مغتربات بريطانيا ساعدوني تكفون

[عيد الفرح]

بنات مبارك عليكم الشهر انا بروح بريطانيا وبقعد هناك 4 سنين:eh_s(2):وعندي كم سؤال متعبني ومو قادره حتى انام من كثر ما احاتي
1- شنو الاشياء الضروريه الي لازم اخدها معاي من الكويت قالولي اخ\ي جدر طبخ الضغط :gr4uu::gr4uu:
2- شلون عيالكم اتاقلمو بالمدارس الانجليزيه لان ولدي ابتداءي وخايفه
3-البجامات الداخليه القطن ضروري اخ\ها من الكويت حقي وحق اليهال والا الاقي هناك
اي نصيحه اي ملاحضه منكم تساعدني لاني فعلا محتاجتها:aha:

 

[ريوف2]

اانا بعد ان شالله رايحة بريطانيا وبقعد جم سنة هناك
بس ماعتقد ان في شي ماراح احصله هناك.. الشي الوحيد اللي خذيته سكانات ومطاطير
اما عن المدارس مادري والله
الله يوفقج ويسهل عليج

 

[Miss.6Mo7]

آلله يسهل عليكم يآرب .. وإن شآءالله البنات يفيدونكم

 

[ضامر السرجوف]

اب اب اب اب


والله يعينج على الغربه

 

[أم يزيد &سديم&]

أنا بنت خالتي سافرت بريطانبا
في تنتقهام وقبلها في شيفلد
تقول الشقق مؤثثة من وإلى
وإذا في شئء ناقصج فيه عندهم إيكيا
لا تأخذين أغراض وايد من الكويت
نصيحة إلا الأشياء الضرورية مثل القهوة والهيل
هذي الحاجتين ما نستغني عنها أبد
والباقي اظن متوفر كلللل شيييء

 

[تعبتوني]

رد : مغتربات بريطانيا ساعدوني تكفون

تروحين وتردين بالسلامة
هناك كل شي متوفر بس اللهم القهوة والهيل اذا انتي راعية كيف

 

[D.asmaa]

المطاطير والاستكانات اتوقع بس اذا تبين الاعشاب زعتر ميرميه يعني وبس الملابس لا تحاتينها ابد ابد ابد كل شي متوفر وبجوده والمدارس وللدج صغير راح يتاقلم بسررعه لا تحاتين

 

[برموشي اداويك]

الله يعينج عالغربه

 

[مس فوشيا]

رد : رد: مغتربات بريطانيا ساعدوني تكفون

حبيبتي انا حاليا مقيمة في بريطااانياااا
والحمدلله كل شي متوووفرررر هنا في محلات عربيه وهنديه يبيعون نفس الاغراااض اللي تنباع في ديرتنا
بس هاتي وياج مطاطير والاستكانات مثل ما قالوا خواتي
وعيالج لا تحاتييينهم ,, بيندمجون ان شاء الله في المدااارس عااادي
وترى وااايد عواايل خليجيه فلا تخااافين

واي سؤااال ثاني انا حاااضررره

 

[هداوي المطيري]

كل شي متوفر هناك ... بس اذا تبين القهوه والهيل والزعفران والتمر وفناجيل واستكانات والمطارات وبس لاتحاتين ...

 

[black_arno0oBa]

كل شيء عندهم مثل ماقالوا البنات وبردهم حلو تلبسين جاكيت تدفين والملابس عندهم روعه لا تكثرين ملابس من الكويت اخذي من اهناك عندهم محل اسمه برايمارك وايد رخيص ولبسهم حلو خصوصا حق اليهال واخذي معاج استكاين وفناجيل ودقوس بوالديج :d لان ماعندهم بس اكو كريستال وتباسكو وانا خذيت معاي بنك وحب شمسي مال جمعيه القادسيه :016: مزااااج حدي صح والله يوفقكم ماتدرين وين بتروحين اي منطقه ؟

 

[UK_Girl]

مسا الخير ..
لاتحاتين قلبي ..
ومافي احد ياخذ هدوم من الكويت يودي لبريطانيا اللذيذه! ولا لروما الجميله ولا لباريس الرومانسيه !بس العكس صحيح
.. تيك ات ايزي اهني كلشي موجود ..جدر ليش !! جدر طاير من اكويت لبريطانيا ليش ؟

انا اقول اخذي القهوه التركش والعربي هذا من ناحيه اذا كنتي مدمنة .. اخذي كيلوت .. لزوم السهر والقهر والدموع اللي راح تصب على المواد والبحث وغيره هههههه ....
والله يسهل عليج وعلى عيالج ويوفقج دنيا واخره نسالكم الدعاااااااء
غودلااااك

 

[nopq034]

`good yeah~

Nike Air Yeezy (Gris Fonc?Jaune/Gris/Blanc)Nike Air Yeezy (Gris Fonc?Jaune/Gris/Blanc),Nike Air Yeezy (Gris/Argent/Bleu)Nike Air Yeezy (Gris/Argent/Bleu),Nike Air Yeezy (Gris/Argent/Bleu)Nike Air Yeezy (Gris/Argent/Bleu),Nike Air Yeezy (Gris/Blanc)Nike Air Yeezy (Gris/Blanc),Nike Air Yeezy (Gris/Blanc)Nike Air Yeezy (Gris/Blanc),

 

[Ameeraaaaaa]

حبوبة كل شي موجود ببريطانيا
الهيل
والزعتر
و و و
اللهم القهوة العربية التركية ويمكن اكو ,, ما ادري ما دورت
بس فعلا لندن جنه دولة عربية
واللله يوفقج ويا حلوووو لندن
وولدج لا تحاتين تاقلمه بس راح يتاقلم ويحب بريطانيا .
انا ولدي الصغير يحن يبينا نرد .
موفقة
)

 

[kuwait_queen82]

السلام عليكم

بنات ممكن اعرف شنو البس الي تلبسونه حق الجامعه نفس اهني او نفس الامريكان لبس سمبل و تكرمون سنيكر ؟