مغتربات امريكا

[روح البدر]

:eh_s(9)::eh_s(17):سلاام عليكم حبوبات شلونكم وشلون امريكا معاكم
انا ودي اكمل ماجستير علم الاجتماع بأمريكا بس محتاره حدي فرحت لاني عرفت الجامعه اسمها جامعه تكساس بس حزنت لان الكل يسألني اي تكساس فيها الف جاامعه اي وحده فيها اختاري فاا احترت يا بنات ودي اكمل ماجستير علم اجتماع ممكن مساعدتكم هالتخصص بأي جامعه ابيها بتكساس



الشغله الثاانيه انا محجبه والبس بنطلوب فاا خايفه هل امريكا فيها تفرقه او واجهتم مشكله او مضايقه من ناحيه الحجاب



وبخصوص اللغه ابي اتعلم عدل جم سنه درستو لغه قبل لاتسافرون درستو بالكويت ولا بس معهد بأمريكا وشسم المعهد بليز وشنو نظامكم للتعليم بطريقه مفيده ولما بلشتو بالكليه حسيتو انكم ضايعين او واجهتكم صعوبه انا ثقلت بالكلاام بس معليه خاايفه وابي اكمل دراسه وابوي حاط البحث عن امريكا علي لانه مايعرف :eh_s(2):



:yaaaaaarb:يارب احقق حلمي وتوفق كل من ابتعث

 

[روح البدر]

تكفون همتكم بابنات ديرتي ماخليت منتدى ماكتبت فيه بس محد يرد

 

[روح البدر]

اب اب

 

[مشتطـه]

ياعمري ماعندي أي فكرة عن تكساس


انا ب نورث كارولاينا

مع زوجي يدرس

جامعته فيها كلية العلوم الاجتماعية بس ماعندي فكرة اذا فيه تخصصج


انا محجبه والبس بنطرونات عادي بالعكس حيل حبو شكلي
و وايد قالولي اني جميلة

!

ما يضر الحجاب ابد

اللغه ليلحين ما اخذت ناوية ع شهر 8 ان شاءالله


والغربه صعبه
ليش ماتدرسين بدولة خليجية مثلا البحرين فيها ماستر علم اجتماع؟

 

[روح البدر]

فديتج ولله معلومتج فادتني حيل انا على البركه اخترت تكساس لان دكتوري مال علم الاجتمع درس بتكساس بس بشوف منطقتكم فدييييييييييييتج ولله

 

[روح البدر]

بس شلون اللغه تقدرين تتاقلمين بأنجليزيتج العاديه البسيطه تمشين امورج وشنو المعهد للي ناويه تدشينه بالله بلغيني عنه ان جربتيه انا خايفه ولمسلييه علي تعرفين الابتعاث صعب ان فشلتي بالدراسه تدفعين كل التكاليف وانا نجليزيتي بسيطه ومابي اخذل ابوي فشله احطمه واحط عليه تكاليف ابي لو اخذ سنتين لغه مو مشكله بس معهد مضموون او طريقه من خبرتج

 

[Japanese]

عندكم لسته بالجامعات المعترف فيها بالكويت؟

اذا اي دخلي ع كل جامعه وحاولي تجوفين قسم ال international students and English institute

وسؤال قد قدمتي ايلتز او توفل؟ هاي اهم شي بالتفديم بجامعات اميركيه

بعد وشو بخصوص الصعوبه ولا السهوله ،، انا عن نفسي خذتلي كم شهر يالله تعودت ع ستايل التدريس هني

فآول شي جوفي اللسته ودشي ع مواقع الجامعات ،، ثاني شي اختبري توفل او ايلتز " وانا اقول الايلتز احسن "

ومن النتيجه تقدرين تعرفين هل صج تحتاجين معهد ولا تقدرين تنقبلين بالماستر علئ طول

اي وفيه جامعات يقدمون كورسات تحضيريه للماجستير للطلبه الاجانب اللي مادرسو بكالوريس فآميركا

ع حسب كل جامعه غير

وتكساس فيها جامعات قبولها وايد تمام

اي وفي شي ثاني بعد فيه اختبارات للي يبون يكملون ماستر فبعص الجامعات مثل GMAT وواحد ثاني مادري شسمه

بس المهم فيه امتحانين وكل امتحان لكليات معينه بتلقين كل هالسوالف بموقع الجامعه

انا خذت كلاس علم اجتماع السمستر اللي راح كان وايد صعب علي ف ماشاء الله برافو عليج خريجه هالكليه!

بس وايد كان حلو وفتح عيوني ع اشيا وايد

موفقه ان شاء الله

 

[شتآآت]

حبيبتي شوفي لسته الجامعات المعترف فيها بتخصصك
وابدي راسليهم فيه جامعات تعطي قبول مشروط يعني تدرسين بالمعهد التابع لها وبعد ماتخلصين اخر لفل تنتقلين للجامعه علطول بدون اختبار ايلتس او توفل ..
وبالنسبه للحجاب عادي جدا اعرف بنات سعوديات بتكساس منقبات مو بس محجبات وماشيه امورهم الحمدلله

 

[روح البدر]

مشكووورين فدتوووني حيل الله يوفقكم دشيت على جامعه الكويت قسم الابتعاث حاطين كل الكليات الا كليتي موحاطين جامعات معتمده بس باخذ برايكم واروووح للخالديه قسم خاص للابتعااث واخذ القااائمه وجزاااكم الله الف خير تعبتكم معاي

 

[روح البدر]

الله يسعدكم يااارب

 

[%دانة%]

الله يوفقك ويسهل امورك
ويحقق امنياتك وترفعين راس ابوك

 

[بنت^كآليفورنيآ]

انا بأمريكا


كلشششششششششششششششششش ما انصحج تدرسين فيها
مادري ماجستير علم اجتماع اخذيه من أي دولة
وترى كلها 75 دينار زيادة المعاش ؟
وماتسوى تتغربين 3 سنين وتتعب نفسيتج
الغربه للدكتواره تسسوى غير جذي ما أأيد
مادري يمكن لان انا ماحبيت الغربه وما احس تسوى
عالاقل الدكتور يرد معاشه 3500 الاف
الماستر ب 3 سنين تعب وكراف وهم وغربه عل 75 دينار

اهو حلو انج تكملين دراستج بس مو بأخر الدنيا
كملي بالكويت تخصص ادارة اعمال مثلا
انا تخصصي علم اجتماع جامعة الكويت
افكر اكمل ماستر نظم معلومات او ادارة اعمال وفي جغرافيا بعد
كلهم يقبلونج
شحقة تتغربين دام بالكويت في ماجستير وبالعربي بعد

اللغه صعبه هني انا لغتي جيدة بس كلامهم سريييع و وايد يبلعون الحجي
ما ينفهم كلامهم ينرفززززز

 

[(shaikha)]

هلا الغاليه

انا ادرس بتكساس

بالنسبه حق علم الاجتماع دشي
www.kuwaitculture.com
وشوفي تخصصج بالماستر اذا معترف فيه

تكساس كبيييره وتختلف
عندج هيوستن وسان انتونيو واستن وغيرهم جامعتها واايد

انا ماشاءالله وااايد معاي سعودياات ومتحجبات بالعكس الوضع جدا جدا عادي وماشاءالله عليهم في بعضهم نقاب فلا تحاتين هالشي


ولازم تمتحنين الايلتز وعاد على حسب الجامعه والدرجه اللي تطلبها منه
اغلب الجامعه للماستر يطلبون 7 من 9

واي استفسار حياج الله يالغاليه