مغامراتنا مع الدرة الهندية (لوفا)+__بالصور __+

[Eماراتية]

السلام عليكم ورحمة الله وبركاته

3>:3lm1::q8:3>


حبيت أشاركم بتجربة عشتها مع أختي ورفيجتنا Qـــويتيه ومازلنا نعيشها مع طيورنا
"الدرة الهندية" RingNeck

​

أول ماشرينا 2 ، طلبنا أن يكون واحد ذكر و الثاني أنثى عسب مايستوحش الطير لو شيرنا واحد ،،،،،
بس كانت غلطة عمر طلع راح المحل مايعرف وكذب علينا قال لنا "أكيد واهد هرمة واهد ريال" =___= لكن حبل الكذب قصير (بعد ماصارت المغامرات مع الدرة الهندية اكتشفنا عن طريق البيطري أن إلى شريناهم 2 أناث )بالبداية بعرفكم عليهم وهن "لوفا" و "جيستر" خخخخ ماعلي إذا الأسماء شوية غريبة ^_^....

للعلم أن "لوفا" جرئية، فضولية، شقية ، متسلطة خخخ تحب تعضض خشم الارانب إلى شريناهم في نفس تاريخ
لكن أختها "جيستر" هادية ، تنوحه ، تسمع الكلام بسرعه إذا قلتي لها تعالي و ماتستكشف مثل أختها ....

مع الرغم أنهم إناث لكنهم كانو عـــــادي مع بعض يناموم جنب بعض، يحكون بعض ، كل وحده تنظف الثانية لدرجة أني قلنا صح أنهم ذكر وثنية ....في البداية كأي مربي حيوانات مبتدىء في البداية يواجه رفض الأهل في الشراء لكن في النهاية إذا هو مكتوب لك \لج فراح تحصلونه

شريتهن في شهر إبريل 1\4\2011م وكانو كتاكيت بصحة وعافية وما يخافون لأن البائع كان مربيهم أنهم يتعودون مع الناس =)

ومضى شهرين تقريبا بسلام ، لين آخر شهر5 صار موقف غريب بعد ما خلينا باب الصالة مفتوح لتغير التهوية ، وكان القفص مصكر ولكن الشقية "لوفا" تعرف تفتح القفص وعلمت أختها كيف تفتحه بعد... فجاءة سمعنا صوت الدرة الهندية تصرخ صرخة غريبة ... يوم لحقنا عليها شفنها في الحوش تحاول تدافع عن نفسها بين مخالب قطو متشرد.... "كيف وصلت ومتى طلعت ؟؟؟" المهم إلحق ماتلحق كشت أختي القطو بعيد ولقطت المسكينه من على الأرض ،،، حمدالله ماكانت تنزف دم ولا كانت تعرج أو أي شي يبين أن القطو عاضتها...

بدينا نلاحظ أنها ماتغرد مثل الأول، ولا نشيطة ولا ولا ولا تغيرت بعد الحادثة، إحنا فسرنا قلنا يمكن هي متأثرة بالي صار خصوصة انها بعدها صغيرة فصارت تخاف من كل شي ولا تحب تطلع من القفص خير شر.... وصارت ماتصعد على الخشبة كل قاعدة في قاع القفص ، منتفخة و قليل ماتاكل....

في اليوم الثالث بتاريخ 29\5\2011 ، بدينا نشك أنها مريضة ، وبدون قصد يوم كنت ألعب معاها عسب انشطها لاحظت أن أحد الأجنحه ماترفرف، ومسكت الجناح ولا انصدم أشوف فيه مثل حفرتين على عظم وعلى الأغلب هذي أثار جروح مخالب القطو وما كان عندي سيارة وقتها نطرت لين اليوم الثاني 4 ورحت البيطري...

30\5\2011م بليل ، عند الدكتور البيطري (عيادة صغيرة) كشف عليها وعلى الجرح، قال لي أني تأخرت عليها لأن الجرح إلتحم و صار فيها تسمم خفيف بسبب مخالب القطو لكن مافي أي كسور أو إلتهاب في الجناح وهي إلحين محمومة عسب شذي هي دوم "منتفخة ومنفوشة" وكانت أول معلومة أعرفها عن الطيور ... عطاني الدوام وقال راح تطيب إن شاء الله بعد 5 أيام... توكلنا على الله وصرت بيطري في البيت خخخخ بديت أعطيها الدوا عن طريق إبرة صغيرة لكنها كانت ترفض وكان الدوا يطلع من فمها لأنها ماتبلعه وينزل على ريشها وعضتها كانت حيل ضعيفة

​

31\5\2011م ثاني يوم جت على بالي فكرة بدل ماتبلل نفسها بالدوا ، لفيتها بلحاف خليته خاص للدرة الهندية .... 01

02
هني كانت نحـــــيسة ماتشرب فما كان بيدي حيله غير أني اشربها غصب

03
شكلها تقول (خلاص مابي دوا )

04

فديتها كيف تطل ، جأنها تقول (صج ؟ خلصنا من الدوا؟ )

واااي تعجبني هذي اللقطة ، جأنها تعطيني نظرة براءة ، مادري وايد حبيتها هني

بعد مرور أسبوعين للعلاج و مازالت "لوفا" على نفس الحال لكن حال "جيستر" تبدلت ، صارت عصيبة و عضاضة وتكره "لوفا" وإذا شافتها جريب تعضها وتصير ضرابة ، قلنا السبب يمكن لأنها تحس أن "لوفا" مريضة فكرهتها ودقائق ثانية أشوفهم عـــــادي ردو لبعض مثل الأول...1

\6\2011م

Juster

02
المنتفخة (بسبب حمى) هذي لوفا، جيستر واقفه بعــيد

صارت ضرابة بينهم -__-

شتتنا انتباهم ووقفت الضرابة

ردو حبايب مثل قبل خخخخخخخخخخ
حطيت لهم بفك وناسة مستغربين شو ها بعد

Lova
لوفا منخشة داخل بيتها المتواضع ، الحمى مأثرة فيها وايد

بتاريخ 20\6\2011م الحمى اختفت لكن لاحظنا انتفاخ في رجل "لوفا" وما تمشي بطريقة عادية ، وكل تثنى راسها ولازم تعض شيء تتكئ عليه ، أختي ماتقصر كل يوم مرتين تبدل قاع القفص و كل يوم ترشها ماي لتكون نظيفة وتغسيل القفص يوميا قبل ماننام... فأخذت لوفا للبيطري مع أختها
01

امسح ظهر جيستر ،لوفا تطالع الكاميرا

وصلنا البيطري ... مشكله بعد هو شوي بعيد عن البيت -__-

عيادة صقر العرب البيطرية

02 قال أنها فيها إلتهاب المفاصل و لازم تاخذ دوام على تكون المعدة خالية بعد الدواء تاكل طبيعي لمدة 3 ايام و لازم.... عطاني مطهر للرجل المنتفخة لكن للأسف مستحيل تطير لأن مفاصل الجناح إلتحمت على وضعية بعد ماجهمت عليها القطوة مع أن هو إلى شخصها وقال لي أجنتحها طبيعية مافي أي كسر أو إلتهاب 8/

يوم عن يوم حالتها تسؤ ضرابتها مع "جيستر" صارت أعنف فعزلنا المسكينه بقفص ثاني لكنه أصغر، شكلها صار تعبان لكنها تاكل شوي شوي وكل يوم قاعدة أعطي الأخبار حق الأخت "Qكويتية" TTwTT aww وتمطني أنها راح تطيب،،،، كل شي ولا عاد التعليقات في البيت كل ساعة واحد يقول "ذبحوها خلوها ترتاح" بس حرام شدراكم أنها تبغي تموت T_T، لو كانت تبغي الفكة بإمكانها هي تمنع نفسها عن الأكل والشرب ولكن نلاحظ أنها تاكل وتبغي تعيش لهذا السبب انا واختي و Qكويتية حااطين أمل فيها =")


ماهان علي أن اصورها وايد هي على هذي الحال كانت حيل تكسر الخاطر.... صار مناطق من جسمها مقرعه من الريش و المؤخرة ملطخة بالإسهال وريحتها ...... مع هذا اختي ماخلت "لوفا" على حالها ومازالت تنظفها وتسحبها (ماي مع بودرة خاصة للحيوانات فيها مضاد حيوي) لأن ريش "لوفا" كان فيه جرثومة ....

​

يتبع .....
​

 

[Eماراتية]

:3lm1::q8:​

وبعد المعاناه بتاريخ 25\6\2011م الريش رجع بشكل جميل و بدت تغرد وإذا عضت ترا عضتها قوية ماشاء الله عليها ، بين انها تحست لكن ظل العيب في قدمها ماتقدر تمشي ولا حتى ماتقدر تحرك أصابعها وأخذتها للبيطري وقال لي هي تحتاج إلى كايبوهدرات الصوديوم وهذي تتحصل بالأسمنت الأبيض.... وأنـــــــــــــــــــــا مب مصدقة ، اقول له "الاسمنت الأبيض ؟؟؟"
يقول "أي الاسمنت إلى يستخدمونه في البناء لأن فيه كيبوهدرات الصوديوم إلى يحتاجها عظام الحيوانات"

من كثر الشك قلت حق Qكويتيه بالسالفه لأن ماشاء الله عليها خبرة في الحيوانات والدرة الهندية لأنها كانت تربي مجموعة همن هي بعد انصدمت يوم قلت لها... فزاد شكي بالسالفة.:gr4uu:.... ولبست "جيستر" خاتم من بلاستيك على ساقها (وللحين تعضض اخترب شكله خخخ)

Jester

​

Lova

​

29\6\2011م شوفو شلون شكلها وايد أحسن لكن ما تقدر ترفرف أو تطير أو تمشي ...

​

​

​

بتاريخ 4\7\2011م أختي الثانية زارتنا مع صدقتها درة الهندية (بعد هذي أنثى)

جيستر مع اليديدة قاعدين يسمعون (لوفا) تغرد :lolo:

​

بدو يلعبون ويتمشون في الصاله ... فجأة لاحظتهم أنهم قامو يعضضو طرف الطوفة الغرفة جأنهم ياكلون شي..... ظلينا نطالعهم شنو يسوون؟؟؟؟؟ آخر شي انتبهت أن الطوفة فيها "اسمنت ابيض" وكلام البيطري صحيح ،، بسرعة اختي جابت اسمنت أبيض ونثرت شويه على حبوب المقشورة حق "لوفا" ......... وكلت الحبوب :botetoo: بشهية مفتوحه 0__________0 !!!


9\7\2011م أخذت "لوفا" للبيطري بعد مرة،،،، كل الأدوية و العلاج وللحين هي ماتقدر تمشي ولا تستخدم أصابعها

... وكان حظي حلو لأن كان في دكتور بيطري ثاني مسوي زيارة حق العيادة،،،، بدو أثنيناتهم يشخصون المسكينه
... البيطري القديم يقول "هذا أنتفاخ في اللحم" لكن الثاني يقول "أنا متأكد أنه كسر في العظم".........
يوم سمعت كسر في العظم انصدمت... لأني توقعت أنه يسألني السؤال التالي:(( كم يوم صار وهي على الحال؟)) ..........
كم يوم؟؟؟ رديت عليه (( صار لها شهرين تقريبا )) وطبعا الرد المتوقع منه هو (( كيف هملتيها طول ها المدة ألحين تشوفين حالتها؟؟ ))....
ظلمني ، صار لي شهرين أركض علشانها أخر شي أحصل كلام مناقض الواقع...
قلت له (( أنا طول الفترة أجيبها والدكتور الأول يعالجها لأنها كانت محمومة في البداية يوم شفت من الحمى صار لها انتفاخ في الرجل)) ...

هو يقول (( هذا اكيد كسر ، رجلها علق على طرف القفص وهي حاولت ان تتحرر واحتاست وعلى الأغلب انكسر))..

في النهاية ركبو لها جبس و بعد 5 أيام راح يطيح الجبس أو أن البيطري راح ينزعها عنها...

​

هذا صور اليوم....

اليوم السادس وماطاح الجبس،،، باجر إن شاء الله بروح البيطري لكن للحين اشوفها ماتحسنت

قاعدة على الصحن ماتبغي أحد يشيل حبوبها خخخ تراها وايد تغار ، مرات أشيل كم من حبة و اعطي Jester ، بعدها اشوف* لوفا* قاعدة بها الطريقة
أه فهمت، ماتبغيني أخذ من صحنها ، ماشاء الله عليها

و إن شاء الله بحاول أحطي كل جديد وتطورات عن (لوفا) وإن شاء الله تطيب ، حدنا
اشتقنا لشقاوتها ، وهي إلى علمت أختها كيف تفتح باب القفص ، ألحين لازم نقلب القفص
للطوفة عسب ماتقدر جيستر تفتحه ، والمسكينه لوفا صارت ماتقدر تشيل نفسها

شكر خالص وعميق حق Qكويتيه حبوبه أنها ظلت تعطيني نصائح ووقفت معاي انا واختي
بصراحة أنا مرات ما افضي أجابل نفسي بسبب الدوام :cxxxp:
واشكر اختي العزيزة حيل لأنها لولا اهتمامها بالطيور جان ماتحسنت صحتها مثل ماشفتو
واشكر جميع الزوار والقراء ، ارجو انكم استفدتم شي من المغامرة


والمغامرة لم تنتهي بعد ^_^ ترقبو الجديد هنا
​

 

[kuwait_queen82]

ماتشوف شر لوفا انشالله اتقوم بالسلامه

 

[اميره1980]

الله يشافيها
و ان شاء الله تتحسن

 

[ام ناصر 2009]

ياحلو تقريرج ربي يشافيهاا حدهم زوغه ناطرين الجديد وان شاءالله تبشرينه انها مشت

 

[MISS-ALMAS]

حلوين طيورج
الله يشافي لوفا المسكينه
بس شكلج تعبتييي حيييل عالتقرير
بس حده حلو استانست و انا اقرا

 

[‏ ρяιиcεss]

ماشاء الله تقريرج حييييييييل حلو

وعسى الله يشافي لوفا شكلها يكسر الخاطر

 

[wesh jaah]

واي قلبي قام يعورني ربي يشفيها واترد احن من اول

وناطريين الاخبار الحلوة

 

[tnkora]

الله يشفيها

وعطينا اخبارها اول بول

 

[Lourdez]

ماشاء الله ان شاء الله تقوم بالسلامة يارب فديت ريووولها مجبسينها يحلييييلها كيووووووت هههههه وناطرين تقرير رحلتها للشفاء

 

[miss.42]

مسكيينــــه تكســـر الخاااطر الله يشافيهــا ان شـــاءالله ...

يــــسلموو عالتقــرير ..

 

[شهوده 2008]

الله يشافيها *_^

 

[زيـن الوصـايا]

جعـلها مـأإتشـوف شـر بعدوينـها ان شاءالله


مـأعليه غدى الشر غدى الشـر

 

[النملة نواري]

عسى الله يشافيها و ان الله ترجع تمشي و تغرد
حاسة بشعورج انا عندي كوكاتيل و الله لو اشوفه يتعور و لو شوية قلبي يطير عليه
سبحان الله اهم حيوانات ما يفهمون و لا يتكلمون لكنهم ياخذون قلبج بمشاعرهم الصادقة

 

[((البرنسيسا))]

إن شاء الله لوفا تقوم بالسلامة وترد لشطانتها

 

[لبى عيينش]

الله يعينج كل هذا صار فيه ههههههههههههههه بس اقولج نصيحه لاتجلينهم يقربون بعض وهي مريضه لان بعد فتره راح ينتقل المرض للثاني واذا ماطلع كسر وطلع اللتهاب ترا ممكن تعدي الثاني حاولي ماتقربينهم من بعض الا لما تتشافى كليا كسرت خاطري وعليا :eh_s(2):

 

[Qـويتية]

وااااااااااااااااي eـماراتية حيااااااااااااتي انتي فديتج !! كتكوتي فديتج مع لوفا وجستر هههههههههههههه حبايبي والله !! مشالله مشالله عليهم، يارب يخليهم ويحفظهم صراحة لج الجنة في لوفا !! لو أحد غيرج جان حذفها من زمااااان وراحت في ذمة الله بسم الله عليها، صراحة اني عانيتي وعرج قلبج وايد بس ما استسلمتي وحيل حيل حيل حيل عجبني صراحة فيج شجاعتج وإصرارج على مساعدة لوفا حبيبتي، شوفي شكلها مشالله مشالله مشالله ربي يخليها ويحفظها ويقومها بالسلامة، صج صج صج لج الجنة يااااااااااااااارب، لإن ساعدتي مخلوق ضعيف محتاج لج في هالوقت إلي فيها لوفا تعبانة جذي، لا تخلينها ولا تستغنين عنها حبوبة، بعد بعد بعد حطي لنا المغامرات والتحديثات حبوبة !! بشوفجستر الشيطونة اللعنكبوتة خخخخ
​

 

[Teddy Bear]

يخـتييي عليييـهم يهبـلوون مـاشـاللـه .. اللـه يخليـهم حقـج يارب و ايشافيي المريضـه /\
<< الصـوره اللي بـالفوطـه ووي صـج شكلـها كيــووت حبييـتـها :eh_s(22):

و على طـاري السمـيت ( الاسمنـت الأبيض مال البيوت ) صارتلـي نفس السالفـه >> كـان عندي كتاكيت عنونين يوم كبروا كل يوم نهدهم بالبيـت ييم المطبخ جم ساعـه و آنا هادتهم أشووفهم سييده ركض عند الطوفه !!
سييده حطيت اييدي على قلبي و أوخرهم و اليوم الثاني ابوي هادهم يتمشوون و لا ايي و أشووفهم ياكلون الطوفـه جان اخترع و أقول حـق ابوي ليـش مخليهم جذي لا يموتون في صبغ و جذي !!
جان يقولي عادي يحتاجون كــلــس !! .. قلتـله كلـس يقولي ايي
اقوله يعني ما يموتون من الطوفـه ؟ يقولي لأ بس ذكرينا لا رحنا البحر نييب لهم قواقع صغيره مع رمل أو نشتري صخرت كلس " الصودييوم "
وبس و صج رحت سوق الحمام ولا يبيعون هالصخره حق كل الحيوانات من المواشي لي الطيور لي الثديات كلهم .. ​

بس اللـه يشافيـها ان شاءالله .. أحب هالطيـر مـاشـااللـه ذكـي درجـه مو طبيـعيه .. عمي عنده وحده من زماان الحين عيزت
لوول​

و أحنا يهال كـان بس يهدها بالبيـت وتحبه و تووقف عند جتفـه أما لو احد من عيااله هدها تنحااش و ما ترد القفص و تحاول تعضهم !! بس لو تشووف عمي سيييده عند جتفه و تتدلع عليه هههههههـ..​

ومصلحـجيه درجـه مو طبيـعيه تتدلع عندج علشان تهدينها و بس تقربين يمها عـلى بو انج بتجيسينها تسوي نفسها ودوده و عادي انج تجيسينها بس جيسيها هاهاي عاضـه صبعج و دم و لويا
<< والله ذكي هـالطير .. الحين مـاشـاالله شيبت عندهم و صار منقارها اسود ​

وصـج من ناحيـة الجذب جذااابيـن هاللي يبيعون يقولونلج نثيه و آخر شي ذكر << واايد أعاني من هالـسالفه لأنه آخر شي اكتشفـته ان طيوري ......... الله يستر عليهم بس

و مـاشـاللـه Qـويتية تهـبل مع الكـل و ماتقصـر وياهم وخبـره لا يعـلا عليـها مـاشـالله عليـها :eh_s(7):​

ويلااا نااطرينها لممـا تشييل الجبـس ​

 

[!witcha!]

وااااااااااااااي كسرت خاطري لوفاااااا حياتيييي
مشكوووره عالتقرير قلبي :***

 

[أنثى اليمامة]

مسكينه ربي يشفيها وتستانسين فيها .. تقريرج روعه
​