مليومه
New member
السلام وعليكم شلونكم بنات ديرتي
ادش بالموضوع على طول انا مغتربه اول مره مع زوجي بأمريكا في بورتلاند أوريغون portland , oregon
وابي صديقات كله قاعده بروحي بالشقه وزوجي يروح الجامعه ويدرس
وانا خلصت دراسه بالكويت وقاعده بروحي بشقه وماأعرف انجليزي
وناطره ايوبون شهادتي بالدي اج ال مو خبركم تدرون ربعنا شوي معقدين ويحبون يأخرون الشهاده ..
ابي صديقات في بورتلاند أو ولايه غربيه يمنا عفيه
خنتعرف قاعده مادري شسوي الله يخلي منتدى كويتيات
ويخلي المسنجر والفيس بوك لا وبعد محد يشبك بالفيس بوك
والمسنجر لانه بالكويت عندهم بليل واحنا الصبح الوقت يختلف
و دشيت منتدى مبتعث ادور اي وحده في بورتلاند مالقيت كله شبااااب
والله كل يوم ابجي بروحي وادعي حييل الله يصبرني ابي اكلم بشر ابي
انزل تحت بالشارع واروح الجمعيه واروح اي مكان بس ماعرف انجليزي
والله ذيك المره صار حريجه بعمارتنا وطلع واحد امريكي طويييييييييل
استغربت ليلحين ساعات ماأستوعب اني بأمريكا لوول بأمريكا واول مره اشوف
امريكان لووول المهم هذا الامريكي جارنه ويكلمني وقاعد يرطن ويهذر فوق
راسي وانا مادري شيقول ومن الخرعه لاني اول مره اكون بروحي وريلي
مو معاي لا وبعد حريجه ياسلاااام واهو يكلمني هالامريكي جان اقوله والله
مادري شتقوول كلمته بالكويتي لووول
اي عاد خن أقولكم سالفة الحريجه الله يسلمكم كنت قاعده بداري الساعه 3
ونص الفير وامبطله الاب توب وامشغله قران ولا اسمع صوت جنه صوت
مكينه قلت يمكن الجيران قاعدين يخمون ولا جك بم تنطفي الكهربا والله يخلي
تليفوني قمت اشوف فيه المهم جان اطلع رحت الصاله ولا اشوف الممر الي
بره شقتنا فييه كهربا ليتاته مفتوحه اشمعنا انا شقتني طافيه اهنيي انصرررعت
لووووووووول لاتشوفون ويهي واهو منصرع المهم شوي ولا اسمع صوت
صفارة انذار قلت بقلبي لا عادي يمكن تجريبي بس ياربي تجريبي الساعه 3
ونص الفير ولا شوي اشم ريحه يااااااااااااايمه ولا شوي جان اسمع اصوات
ناس يتراكضوون حدي خفت ودقيت على ريلي مايرد حاطه سايلنت وعنده
اجتماع بالاتحاد وادق وادق عليه لمن قلت روحي لبسي ونزلي تحت المهم
رحت داري و اشوا انا يايبه عباة يايبتها احتياط حق الحالات الطارئه المهم
جان البس عباتي بالظلمه بقيت اشقها لانه حدي ارتبكت لوول <---عبالها
الاخت بالكويت لووول يبه انتي بأمريكا ايونلج ليه مكانج بهيلاكوبتر هههه
المهم لبست عباتي الي امصطفتها بالدرج لوول وكانت امعفسه لبستها ولبست
حجابي وقبعتي القبعه لبستها مقلوب طبعا واحجابي لبسه عوي لوووووول
نزلت تحت ولا اشوف هالامريكي الي قلتلكم عنه الي يكلمني جان ارد عليه
بالكويتي لووول ركبت الاصنصير معاه حدنا اغبيه يعني فرضا وقف علينا انا
معاه لووول المهم نزلت تحت ولا اشوف عاااااااااااااااالم جان زين هالعالم
كلهم امريكان علشان مايشوفون حوستي اطلعوا هالعالم كله شباب وسعوديييييين
وعاد شوفوا الخزززززز والحمدالله انحشت من عيونهم ورحت شوي بعيد عنهم
لمن صعدت فوق اشقتي و الحمدالله ولمن ريلي يا قالي شسالفه جان اقوله وانا امسويه
روحي بطله لوول قلتله والله ماكو شبت حريجه ونزلت تحت جان يقولي عسى
ماأرتبكتي جان اقوله أبداااااااااااااااااااااااااااا نزلت بهدوء لوووووووووووووووووول
وهذي قصتي خلصت وملصت ويت الديايه وعنفصت :016:
لووول حدي قرقه مو ؟ هههههههههههه شسوي ابي اسولف مع بشر خخخخ :eh_s(2):
