أهمها:​

1. تنمية وتطوير الفكر​
2. راح يصير إجتماعي​
3. يتعلم المشاركه مع الغير​
4. راح ينطلق لسانه مع التعليم الصحيح (القرآن الكريم/ الألوان/ الحروف/ الأشكال/ أسامي الأشياء اللي حواليه)​

وأهم شي إنج تسإلين ألف مره عن الحضانة اللي بتودينه له
وتكونين ضامنه وواثقه من سمعتها التربوية وبرنامجهم التعليمي
مو بس لعب وتلفزيون​

 

[noha33]

مع الحضانة
أنا ولدي وديته من شهر 9 وكان عمره سنتين وما ينطق ور كلمة
وكان كله بالبيت بروحه لأنه كان طفل وحيد وأنا موظفة
وكان يخاف من الناس وما يروح عند أحد وكله يستحي
الحين بعد ست شهور صار يتكلم وحافظ كلمات والأرقام والحروف وصار ياكل زين وصار اجتماعي
لكن لابد تكون الحضانة زينة ونظيفة
توكلي على الله
وبعدين مهما قعد بالبيت آخرته بيروح المدرسة وحزتها يتكون صدمة عليه
وديه خليه يعتمد على نفسه ويكون شخصيته

 

[om_3azoz]

مع وخصوصا اذا الام دوام احسن من انه الطفل يقعد مع الخدم

 

[M&Ms]

انا مع الحضانة اذا الياهل فوق السنتين واذا عالامراض اغلب الحضانات فيها ممرضة تجيك عالياهل اذا مريض يدقون على اهله او يحطونه بغرفة العزل

 

[iLLuMinaTion]

مع وبشدة
انا حتى لوماكنت موظفة بعد بدخل ولدي الحضانة من سنتين ونص او 3
يتعلم شلون يتعرف على ناس يصير اجتماعي
يتعلم الحروف والارقام والالوان وكلشي
طبعا اهم شي اختيار الحضانة الممتازة

جزاج الله خير