مغتربه ومعاج خدامتج؟؟ حياج فيدينا

[ام مضاوي]

مرحبا مغتربات


الي مغتربه ومعاها خدامتها ياريت تذكر جنسيتها
وبسهوله طلعتي فيزتها؟
في مشاكل واجهتج مع الخدامه في الغربه؟


لاني برد أسافر عن قريب وتوووووبه اروح بدون خدامه
عندي فلبينيه ماتصلح اخذها
يخوفون هني ويالله قادرين عليهم هالمره ناخذهم برا بعد!!!
ناويه اطلب من جنسيه ثانيه ياريت تجاربكم

 

[لــوليتـــا^88]

انا نفسج جربت السفر بدون خدامه وصراحه حيييل تعب بالذات اذا في يهال بالموضوع وبتطولين بره الديره
انا خدامتي فلبينيه وقدمت لها على فيزا بالسفاره الامريكيه وما قبلوها لان يقولون لازم تكون مكمله سنه عند كفيلها واهيا ما صار لها عندي 6 شهور اضطريت اني ما اخذها وان شاء الله البنات يفيدونج اكثر

 

[*^*&مناير&*^*]

ياليت احد يفيدنا بهالشغله
انا الحين مغتربه بهولندا وودي اجيب خدامه تعبت حدي من الكرف بس مااعرف شنو الشروط لاني كلمت السفارة الهولنديه بس قبت بوجهي اللبنانيه اللي ردت علي وقالت مافيه شي اسمه خدامه وعلى كفالتي حسبي الله عليها شكلها حاقده وقالوا لي ناس قولي لهم انها مربيه عشان مايقولون شي بس مادري متردده

 

[مجنونة حبه]

السلام
في وحده اهني عندنا بامريكا يايبه خدامتها اندونيسيه ( صارت الخدامه معزبه عندهم )
شلون يايبتها
اول شي الخدامه عندهم من زمان يمكن اكثر من سنه اوكي
وقدموا عليها فيزا عمل لما سالوا شنو العمل قالوا ناني ( يعني مربيه )
وهناك اوقع كتبوا ورقه او شي شذي عن راتبها واكيد راتب مو نفس الي يصرفونه الحين لها
لان قانون بامريكا اي عامل اقل شي ياخذ بالساعه وحده 8 دولارات
عاد اهم قاصين عليها او ساكتين
بس بالمعامله الصراحه اهي المعزبه اتزف وتصارخ وغير الاوامر >>> الله لا يبلينا لووووول
واهم ساكتين لان محتاجينها
بس عندي نصيحه انا ما اقولج ان هم مرتاحين
بالعكس ما يقدرون يخلونها بحالها واي شي تبيه يعطونها ياه ومرات اتسوي حركات تنرفزهم بس يسكتون يخافون انها تشتكي عليهم
بس حاطينها لان الام اهي الي تدرس
اما الابو لا

 

[ام مضاوي]

مو هذا اهو انا مابي اخذ فلبينيه لانهم مبلتعين وعارفين كل شي حاليا صرفتهاالي عندي واخذت اثيوبيه هالجنسيه أرف بس متحمله وبجربها اذا تصلح اخذها او لأ

وانا ماعندي مشكله بالكراف على قولتكم

بس ابيها تجابل ولدي الصغير اسم الله عليه اغط عنه شويه ألاقي مصايب صارت وراي

غير اذا بخاطرج تطلعين مشوار صغير او قريب او السوبر ماركت تصير ساااالفه لبسي وغيري وزهبي الرضعه ونزلي الدراجه مع الصغار

الله يسهل الامور

 

[ام عفاف الكويت]

اكبر غلطه سافرت بدونها هلكت بس ارد الكويت بحضنها ههههههه
مع ان العيال عندي بالكويت بس لما بطلع او شي شايلتهم
ملبستهم ماسكتهم طابخه ماسحه
واااااي ياربي

 

[خشف الرعآبيب]

هلآ والله

حبيبتي أنآ متغربه بس بالأردن

وخدآمتي { سيلآنيه }

وصرآحه أول كورسين مآخذيت خدآمه معآي بغيت أموت :O_SHH_:

لآني أدرس وحيل تلعوزت بين درآستي وبين شغلي وطبآخي وغسيل هدوم لي ولأخوي

بس الحمدلله أميمتي إرأفت بحآلي وقدمتلي ع خدآمه وجبتهآ معآي حآليآ

يآحلووو الرآحه بس أروح الجآمعه وأرد وأنآ مو شآيله هم انه البيت معفوس :cxxxp:

وإذآ ع المشآكل الحمدلله يآربي مآصآدفتني مشآكل وإذآ بطلع أنآ وأخوي أقفل البآب عليهآ


:eh_s(8):​

 

[ام مضاوي]

ام فوفه ... عاد نبهتج قبل لاتروحين تاخذين خدامه الله يخليهم صج هلاك

خشف ... الدول العربيه سهالات ماتحاتين

 

[ام عفاف الكويت]

توني اقول لريلي يب لنا من المخبر الايراني فطاير لحم مافيني طاقه اطبخ
يقول كل شي صصكر قلت ماكووووو غداا عيل قال بيروح اللى بعيد ويشوف
امبيه هلكنا

 

[إستبرق]

انا بالاردن ومعاي خدامتي فلبينيه بس الحمدالله ياربي تبارك الرحمن تهبل وثقه كبيره مو ياهل
وما اتخيل ابدا اني بدون خدامه تعب

 

[خشف الرعآبيب]

الله يعينج ام مضاوي حبيبتي

ويسهل دربكم

 

[kuwait_queen82]

ام مضاوي اتوقع مافي احن من الهنديه على الياه الاثيوبات لو يتلها طناقيرتنحت

 

[ام مضاوي]

ام فوفه .... اي صح تييلج حالات مودج يقفل مالج نفس تطبخين لووووول بس أسوأ شي مر علي واستغفر الله على كلامي هذا اني حملت وماكنت مخططه لهالشي وتخيلي وحااااام وطباخ ويهال مايخلونج تنامين وانا بالوحام غرامي شي اسمه نووووم


استبرق ... الحمدلله ياربي الله يتمم عليج ولا يغير عليج والدول العربيه مثل ماذكرت ماتحاتينها مثل اوربا
لان عادي ممكن الخدامه تتبلى على المعزب تقول طقها او اعتدي عليها لانها بتحصل اقامه وسكن وراتب بارده مبرده والمعزب بينسجن وياكلها
وااااااي الله لايقوله مااسامح نفسي لو تصير خليني انكرف احسن هههههههه

خشف .... اللهم اميييين حبيبتي ماقصرتي

كويت كوين ... ربي يكتبلي الي فيه خير والاثيوبيه وووع كلش مو متحملتها قدمتلي على سيلانيه ان شاءالله بس تطلع نظيفه وعقبها بقلع الاثيوبيه اهي هني وتمد بوزها شلون لو بتغرب خخخخخخ
شكلي بقزر مابقى من السنه روحه ورده لزوجي زياره وبخلي عيالي هني هالشي قررته اليوم
لاني اذا وصلت للشهر السابع من الحمل يصير صعب حصولي على تذكره رده + الخدامه مايعطونها فيزا عالاقل يكون لها سنه على كفالتي

 

[مجنونة حبه]

دول عربيه سهاله من ناحيه الخدم
بس المشكله بدول الاجنبيه
حبيبتي كلنا بالبدايه ماقدرنا نتعود وغير التعب والحوسه وكنت حامل ومعاي ياهل
بس بالاخير تعودنا والحمدالله بالعكس اليهال تعودوا على نظامي وطريقتي
ونام مرتاحين ونقعد مرتاحين ونجابل البيت واليهال والريل وطباخ وكرف وتنظيف
كله بنظام ووقت والحمدالله
ادري الغربه شي اختياري بالنسبه حق الزوجه واليهال يعني اذا تبين تقعدين عند ريلج ومعاه ميخالف تعبي شوي علشانه واذا ماتقدرين تتحملين ردي الكويت وبين فتره وفتره زوريه
وترا دول الاجنبيه بدت اتشد من ناحيه الخدم وايد بعد مازادت مشاكلهم
لو كان الامر سهالات جان كلنا يبنا خداميمنا

 

[ام عبدالوهاب555]

دول عربيه سهاله من ناحيه الخدم
بس المشكله بدول الاجنبيه
حبيبتي كلنا بالبدايه ماقدرنا نتعود وغير التعب والحوسه وكنت حامل ومعاي ياهل
بس بالاخير تعودنا والحمدالله بالعكس اليهال تعودوا على نظامي وطريقتي
ونام مرتاحين ونقعد مرتاحين ونجابل البيت واليهال والريل وطباخ وكرف وتنظيف
كله بنظام ووقت والحمدالله
ادري الغربه شي اختياري بالنسبه حق الزوجه واليهال يعني اذا تبين تقعدين عند ريلج ومعاه ميخالف تعبي شوي علشانه واذا ماتقدرين تتحملين ردي الكويت وبين فتره وفتره زوريه
وترا دول الاجنبيه بدت اتشد من ناحيه الخدم وايد بعد مازادت مشاكلهم
لو كان الامر سهالات جان كلنا يبنا خداميمنا

اتفق معك

هني بامريكا ماشاء الله حريم عندهم 5 بدون خدامة وسهالات

احلى عيشة بدون خدامة

عيالك منظمين وانتي تضعفين

والخدامة العربية تدقرين تحصلينها وتنام عندك ب 1000 دولار
وهم اذا تييج من الصبح لي الليل نفس الراتب

 

[*^*&مناير&*^*]

ببجي من كلامكم
انا تعبت حدي وكاسره خاطر زوجي كله يقول شوفي لج خدامه اهم شي راحتج بس هني مالقيت غير بالساعه ومادري معقد نظامهم حده

بالصيف لما يجون السياح عندنا وكل وحده وخدامتها تخنقني العبرة ودي اقول لهم عطونياها لما تردون هههههههههههههههههههه

ماصرت اعرف اطلع مطعم مثل العالم وانا ماعندي غير 2 شلون لو اكثر جان انهبل صج الله يهديهم بس ويصلحهم

 

[ام عبدالوهاب555]

ببجي من كلامكم
انا تعبت حدي وكاسره خاطر زوجي كله يقول شوفي لج خدامه اهم شي راحتج بس هني مالقيت غير بالساعه ومادري معقد نظامهم حده

بالصيف لما يجون السياح عندنا وكل وحده وخدامتها تخنقني العبرة ودي اقول لهم عطونياها لما تردون هههههههههههههههههههه

ماصرت اعرف اطلع مطعم مثل العالم وانا ماعندي غير 2 شلون لو اكثر جان انهبل صج الله يهديهم بس ويصلحهم

اشدعوه

مناير غاثة روحك


انا هم كاسره خاطر زوجي حيل
صج اني ما ادرس بس لما يبدي الكورس انا الي اسوي كل شي حتى التوصيل والماجلة

بس تعودت

وروحة حق السوق وتمشي ينسيني التعب!!

انا اشوف الدبلوماسيين وعوايلهم ما يمشون من غير خدم

صرت استغرب منهم

بالعكس!!

شلون عايشين مع خدامة هني!!

احس الوضع مو حلو مع خدامة

محد بيساعدك ولا تكسرين خاطر عيالك ولا ريلك ، والشغل بيزيد على ابو عندك خدامة!!

 

[^noonaa^]

بالعكس فكري بايجابيات هالشغله

يعني راح ترتاحين من الخدم وتاخذين راحتج اكثر مع ريلج وعيالج

انتي حاولي اتنظمين وقتج يعني دخلي عيالج حظانه الصبح وقضي اشغالج كلها وبليل عوديهم على النوم المبجر


بس المشكله لي بغيتي تطلعييين وين اتخلينهم

 

[*^*&مناير&*^*]

انا مشكلتي الكبيرة بالطلعات صراحه مادري شسوي فيهم
وانا يومي مرتب الحمد لله ولدي بالمدرسه والثاني بالحضانه وانا ادرس بس الحين باجازة وراح ابدا الاسبوع الجاي ان شاء الله وزوجي بالجامعه وننام الساعه 8 بس اذا ابي اطلع اتمشى واقضي اغراض مااقدر لان زوجي مايرد الا عقب ماتصك المحلات واذا بطلع ويا عيالي اتخانق وياهم وارد البيت من كثر مايغثوني ولااخلص شغلي

بس امس قالت لي وحده عن شركه للخدم أأجرهم بالشهر واحدد الوقت وكل شي وراسلتهم لاني ابيها 3 ايام بالاسبوع 3 ساعات باليوم واخترت الصبح عشان باجي اليوم اذا بطلع او شي ماتربطني وان شاء الله يكون سعرهم رخيص مو غالي وارتاح
وعندهم بعد وحده تجي تقعد وياهم اذا بطلع بس مااظن عيالي بيقعدون ويا وحده مايعرفونها خاصه انهم مو متعودين على الخدم من انولدوا واحنا بالغربه

الله يعينا على هالغربه بس ياحلو الديرة

 

[كويتية بروما]

بنات بموووووووووت ابي خدامتي صار لي ثلاث شهور مقدمه ع فيزتها مو راضين يعطوني السفاره ايطاليا تقط ع الهجره هني والهجره تقط السالفه ع سفاره ايطاليه بالكويت وموصله بدش التاسع لاعت جبدي من كرف وبعد وراي ياهل ونفاس الله يصبرني