مع كثره الشاكل وكثره الزعل .... الفراق هو الحل صح

[مامة غناتي]

بنا اشرايكم لو وحده متزوجه من 4 سنوات واللي قعدتهم ببيتها اقل من سنه كل ببيت اهلها
تعبت وملت اسمها متزوجه بس واهي لا من تشوف اثنين مع ولدهم يتمشون تشب فيها نار ما ينقصها شي اذا ما كان يزودها عن غيرها اشياء كثيره لا ينقصها جمال ولا عقل ولا اصل ولا فصل ولا طيبه

يا مسافر ومخليها يا متهاوشين واهي عند اهلها ولا يسأل فيها
واسباب الزعل كثييييييييييييييييييييييره وتافهه
هذا غير انها تصبرعلى العيوب الللي ما تصبر عليها مره
يعني ترجعله اسبوعين تخيلو اخوان كل يوم بس يوم او يومين تحس انها زوجته
وغير فرق السن الكبير بينهم تقريبا 11 سنه
وغير انه من اخذها يمكن طلعها بس 4 مرات بس
ولا كل زعله ب3 شهور وانتي اللي صاعده 6 شهور سنه عادي
والله من اربع سي متزوجين يمكن تمت البنت ببيته بس 8 شهور سنه بالكثير والله عن الحلف
تعبت حيل مسكيييييييييييييينه والمشكله .........

بس تقوله طلقني يتبجبج وينوح ابيج
ومن ترجعله البيت ولا كأنه هو اللي بجا ا من فراقها


اهي مشالله صوره ايه بالجمال
قالولها عين وما بقا شي ما سوته
سوره البقره اربع وعشرين ساعه بشقتها
وربي تشوفونها تقولون يا بخت زوجها هذي اكيد ما يخليها ثواني وتشوفون حالها تنصدمون


مسكينه جد طقت جبدها




واخيرا بعد اربع سنين قررت انها تنفصل

مع العلم عندها ولد واحد
وللحين عمرها بس 21 سنه

تقول يمكن الله يكنبلها نصيب احسن


انتو شرايكم ؟؟؟؟؟​

 

[مامة غناتي]

انشالله وحده تعبرني شدعوه 6 ولا وحده ردت

 

[Pepsi Cola]

21 توها صغيره اكيد بعد جم سنه بتتغير شخصيتها وافكارها يمكن تتحسف لو اطلبت الطلاق بالاخص ان عندها ولد

بالنهايه لازم تستخير قبل خطوه مثل هذي >>> انا مو مزوجه يعني ماراح اكون حاسه فيها او فاهمه عدل

اسأل المولى عز وجل ان يجمعها على ود بزوجها ويرجعون لبعض عاجلا غير اجل يارب العالمين

 

[سعودية!!!]

ياقلبي الله يعوض صبرها خير .:.:.:...هممم اللي فهمتوه انها متررددة بقرار الانفصال!!! كود ربي مايرزقها من بعدوه احد كونها مطلقه ومعيله اذا ذا اللي تدورين عليه رد!!! "جواب" لاعندي ولاعند اي وحدة من البنات الارزاق بيد الله يااامااا حريم معيلااات وكبيرات تطلقوا وارجعوا اعرسوا دامها تشوف الانفصال انسب لها ولولدهااا اقلهااا يعيش في بيئه سليمة الله يسهل لها فيه الاهم تصلي استخارة

 

[مامة غناتي]

يبسي كولا وسعوديه اشكر تفاعلكم والله يهون عليها يارب

 

[manhattan girl]

والله يا عمري مو شرط ان الطلاق اهو الحل لان ياما زوجين بينهم مشكال مشابهه للمشكله اللي طرحتيها و اكثر بس عند الطلاق يكتشف كل واحد فيهم انه ما يستغني عن الثاني اتمنى اني فدتج حبوبه و الله يسعد كل زوجين و يبعد عنهم المشااااكل

 

[شوشو الشقيه]

تسلمين يا قلبي
فديتج صغيره
حرام والله يسوي فيج جذي

بصراحه ما اقدر انصحج بشيء
بس الي اعرفه هو المفروض يكون متفهم وناضج واعي
لانه اكبر منج الانه عمره 32
سنه المفروض يكون واعي وراكز
المفروض هو يكبر عقله
يصغر من حجم المشكلات الي بينكم بحكم انه كبير واعي وافهم الحياه

المفروض هو من ينصحج ويساعدج على تفهمين الدنيا
يهتم فيج لانج للحين صغيره
يتعاون معاج
وليس يسافر ويتركك هذا تصرف انسان واعي وناضج بصراحه استغرب

ما ادري شنو اقولج
بس المفروض تستحملينه
تحلين مشكلاتج بشكل حضاري بعيد عن الغضب والعصبيه بهدوء
تفاهمين على حل وسط بينكم
تشرحين ظروفك له شنو احتياجتك شنو الي هو مقصر تجاهك
توصلين الي حل

احمد ربي اني لم اتزوج للحين
الله لا يعطيني زوج نفسك
من اختج شوشو الشقيه
الحين عرفت قيمه اهلي الحمد الله عايشه ملكه زماني في بيت اهلي لا احد يزعلني ولا احد يضايقني
واوامري تنفذ
محاطه بالحب والحنان
من اختج شوشو الشقيه
بس بعطيج نصيحه الطلاق ما يحل المشكله
انما يصعب الامور يخرب كل شيء
فكري الحين انتي بولدك الي عندج
تراه محتاج الاب لو شنو كان الاب تصرفاته او اخلاقه
فالابن محتاج وجود الاب في البيت
فكري في ولدج محتاج يعيش في وسط بيئه سليمه متكونه من ام واب
فالانفصال ياثر على نفسيه الابن وعلى مستقبله وعلى حياته
بالتالي يحس بالنقص لما يشوف اصدقائه في المدرسه
عندهم ام واب كلهم في نفس البيت اما هو امه بعيده عن ابوه
لا تفكرين الحين
خلي نظرتج للمستقبل
لما يكبر محتاج وجود الاب
يقولج ظل رجل ولا ظل حائط
تراه ضروري
حتى لو افترضنا تزوجتي غيره وتطلقتي
على فكره تره محد بيحب ولدك نفس ابوه
صدقيني
لا احد يحب ولدك نفس ابوه
فكري زين الف مره
من اختج شوشو الشقيه
وارضي بنصيبك
شنو تسوين بعد

 

[مامة غناتي]

؟؟؟؟؟؟؟؟؟؟؟؟؟؟؟؟؟؟ والله ما ادري
على العموم شكرا على الردود والمشاركه بميزان حسناتكم يارب

 

[الحــــياة]

الله يعينها ويصبر قلبها وياجرها..المرا دايما هي الي تصبر مطلوب منها ليش ؟؟؟عشان العيال احنا بخير ونعمه المرا توظفت مونفس قبل وشااايله عمرها وكل شي فوق راسها هذاك اول هو الكل بالكل يصرف ويودي ويجيب الحين كل شي على المرا والعيال الي تصبر عشانهم بكره يتزوجون وكلن في طريق هي خسرت الراحه ورااااحة البال والصحه شستفادت؟؟؟بالكويت مافي ظيم تطلق وتااااااخذ حقووووووقها وحقوق عيالها دام ماكو اتفاق تريح بالها احسن هذا وجهة نظري وشكرا

 

[nhr-36shan]

ماخاب من استخار
احسن شي تصلي صلاة الاستخاره للطلاق واذا هو الافضل لها فالله بيسره لها او يصلح لها زوجها

 

[pink Engineerah]

حبيبتي اهي اصلا غلطانه من البدايه مو على كل شي الوحده شالت قشها وراحت لاهلها جذي ريحته وفكته من الهم المفروض حتى لو يسافر تقعد ابيتها عشان يحس بالذنب وما يخليها مره ثانيه > واسال مجرب <وتلاقينه ما تعود على انه احد يحاسبه يعني العتوي العود ما يتربى ..............زوجها يبيله كييييييييييييد نسا ومو شوي الا حيل حل تجرب توسع صدرها وتقابله واهي توها صغيره اللي بعمرها اكثرهم ما تزوجوا والله يهديهم لبعض يارب

 

[مامة غناتي]

؟؟؟؟؟؟؟؟؟؟؟؟؟؟؟؟؟؟؟؟؟الله يوفقها ويصبرها يارب ما تستاهل البنيه وصج اصبرت عليه اهي ا تشيل قشها الا اذا مد ايده عليها او سب ابوها اهي واعليه تموت بابوها واهو يغليط احيانا واذا غلط عليه تكبر بينهم وتروح لاهلها

الله يعينها ويفرجها عليها يارب

 

[~.. المياسة ..~]

الطلاق مب هو الحل
لو يطقها طق ومعيشها برعب وحالتها حاله جذيه اي خليها تطلب الطلاق
ام بس انه ما يهتم فيها و مطنش لها لا تعرفين ليه
في ريايل هذي طبيعتهم ما يحبون يقعدون مع الحاريم او يسولفون حتى لو انها زوجته او امه او اخته
انا اعرف وحده من جماعتنا كذا زوجها ما يكلمها ابداً ولا يحب يسولف معاها وحيييل مطنش لها
وزوجته نفسها قالت هو هذا طبعه ما يحب يسولف مع مره حتى امه تدري عنه وخواته يعرفون طبعه
وهو مو بحركته هذي انه يحتقر الحاريم بس كذا فطره فيه وسبحان الله الحين عندها ولد نسخت ابوه بعد ما يحب يقعد مع مره
حتى هي قالت سبحان الله ع طبع ابوه طلع الولد في المقابل عيالها الثانين عادي وعمهم هم عاادي
يعني ماله داعي الصراحه الطلاق

 

[الصعيريه]

تدعيله بالهداايه ...
والله يوفقهم ويكتبلهم اللي فيه الخير...

 

[{ عبره وهلت }]

ماقدر ارد لاني اعيش الاجواااء ,,

الله يعينها ويصبرهاااا ويفرجهااا عليهااا يااااااااااارب

انا اقول اذا هو راح يقرى عند المشايخ ومافي فايده

تتطلق احسن لهااا لاني ادري وحاسه فيها الحين

هي تحبه بس مافي شي يقولها اصبري واقعدي

والله يهدي سرهم ..

 

[*بسبوسه*]

اذا مافي توافق حياتها بتصير طول عمرها تعب بتعب
اهيا عمرها 21 واهوا 31 فوق كبير اكيد اهيا ودها تعيش حياتها وتستانس واهوا يحس ان هالامور تافه وشبع من الدنيا والسفر والوناسه والطلعات

الرجال اذا ما تعدل من اول سنتين زواج انسى انه يتعدل...اذا اهوا مو عارف يلف مخ بنت صغيره 24 ساعه مزعلها حتى لونها دلوعه وزوعوله ماراح يقدرون يعيشون مع بعض

ما تمنى لها الطلاق بس خل تشوف حل مع اهلها واهله...وحطي في بالج اذا تطلق احتمال ضعيف انها تتزوج مره ثانيه

يعني خل تشوف اذا المشاكل وصلت للخيانه والشغلات الكبيره لا تستمر معاه لان ذيل الجلب ما ينعدل

اما اذا مشاكلهم عاديه نظام ما يهتم ما يحس مو رومانسي خل تدور شغلات ثانيه زينه فيه يمكن ما تلاقيها عند غيره

والاغلط الاول والاخير لاهلها اللي زوجوها واحد كبر اخوها البجر مافي توافق

 

[نور الدنييا]

الله يعينج حبيبتي وقبل لاتسالين الناس اسالي رب الناس

يارب يارب يارب اللهم انك قلت وقولك الحق ادعوني استجب لكم اللهم هذا الدعاء ومنك الاجابه يارب اسعد مامه غناتي وساعدها وسهل امورها واهدي لها زوجها وسخره لها يارب
ويارب ياكريم ياعظيم ياكبير ترزق بسبوسه الزوج الصالح الخلوق الطيب الكريم الي يسعدها وتسعده وتوفقها يااااارب امين امين امين

 

[شهرزاد1]

الله يهون عليك

 

[CUTE ENGINEER]

والله الطلاق شي صعب وااايد

سمعت من كذا وحدة هالشي

خل تصبر لو سنة زيادة بس تغير طريقتها معاه وتصير حازمة أكثر

وأهم شي ما تييب ياهل ثاني كفاية واحد بهالظروف اللي عايشتها ليما الله يفرجها

وعقب سنة تقرر إذا تبي تنفصل ولاتستمر معاه

بس تنتبه ماتحمل مرة ثانية

ياهل واحد مو مثل أثنين وهي مطلقة

الله لا يقوله