مغتربات UK تكفـــون help me =(

[Japanese]

السلام عليكم


شخباركم بنات عساكم بخيرررر

اول شي حبيت اشكر الآخت UK GIRL لإجابتها ع استفساراتي اللي مدري شلون خلصت منها لووول

ماقصرتي معاي حبيبتي وكاني طلعت بآسئـــله يديده :eh_s(16):


كنت طالبه بآميركا وشكلي خلاص بحول ع برتش وخاااااااااايفه حدي حدي :eh_s(16):

اول شي قاعده احاتييييه ان الجو اللي بعيش فيه متروس عرب

حدي مب متعوده على جذي =( بآميركا ماكنت مرافجه وايد عرب

ومن هالشي صرت ماشاء الله علي فلته بالإنجلش :eh_s(9):

خايفه احين لاحولت ع برتش خلاص البرتن هناك مايرافجوني < وايد سمعت انهم مب مثل الاميركان

من هالناحيه ،، وخايفه يصيرون كل ربعي عرب وارد اتآتآ وانا اتكلم انجلش :flower:

قولولي شلون البنات هناك ف برتش؟ ممكن يتقبلون صداقه العربيات ولا لاء؟؟

وبشكل عام برتش فيها diversity ولا لاء يعني ممكن الاقي رفيجات بعد من برا بريطانيا ولا اشلون

ماتتخيلون شكثر احاتي هالسالفه تكفون لاحد يستخف باللي اقوله =( =( انا قطعت مشوار طويل

على ماوصلت للي آنا عليه وخايفه يضيع كل شي بتحويلي

طبعا التحويل شي غصبا عني تقريبا بالإضافه اني مارتحت بآميركا ف ع هالآساس ماقدرت اتفوق هناك

ابيكم تقولون لي شلون معامله البرتن من والى

وشلون نظام الدراسه بخصوص البكالوريس والآجواء العــامه

واي نصيحه قبل ماآحول خلااااص وانسى ارد اميــركا

وشنو عاجبكم بالضبط بطريقه التعليم البريطانيه!!

وصج صج صج صج صج صج بكون لكم شاكررررررره ع ردودكم وبتكون بميزان حسناتكم ان شاء الله

افيدوني ماعليكم آمر =$ ​

 

[cheese cake 84]

انا ما ادرس انا مرافقه بس الصراحه كمعامله وكاسلوب يهبلون ماشفت منهم شي لا جافين ولا ناشفين نفس ماسمعت بس راح يفرق عليج وايد من ناحيه الدراسه احد يعوف امريكا وايي هني انا اسمع الناس تحول من هني وتروح امريكا وايرلندا الله يهداج بس او عالاقل روحي ايرلندا اقل عرب امممممممم وعالدراسه والله مادري شلون طريقه التعليم البريطاني يبيلج تسالين فيها شخص يدرس هني ولا مكان مختص المنتدى مو مقياس واللللللللله يوفقج اينما تكووووني

 

[حساسة مصر]

رد : مغتربات UK تكفـــون help me =(

البنات بيفيدوكي

والله يوفقك

 

[Japanese]

يعطيكم العافيـــــــه حبايبي

ماكنت مرتاحه بآميركا من ناحيه اشياء وايد عشان جذي باحول =(

وابي حد يفيدني بالآشياء اللي سآلت عنها لآني جد قاعده احاتييييييييهههاااا وايد

وينكم بنات برتش =( =( اسعفوني =$ =$

انتظر تجارب الطالبـــات :"(

 

[Japanese]

وينكم بنات =( اشدعوه ولا وحده منكم ف برتش =( =( =(

 

[مريانا ام ماريا]

حبيبتي انا نفس حالتج كنت بامريكا وحولت بريطانيا منطقتي مافيها عرب كلش وبالجامعه بس زوجي العربي لان الجامعه بقرية بس قبولها صعب وايد والناس يهبلون بس اذا متحجبة بليل لا تطلعين لان الي يسكرون بياذنج بس بالنهار محد له شغل باحد

 

[Japanese]

يعطيج العافيه حبيبتي ع المرور

انا باروح سيتي خلاص تعقدت من القرى الصغيره حدي مب بنت فيليجز

والجامعه اللي قدمت عليها " المفروض" انه يقبلوني لآني مستوفيه كل الشروط مالتهم بس وآآآآي طولو علي

وخلوني على اعصابي

حدي متحطمه ليش جذي الطالبات ماردو علي =( الله يسامحكم ="(

 

[صعب غلاها]

انا بامريكا ماعرف شي عن بريطانيا بس اللي اعرفه انه البريطانين مو فرندلي نفس الامريكان

وانشاءالله الاعضاء يفيدونج اكثر بخصووص بريطانيا

 

[kuwait_queen82]

انا رايحه ادرس انشالله في انجلترا بس هم نفسج خايفه من البريطانيا واشلون الاوظاع عندهم يليت يفيدونا البنات الي يدروسون اهناك والله يوفقج ويوفق الجميع

 

[red_rose8278]

وآنا بروح مع زوجي يبي يدرس ببريطانيا ... وحدي خايفه ... خصوصاً انه عندي بنتين توهم ما دشوا المدرسه ... الله يستر من الغرببببببببببببببببببببببه

 

[Japanese]

وه فديتكم حبايبي :$

شكلي مب بس انا اللي اعاني =(

الله كريـــــم

تكفون بنات برتش اذا عندكم اي شي تقدرون تفيدونا فيه تفضلو قولولنا ياه =(

انا شكلي اذا بدرس ف برتش ماراح ابتدي دراستي الا الين سبتمبر الجاي يعني بعد ١٠ شهور!!!

لآنهم يقبلون الطلاب مره بالســــنه! بالسنه حسنه خخخ مب مثل الجامعات الاميركيه ،، القبول عندهم مرتين بالســـنه

ف اللي سويته اني قدمت ع جامعات اميركيه بعد وبنتظر ردهم

 

[kuwait_queen82]

صباح الخير جابنيز منو الي قالج انه مايقبلون طلاب الا بسنه مره ؟؟؟ بالسنه مرتين شهر سبتمبر و شهر يناير وانا امسجله على شهر يناير
وفي موقع اسمه مستجد بريطانيا تقدرين تتواصلين مع الطالبات والطلاب في بريطانيا و ممثلين كل منطقه اهناك

الله يوفقج انشالله

 

[Japanese]

ياليت تقولين لنا شنهي الجامعات اللي ممكن تقبل ع شهر يناير لطلبه البكالوريس


وايد دورت ومالقييييييت

دخلت ع الموقع " مستجد " وماعرفت له يبيلي ادقدق عليه اشوي

انتظر ردج حبيبتي بخصوص الجامعات :* وجزاج الله خير

 

[kuwait_queen82]

السلم عليكم
هلا جابنيز عندج هذا موقع يوكاس تختارين الكورس و التخصص الي نبينه وبعده يعطيج الجامعات الي موجود التخصص فيها
ومتى يبتدى وتقدرين عن طريقه اتسجلين فيه حتى لما ادشين على مكتبنا الثقافي حاطين لج هل الموقع بس لازم اتاكدين انه الجامعه معترف فيها من قبل المكتب الثقافي مالنا وانه عدد الطلاب ما وصل 50 بالكليه الي انتي تبينهاhttp://www.ucas.com/ هذا موقع اليوكاس

بالتوفيج انشالله

 

[Japanese]

واااااااااااي حبيبتي مب عارفه شلون اشكرج بااصيييييح مشكوره وايد وايد

الله يجزيج خير ويوفقج ويرزقج من حيث لاتحتسبييييييين صراحه الله مطرشلج لي ماكنت عارفه شلون الاقي هالجامعات

اللي ممكن تقبلني ع يناير :$ :$ :$

تسلمييييين ياقلبي والله سويتي فيني خير

 

[UK_Girl]

صباخ الورد...
العفو ياقلبي ..

بشرينا عنج ان شاءالله توفقتي في جامعه .
تحياتي لج

 

[Model Look]

ee el british people are not friendly

e3amlonch zain o they smile for you but kela mojamla o e7shon fech mn warach

o 3ndhum le8afa mo 6abe3ya

I've got many overseas friends so i can speak E with them also I've got Arabic friends

coz sometimes u need to speak to someone who are arabic especially KUWAITY

I've british friends but 3la8ty fehum ma tet3ada el uni

 

[Japanese]

بنت برتش " الله يسلمج ياقلبي رديت عليج بالبرايفت :$ :$ :$

لوك موديل " ايه والله هاي اكثر شي احاتيه لوووول اني ماعاشر البريطانيين كثر ماكنت اقعد مع الاميركان وجذي

الله كريم ،،، انا ليحين مارسيت ع جامعه او دوله معينه ... شكلها سالفتي مطوله لآن غيرو لستته الجامعات

ويبيلي احين ارد ادور من يد ويديد =(

 

[kookoa]

شوفي حبيبتي من ناحيه البرتش مو نفس الامريكان فرندلي ترى صج هالحجي وانا وايد قعد اعاني من هالشغله لان منطقتي ما فيها وايد اجانب و ماني قادره احتك بالبرتش
بس قبل يوم كنت ادرس لغه كل اللي معاي كانو اجانب وصراحه خووش ناس وايد احسن من البرتش وراح تتكلمين معاهم انجليزي طول الوقت وتحسين انهم فاهمينج لانهم نفس حالتج يايين غربه
اهو بالاول والاخير يعتمد عالمنطقه اختاري منطقه تكون سيتي واكيد راح تلاقين فيها ناس ترافجينهم ويمكن تطيحيلج على برتش فرندلي ما يندرى
بخصوص الجامعات اللي تبلش شهر يناير ترى بس جامعات معينه و على حسب التخصص
انشالله تكونين لقيتي اللي قعد تدورين عليه والله يوفقج انشالله حبيبتي

 

[ام دونه]

ان شاءالله البنات يفيدونج
اب
اب
اب
لعيونج