مغتربات امريكا منو يبي يروح المؤتمر بكاليفورنيا

[مغتربة 2006]

ما ادري ليش حاطين فكره سيئه عن المؤتمر

 

[o_mermaid_o]

ما ادري ليش حاطين فكره سيئه عن المؤتمر

اي والله انا شفت بنفسي الناس هناك والله خوش ناس اكثر شي هناك عوايل وامهات يايين حق تكريم عيالهم وحتى الحفله انا حضرتها في مكان مخصص حق العوايل يعني ماشفت مسخره ولاشي لو المكان في مسخره اكيد ريلي ماراح يرضا

 

[sereen]

صارلى 9 سنوات ولا عمرى رحت كله مايوافق وقت المؤتمر مع دراستنا , الحين مع دراسة العيال , ماااادرى اسافر يعنى وخلى البيت >>
قوووووويه
يالله استانسوووا بنات خاصه اللى محبووسين بالبيت لا طلعه ولا هياته فرصتكم والله

 

[((بنت الصباح))]

,والله ما اتوقع نروووح

نبى نريح بالبيت رلاكس

 

[đeɱɛɼɑ™]

انا ودي اروح خاصة اني ولا مرة رحت la
العآم كان بوآشنطن ورحت كان صج ونآسة .. ولانه بنفس مكآن درآستي فمآتعنيت تذآكر وحجز ومآ حجز ‘

اما هالسنة فتقريبا 80 % مآ اروح لانه يصآدف ورآه عندي امتحآنات ودرآسة ‘

 

[o_mermaid_o]

انا ودي اروح خاصة اني ولا مرة رحت la
العآم كان بوآشنطن ورحت كان صج ونآسة .. ولانه بنفس مكآن درآستي فمآتعنيت تذآكر وحجز ومآ حجز ‘

اما هالسنة فتقريبا 80 % مآ اروح لانه يصآدف ورآه عندي امتحآنات ودرآسة ‘

اي صح وقت المؤتمر موشي وراه امتحانات الله يوفقكم ان شاءالله

 

[o_mermaid_o]

صارلى 9 سنوات ولا عمرى رحت كله مايوافق وقت المؤتمر مع دراستنا , الحين مع دراسة العيال , ماااادرى اسافر يعنى وخلى البيت >>
قوووووويه
يالله استانسوووا بنات خاصه اللى محبووسين بالبيت لا طلعه ولا هياته فرصتكم والله

اي والله انا مرافق مع ريلي وتقريبا كله بالبيت او عند رفيجاتي معاي بالسكن يمكن يومين بالاسبوع اطلع بس الحمدالله ريلي مو مقصر من تصير عنده فجه يسفرنا وكاليفورنيا ماتتطوف احبها :dddds:

 

[o_mermaid_o]

الساعة
الفعالية
القاعة

12:00 ظهرًا
الندوة الدينية
Beacon Ballroom

02:00 ظهرًا
عرض لفيلم

63Seconds
Beacon Ballroom

05:00 مساءًا
المنتدى الإقتصادي
Convention Center

Grand Ballroom

07:15 مساءًا
إفتتاح معرض فرص العمل
Hotel Lobby

08:00 مساءًا
حفل إفتتاح المؤتمر السادس و العشرون
Convention Center

Grand Ballroom

10:00 مساءًا
حفل عشاء سعادة سفيردولة الكويت

لدى واشنطن

الشيخ سالم العبدالله الصباح
Convention Center

Grand Ballroom

12:00 ليلًا
المهرجان الخطابي للقوائم الطلابية
Beacon Ballroom




الجمعة

2009 / 11 / 27
الساعة
الفعالية
القاعة

09:00 صباحًا
الجمعية العمومية للإتحاد
Beacon Ballroom

11:40 صباحًا
صلاة الجمعة
Seaview Ballroom

01:00 ظهرًا
مأدبة غداء
Regency Ballroom

*03:00 - 07:00 *

يتم تحديد الوقت الفعلي من قبل الهيئة التنفيذية
إنتخابات الهيئة الادارية للإتحاد الوطني لطلبة الكويت – فرع الولايات المتحدة الأمريكية
Seaview Ballroom

08:00 مساءًا
أمسية المؤتمر الشعرية بمشاركة

الشاعر عبدالله بن علّوش
Beacon Ballroom

09:00 مساءًا
حفل عشاء و سحب الوطني الكبير
Regency Ballroom




السبت

28 / 11 / 2009
الساعة
الفعالية
القاعة

10:00 صباحًا
بطولة الإتحاد الكبرى لكرة القدم - طلبة
LA Galaxy Field

01:00 ظهرًا
مأدبة غداء
Regency Ballroom

05:00 مساءًا
منتدى "الجريدة" السياسي
Convention Center

Grand Ballroom

07:00 مساءًا
الحفل الختامي للمؤتمر

السادس و العشرون
Convention Center

Grand Ballroom

08:00 مساءًا
حفل العشاء
Convention Center

Grand Ballroom







*** ملاحظة: سيتم تحديث الجدول بشكل مستمر حتى نهاية الأسبوع القادم ***








--------------------------------------------------------------------------------


< السابق التالي >

التحديث الأخير ( الاثنين, 16 NOVEMBER 2009 01:53 )

 

[o_mermaid_o]

هذا جدول المؤتمر

 

[مجنونة حبه]

شوقتيني ودي اروح بس مشكله عندي تو بيبي واحد عمره شهرين ونص وثانيه عمرها 20 شهر اخاف يسوون فضيحه مو كفو اهم طلعه ويوم سبت عندنا عرس رفيج ريلي بس يالله سنه اليايه لان شكل باقي له 3 سنين ان شاء الله
يالله استانسوا بس مو تنسونا نبي نسمع اخباركم

 

[o_mermaid_o]

شوقتيني ودي اروح بس مشكله عندي تو بيبي واحد عمره شهرين ونص وثانيه عمرها 20 شهر اخاف يسوون فضيحه مو كفو اهم طلعه ويوم سبت عندنا عرس رفيج ريلي بس يالله سنه اليايه لان شكل باقي له 3 سنين ان شاء الله
يالله استانسوا بس مو تنسونا نبي نسمع اخباركم

اي والله اليهال فضيحه العام بنتي كان عمرها 11 شهر افضحتني خصوصا لما كان في تصوير تلفزيون الكل مندمج مع الندوه وهذي صراخ تبيني احطها على الارض وتمشي والمشكله كانت توها تمشي وهالمره الله يستر
ان شاءالله راح احطلكم التقرير أول بأول _03ba:

 

[o_mermaid_o]

 

[loolat^mady]

السلام عليكم ورحمة الله وبركاته

اولا : اللـه يرجـع كـل مغتـربـه لديرتهــا بســلامـــه ويحفظهـا لاهلهــا وكـل احبابـهــا

ثانيــا : حبايبي ان بكتب كلامي مادري اذا بتقبلونه ولا .. بس تذكرت ( الساكت عن الحق شيطان اخرس)

حبايبي لولا خوفي عليكم وحبي لكم ماتعبت نفسي وكتبت اللي بكتبه لكن صعب اني اجوف هالشي وانا اقدر لوشي بسيط امنعه او بالاحراء انبه فيه


ابيكم يالغاليات او ماتدخلون المؤتمر علــى طـووووول تخيلـوا نفسكــم بيــوم الحشــر والنـاس محـد يعلـم فحـالهـا الا ربـي
سبحانــه << مو قاعدة اخوفكم بس هذا الصج بيي هاليوم

مو كل واحد يتمنى موته زينه موته راضي ربه عليه موته وجه منور وناطق شهادة لااله الاالله محمد رسول الله وريحته مسك
ويشيلونه لقبره جنه ريشه اللــــــه منـــو مايتمنـــى هالمــوتـــه الــزينـــه (بعد عمرا طووويل ان شاء الله)

فاللي ابي اوضحه منو منا يعرف متى يموت ... (طبعا محد) يعني تظمنين نفسج بوسط القاعه والمكان مختلط لاحول ولاقوة
الابالله.. وفيه حفل غنائي بعد... تظمنين ملك الموت مايج في هذي اللحظه (طبعا لااااااااااااا ماتظمنين) لاجاء بتقولين ليتني

مايت ليتني وليتني لاوالله ماينفع الندم لانه خلااااص جا يومج المكتوب لاتقولن صحتي زينه مافيني شي الموت مو

بمرض ولا غيره اللي مكتوب بيصير والله يشهد على اللي بقوله اعرف ناس ماتوا ماافيييهم شي مايشكون من شي

بس سبحان الله جا يومهم وراحو من هالدنيا اللي فانيه وكل شي خلوه الا عملهم راح وياهم الله يرحمهم برحمته ويرحم اموات المسلمين

اجمعين... فيا حبايبي ليييييه!! نحط نفسنا فمكان احنا فغنى عنه ..(نبي ستانس نغير جو) وناسة يوم يومين بتروح بس ياترى

كم سيئه وكم حسنه بتبقالي ؟؟؟؟؟؟

فيا حبايبي يعورررني قلبي وااااااايد لما اجوف الخليجيات اللي بدون حجاب لاحول ولا قوة الابالله واللي لابسه بس حجاب

واللبس بنطلون وبلوزه (شالفايدة) بذمتكم مايعوركم قلبكم (ابي اعرف فيه احد مثلي) لما تجوفن بنات المسلمين هالشكل

طيــــــب

مو تبون المسلمين يزيدون؟؟ ليش انخلي الغرب تاخذ فكره عنا انا مو ملتزمين بدينا لييييييييييييييش؟؟؟

سمعت بذوني من واحد بامريكا يقول انهم لما يدشون الاسلام يكونون ملتزمين اكثر من المسلمين نفسهم ..(مو شي يعور القلب)

هذي الفكره عنا!!!!

نبينا محمد صلى الله عليه وسلم علمنا كل شي .. لكن هذي العصور مادري نست ان هالدنيا فانيه وبيي يوم الوعيد(طبعا مو الكل)

والله افرح هني ماشاء الله شكثررررررر حريم لابسين اللبس الاسلامي الله يحفظهم ويسترهم فوق الارض وتحت الارض ويوم العرض (قولوا آمين حبوبات) وفـي ناس اللــه يهديهـم (آمين)

بالصرااااااحه مهمـا قلــت فالكـلام قليــل مـن كثيــــر وانـا لـو مـااحبكـم ماقدمـت لكـم هالكلمــه لانــي بصـراحــه ابـي لكـم

الخيــر مثـل مابيــه حقـي وماابيكـم تكونــون فــي مختلطــات مالنـا شغــل فيهــا ويـاكثـر الاماكن الحلـوه اللي توســع

الصـدر تطلعيـن فيهـا مـع ريلج اهلج ربعج وتلاقيـن كـل واحـد فـي حالــه ولايكـون قريـب منــج بعـــد وهـذا الكـلام شـي بسيط اخدم فيــه دينــي اللي اعتــز فيــه واحمد الله سبحانـه وتعالــى علـى هالنعمــــه


واخيـرا : حبوبات اتمنـى كلامـي يكـون خفيـف عليكــم لكــن هالدنيــا علمتنــي ولو اكتـب لكم عمــري راح تستغربـون

ان هالكـلام يطلـع منـي مع ان اكثـر اللـي بسنـي اللـه يهداهـم ويرجعهـم للتفكيــر الصحيـح .. مو تفكير نواكب التطور

مادروا ان بعض التطور يوديهم في دوووووووووووووووواهــي:0bee2e8d89:

شكـرا لكـم واحبكـم فـي اللــه ومثل مابديـت بختــم ...اللــه يرجعكــم بســلامـــه ويحفظكـــم ويرزقكــم سعــادة الداريـــن
ويقــر عيـون اهاليكـم فيكــــم

امبيه يزاج الله خير طبيتي في البنات جنه رايحين ديسكو ترى المؤتمر محترم.. ومو اجباريه حفلة نوال. وفرصه يتيمعون الكويتيين.. وفيه انشطه وايد حلوه.. ياريت اقدر اروح بس يالله انشالله السنة اليايه

 

[أم القمرين]

هلا بنات انا للأسف ماقدر اروح لاني نفاااس وريلي بعد مشغول
انا رحت العام بواشنطن كان الصراحه وناسه المدينه حلوه والفندق حلو بس شويه فيه لويه وخلط ماعجبني الوضع زحمه وايد والريايل مع الحريم بمكان واحد مافي تنسيق بالنسبه للحريم ياليت يراعون هالشي وخاصه انه في ناس ملتزمين ماتحب الوضع يكون بهالطريقه

 

[مجنونة حبه]

مبروك ما يالك ام قمرين وبتربى بعزكم
والله حاسه فيج بس الله يقويج بالنفاس وتتطلعين بالسلامه
وصح كلامج الكل يقول زحمه بس ريلي يقول بس يبي يسلم ويطلع بس حماي يبي يقعد

 

[o_mermaid_o]

وناسه عدلو الجدول
حطو رحله حق دزني لاند يوم السبت الساعه 9 الصبح

 

[o_mermaid_o]

البنات الي ناويين ان شاءالله يروحون المؤتمر متى ان شاءالله السفره
انا يوم الثلاثا وبرجع بإذن الله يوم الاحد بالليل

 

[بعيده عن الكويت]

انا ان شاء الله بروح الاربعا وبسافر الثلاثا

 

[أم القمرين]

مجنونة حبه الله يبارك فيج والفال للجميع ان شاء الله

 

[مغتربة 2006]

احنا بنسافر الاربعا ونرجع الاحد