دلوعه زوجها
New member
بسم الله الرحمن الرحيم
حبيباتي وخواتي بمنتدانا الغالي حبيت افيدكم واعلمكم اكله لذيذه وسهله ومفيده لانها وايد تحتوي علي الخضار وراح يحبونها الكبار والصغار وتطبيقها سهل وسريع
نبلش بلمقادير
علبتين couscous moyen جذي اسمه وينباع بكارفور وماركته كارفور بعد وعلبته لونها اصفر هذا احسن كسكس مغربي الباجي مايستون بسرعه هاذا سريع السوا ولذيذ لانهم كل واحد نوع (وحق اللي مايعرفون الكسكس اهو صاير حبوب نفس السميد بس اكبر شوي ولما يستوي يصير مثل العيش تقريبا لانه نثري )
1 دجاجه حجم كيلو منظفه ومقطعه اربع قطع
3 حبات كوسا
3حبات بطاط متوسطين الحجم
3 حبات جزر
3 حبات بصل متوسطين الحجم
3 فلفل حار الحجم الكبير مو الهندي الصغار
قرع (الكميه حسب الرغبه)
فلفل الوان حبه حمرا وحبه صفرا وحبه خضرا
علبه حمص حب (نخي معلب)
ملعقه كركم
ربطه بقدونس
3 حبات طماط متوسطه
نصف ملعقه دارسين
ملعقه فلفل اسود
ملعقه من بهاراتج المفضله وتكون خلطه
مكعبين ماجي
ملح حسب الرغبه
نص كوب زيت
نص كوب ماء
نبتدي بالطريقه
طبعا نحتاج جدر اللي يكون فيه مشخال فوق عشان يستوي الكسكس علي المشخال ويستوي علي بخار مرق الدجاج والجدر تحصلونه بكل مكان خصوصا بالشويخ
المهم
(1) اول شي نغسل كل الخضروات ونقطعها طواليه ونخلطهم مع بعض كلهم ماعدا البصل والطماط والبقدونس ونخليهم علي صوب
(2) نحط البصل في الجدر مع شويه زيت ونحمسه شوي بس عشان لايذيل ونحط فوقه الدجاج والطماط والبقدونس والبهارات والملح ومكعبات الماجي ونقلبهم جم مره ونحط عليهم ماي حوالي 10 اكواب وحطي ببالج كل شوي تجيكين علي الماي لانه كل ماينقص لازم تزيدينه شوي عشان الكسكس راح يستوي علي بخار مرقه الدجاج
(3) نحط الكسكس بلمشخال مال الجدر ونحط عليه نص كوب الماي ونص كوب الزيت وشويه ملح ونخلطهم عدل مدل بعدين نحط المشخال علي الجدر عقب مايغلي ونغطي المشخال ونخليه ربع ساعه وبعدين جيكي علي الكسكس لين يستوي عدل بعدين شيليه من فوق الجدروخليه علي صوب
(4) الحين عقب ماشلنا الكسكس نحط بلمشخال الخضار كلها مع علبه النخي ماعدا الجزر نقطه في الجدر ونرشهم رشه ملح وفلفل اسود بس ونغطيهم ونخليهم يستون عدل بعدين نشيلهم عن الجدر ونحطهم علي صوب
(5)عقب ماتستوي الدجاجه (يبيلها تقريبا ساعه ساعه وشوي لين تحسين انها مستويه 100%100 وبعدن طفي النار)جيبي صحن مدور كبير وحطي اول شي الكسكس وبعدين فوقه الخضار والدجاج والجزر والبصل اللي بالمرقه وصبي من المرقه فوقهم حوالي كوبين تقريبا أو علي حسب الصحن المهم مايكون وايد بس حاولي ترطبين الكسكس كله بالمرقه وحاولي شكل الخضار والدجاج يكون منسق مو تقطينه قط فوق الكسكس
بالعااااااااااااافيه
ناطره ردودكم ورايكم لما تذوقنها ونصيحه لازم تجربونها مو طبييييعيه ولذيذه هل اكله والله :wqedqw:
* ملاحظه سوري ماعرف انزل الصور جان حطيت لكم صورهاحبيباتي وخواتي بمنتدانا الغالي حبيت افيدكم واعلمكم اكله لذيذه وسهله ومفيده لانها وايد تحتوي علي الخضار وراح يحبونها الكبار والصغار وتطبيقها سهل وسريع
نبلش بلمقادير
علبتين couscous moyen جذي اسمه وينباع بكارفور وماركته كارفور بعد وعلبته لونها اصفر هذا احسن كسكس مغربي الباجي مايستون بسرعه هاذا سريع السوا ولذيذ لانهم كل واحد نوع (وحق اللي مايعرفون الكسكس اهو صاير حبوب نفس السميد بس اكبر شوي ولما يستوي يصير مثل العيش تقريبا لانه نثري )
1 دجاجه حجم كيلو منظفه ومقطعه اربع قطع
3 حبات كوسا
3حبات بطاط متوسطين الحجم
3 حبات جزر
3 حبات بصل متوسطين الحجم
3 فلفل حار الحجم الكبير مو الهندي الصغار
قرع (الكميه حسب الرغبه)
فلفل الوان حبه حمرا وحبه صفرا وحبه خضرا
علبه حمص حب (نخي معلب)
ملعقه كركم
ربطه بقدونس
3 حبات طماط متوسطه
نصف ملعقه دارسين
ملعقه فلفل اسود
ملعقه من بهاراتج المفضله وتكون خلطه
مكعبين ماجي
ملح حسب الرغبه
نص كوب زيت
نص كوب ماء
نبتدي بالطريقه
طبعا نحتاج جدر اللي يكون فيه مشخال فوق عشان يستوي الكسكس علي المشخال ويستوي علي بخار مرق الدجاج والجدر تحصلونه بكل مكان خصوصا بالشويخ
المهم
(1) اول شي نغسل كل الخضروات ونقطعها طواليه ونخلطهم مع بعض كلهم ماعدا البصل والطماط والبقدونس ونخليهم علي صوب
(2) نحط البصل في الجدر مع شويه زيت ونحمسه شوي بس عشان لايذيل ونحط فوقه الدجاج والطماط والبقدونس والبهارات والملح ومكعبات الماجي ونقلبهم جم مره ونحط عليهم ماي حوالي 10 اكواب وحطي ببالج كل شوي تجيكين علي الماي لانه كل ماينقص لازم تزيدينه شوي عشان الكسكس راح يستوي علي بخار مرقه الدجاج
(3) نحط الكسكس بلمشخال مال الجدر ونحط عليه نص كوب الماي ونص كوب الزيت وشويه ملح ونخلطهم عدل مدل بعدين نحط المشخال علي الجدر عقب مايغلي ونغطي المشخال ونخليه ربع ساعه وبعدين جيكي علي الكسكس لين يستوي عدل بعدين شيليه من فوق الجدروخليه علي صوب
(4) الحين عقب ماشلنا الكسكس نحط بلمشخال الخضار كلها مع علبه النخي ماعدا الجزر نقطه في الجدر ونرشهم رشه ملح وفلفل اسود بس ونغطيهم ونخليهم يستون عدل بعدين نشيلهم عن الجدر ونحطهم علي صوب
(5)عقب ماتستوي الدجاجه (يبيلها تقريبا ساعه ساعه وشوي لين تحسين انها مستويه 100%100 وبعدن طفي النار)جيبي صحن مدور كبير وحطي اول شي الكسكس وبعدين فوقه الخضار والدجاج والجزر والبصل اللي بالمرقه وصبي من المرقه فوقهم حوالي كوبين تقريبا أو علي حسب الصحن المهم مايكون وايد بس حاولي ترطبين الكسكس كله بالمرقه وحاولي شكل الخضار والدجاج يكون منسق مو تقطينه قط فوق الكسكس
بالعااااااااااااافيه
ناطره ردودكم ورايكم لما تذوقنها ونصيحه لازم تجربونها مو طبييييعيه ولذيذه هل اكله والله :wqedqw:
التعديل الأخير:
