مغتربات امريكا منو يبي يروح المؤتمر بكاليفورنيا

[مجنونة حبه]

الله وناسه انتوا باي ولايه سونا وام الشيخه يا حظكم والله ياريت الاقي احد معاي

 

[So0oNa]

الله وناسه انتوا باي ولايه سونا وام الشيخه يا حظكم والله ياريت الاقي احد معاي

بولاية فلوريدا منطقة تامبا تحديدا :ggdw:

صدقيني اكيد في احد وياج مني ولامناك بس ماتدرين عنهم

انا وام الشيخة تصادفنا ترا بممر لما كنت بالمعهد :ggdw::ggdw:

 

[مجنونة حبه]

ان شاء الله بس انا ما ادرس ريلي الي قاعد يكمل ماستر وانا ودي اكمل بس المشكله عندي يهال اثنين

 

[يالبا قلبي]

ياحلوكم الله يردكم الديرة يسلامه يااااااااارب


حدي ودي اجرب العيشه بامريكا

 

[loolat^mady]

ياحلوكم الله يردكم الديرة يسلامه يااااااااارب


حدي ودي اجرب العيشه بامريكا

وااااي لاتقولين جذي والله عذاب لاتدرسين وتعيشين هني.. والله تبهذلنا.. تحطين ايدج على قلبج بس لاتستمرضين والا يصير فيج شي ..ذاك اليوم رفيجتي سعوديه بغت تموت بالطوارئ مقعدينها 6 ساعات مسكينه.. عمه بعينهم . امريكا حدها سياحه.. انا اعد الايام والسنين عشان اخذ الشهادة وارد الكويت.. الله يعزها ويديمها لنا. صج من طلع من داره قل مقداره.

 

[loolat^mady]

ان شاء الله بس انا ما ادرس ريلي الي قاعد يكمل ماستر وانا ودي اكمل بس المشكله عندي يهال اثنين

حبيبتي صدقييييني توكلي على الله .. انا ريلي كان بادي سنه لغه وكنت انا مرافق على ماخلص اللغه انا بديت معاه ماستر وعندي ولد.. صراحه مدام بيدرس انا بدرس معاه ولا اضيع فرصه. وهم عندي ولد وانشالله مفكره احمل بعد.. هني صج لويه بدون خدامه بس سهالات.. انا مدخله ولدي داي كير. بس اغلب ربعي الامريكان الي عندهم 3 يهال اييبون بيبي ستر وفي وايد رخاص تدورين عليهم من الانترنت.. تقدرين تدورين وتتفقين معاهم في ناس ياخذون عالساعه وفي ياخذون عاليوم يطلعلج ارخص من الدي كير.. انا قلت انشالله اذا الله رزقني بيبي ثاني راح ادخل الاول داي كير بس يوم وترك عشان يتعلم مع اليهال .. والايام الباجي مع البيبي ستر.. توكلي على الله وقدمي وكملي ترى فرصه ما تتكرر.. وبالكويت كل من هب ودب عنده ماستر.. حتى الماستر ماقامت تسوي شي. انا اشجعج وبقوه..

 

[chanel N22]

بنوتات قولولي شلون فندق المؤتمر وشلون الاجوااااااء

 

[يالبا قلبي]

وااااي لاتقولين جذي والله عذاب لاتدرسين وتعيشين هني.. والله تبهذلنا.. تحطين ايدج على قلبج بس لاتستمرضين والا يصير فيج شي ..ذاك اليوم رفيجتي سعوديه بغت تموت بالطوارئ مقعدينها 6 ساعات مسكينه.. عمه بعينهم . امريكا حدها سياحه.. انا اعد الايام والسنين عشان اخذ الشهادة وارد الكويت.. الله يعزها ويديمها لنا. صج من طلع من داره قل مقداره.

وييي بعد عمري الله يعينكم ... انا حسبالي وناااااااااسه


يالا انشالله فترة وتعدي ... وعيدكم مبااااااااااااااارك من الكويت :ggdw:

 

[أم القمرين]

o_mermaid_o

بعد قلبي مشكوووره والله يبارك فيج يارب عاد عطونا اخباركم واخبار المؤتمر شلون الاجواء عندكم

 

[دلووول الكويت]

عيدكم مبارك حبيبات قلبي

والله يوفقكم يارب وتردون للديره وتنورونها يارب

منو راح حفلة نوال وشلون الاجواء عندكم نبي اجواء الحفله بالتفصيل الممل وشلون الحفله حلوه؟ عسى ان شاء الله اعجبتكم وشنو لوكها نوال بالحفله زودونا بالتفاصيل ^^

والله يوفقكم ويسعدكم يارب

 

[PinkY Dreams]

اليوم السبت الامسيه الشعريه و حفلة نوال



مبرووووك الوحده فااااااازت بالمركز الاول وبقى يصير تزوييييييييير وبقى تصييير هوشه بس الله ستر لوول

طبعا مارحت بس تييني الاخبار لوووول

 

[مرجوجه بالمرره]

نـوآل مسويه حفله بـ أمريكآ !!

 

[chanel N22]

بنوتات وينكم
مبروك للوحده وهاردلك للمستقبل انا مع المستقبل

 

[PinkY Dreams]

نـوآل مسويه حفله بـ أمريكآ !!

اي بمؤتمر لونج بيتج في كاليفورنيا

 

[دلووول الكويت]

زين شصار ماصار بالحفله زودونا بالتفاصيل وشلون مؤتمركم ؟

 

[o_mermaid_o]

شلونكم بنات وعيدكم مبارك توني رجعت ولايتنا المؤتمر حده اينن وتعرفت على بعيدة عن الكويت ومغتربه صج هالبنتين عسل
هناك ما قدرت اشبك لانه لويه اقعد من النوم متأخر وكله سهر اول يوم وصلت بالليل رديت نمت ثاني يوم رحت دزني لاند بس كان حده زحمه وبالليل رجعت وقعدة مع البنات وبالصدفه قعدت بطاوله ولا بعيده عن الكويت كانت يمي واهيا اعرفتني من عربانه بنتي وثاني يوم كان حفل الافتتاح وبعدها تيمعنا بالوبي والاتحاد ماقصر كان في دي كير ريحونا من عيالنا وثالث يوم طلعت مع البنات تمشينا بهوليوود وبعدها رديت الفندق وكان السحب على السياره ومسابقات برعايه بنك الوطني والكل كان ناطر نتيجه الانتخابات والنتيجه ما اطلعت الا الساعه 2 وفازو الوحده وصار ازعاج بالفندق طبعا كان في شرطه داخل الفندق لان قبلها صارت هوشه وخافو يصر طق والحمدالله اليوم عدى على خير واخر يوم رحت يونيفيرسل استيديو وبعدها رجعنا الفندق وكانت الامسيه الشعريه بس الشاعر ماعجبني وايد وبعدها حفله نوال الحفله كانت حلوه بس نوال كانت بسيطه اتوقع اهيا حاطه مكياجها ومسويه شعرها ولبسها ماعجبني جنه دراعه بس حسافه ماصورتها كنت ناسيه الكاميرا

 

[بعيده عن الكويت]

اهلان اهلان والله انتي العسل واتهبلين حسافه انا ماسلمت عليج لأن الامسيه جدا كانت بايخه طلعنا بعد قصديتين خصوصا لما عصب لوول عالشباب مساكين اللي يصفقون .. واهوا يقولون معصب ان ليش يحطون مواهب الطلبه مع امسيتي وبعد قبلي يقدمون قصايدهم .. بنات والله استانسنا الحمدلله واونس شي السهر بليل كنا نسهر 7 بنات يمكن ويمنا عربانات عيالنا بعضهم نايم وبعضهم قاعد طمااشه وضحك وماقصرنا بالتعليقات بس طبعا بحدود لووول فرصه سعيده لي اني التقيت فيج وان شاء الله اليايات وايد

 

[دلووول الكويت]

اهم شي استانستوا وتعرفتوا ع بعض بهالغربه وان شاء الله تردون الديره وتنورونها يابعد عمري

والي صور نوال يحط لنا صورها

 

[o_mermaid_o]

اهلان اهلان والله انتي العسل واتهبلين حسافه انا ماسلمت عليج لأن الامسيه جدا كانت بايخه طلعنا بعد قصديتين خصوصا لما عصب لوول عالشباب مساكين اللي يصفقون .. واهوا يقولون معصب ان ليش يحطون مواهب الطلبه مع امسيتي وبعد قبلي يقدمون قصايدهم .. بنات والله استانسنا الحمدلله واونس شي السهر بليل كنا نسهر 7 بنات يمكن ويمنا عربانات عيالنا بعضهم نايم وبعضهم قاعد طمااشه وضحك وماقصرنا بالتعليقات بس طبعا بحدود لووول فرصه سعيده لي اني التقيت فيج وان شاء الله اليايات وايد

اي لما خلصت الحفله دورتكم بس مالقيت احد كنت بسلم عليكم ياله ان شاءالله نشوفكم مره ثانيه والله قعدتكم ماتنمل

 

[مجنونة حبه]

انا كنت بساوث كاليفورنيا بس ما رحنا المؤتمر بس حماي اما انا وعيالي وريلي رحنا يوم الخميس دزني وبعدها تمشينا بلاك فرايدي بليل ويوم سبت كان عندنا عرس رفيج ريلي والاحد ردينا وكان زحمه بالطريج لسان فرانسيسكو بس وصلنا 11 بليل