][ \ مـعـقـولـه .. عـمـركـ 18 ومـا تـزوجـت ؟؟ إخـذ بـنـت عـمـكـ \ ][

[ɱêɱȅ^7êĹώά]

الـسـلام عـلـيـكـم ..


أعجبني فنقلته

الـمـشـكـلـه مـتـأصـلـه فـي الـمـجـتـمـعـات الـخـلـيـجـيـه بـ شـكـل واضـح ..


بـتـكـلـم عـن مـوضـوعـيـن ..


الـزواج الـمـبـكـر .. وزواج الأقـارب

بـمـا إن الـمـجـتـمـعـات عـنـدنـا شـغـلـهـا الـشـاغـل هـ الـمـوضـوعـيـن ..





][ \ الـزواج الـمـبـكـر \ ][


طـبـعـاً الـزواج الـمـبـكـر فـي وقـتـنـا الـحـيـن صـار 18 .. 19 .. 20 سـنـه بـ الـكـثـيـر


كـان هـ الـعـمـر فـي وقـت الـجـيـل الـلـي قـبـلـنـا عـادي جـداً .. لـ درجـه إن الـواحـد إذا وصـل عـمـره 23 مـا تـزوج قـالـو أكـيـد فـيـه شـي !!


لـكـن بـ جـيـلـنـا الـحـالـي .. مـمـكـن يـوصـل 30 .. ولا درى عـنـكـ مـخـلـوق كـان ..


بـتـكـلـم عـن أمـثـلـه عـايـشـتـهـا عـلـى أرض الـواقـع ..


واحـد مـن الـشـبـاب تـزوج قـبـل سـنـتـيـن وهـو عـمـره 18 سـنـه .. إذا الـولـد عـمـره 18 الـعـروس كـم عـمـرها ؟


الـعـروس عـمـرهـا 14 سـنـه .. 14 سـنـه !! يـعـنـي بـ تـاسـع ؟


أكـيـد انـه بـ هـ الـعـمـر .. ووقـتـنـا الـحـالـي .. مـشـاكـل وعـوار راس .. وهـو فـي سـن مـا يـتـيـح لـه يـأخـذ الأمـور بـ مـنـظـور مـنـطـقـي ..


مـمـكـن بـ لـحـظـه غـضـب .. طـالـق طـالـق طـالـق ... وإنـتـهـيـنـا !!


الـثـانـي بـ يـوم عـرسـه الـسـاعـه 2 ونـص الـفـجر .. داش عـلـيـنـا الـدوانـيـه ..؟


يـا فـلان شـعـنـدكـ وحـنّـا قـبـل شـوي زافـيـنـكـ مـعـرس ؟ والله نـامـت وقـلـت أجـي الـدوانـيـه ..


إهـمـال مـن أول يـوم زواج .. ومـمـكـن بـعـد فـتـرة مـن هـ الـمـعـامـلـه .. بـرضـو سـيـنـاريـو الـحـالـه الأولـى يـتـكـرر .. وطـالـق طـالـق طـالـق .. وانـتـهـيـنـا !!


والـثـالـث مـتـزوج قـبـل سـنـه .. ومـشـاكـل بـ الـبـيـت ولـعـنـه مـتـرس عـلـى مـا قـالـو .. لـ درجه انـه لـمـا يـودي مـرتـه بـيـت أهـلـهـا يـقـول لـ أمـه نـبـي نـتـمـشـى !!


لـي مـتـى الـلـف والـدوران !! بـ تـنـصـاد ومـشـاكـل بـيـن أمـكـ ومـرتـكـ .. وتـصـيـر بـيـن نـاريـن .. أقـلـهـا وقـعـاً عـلـى الـنـفـس .. فـراق أحـدهـم ..


إمـا تـطـلـع مـن الـبـيـت وتـخـسـر رضـا أمـكـ .. أو تـطـلـق مـرتـكـ ويـتـكـرر الـسـيـنـاريـو .. طـالـق طـالـق طـالـق .. وانـتـهـيـنـا !!


لـكـن مـو مـعـنـى الـمـذكـور إن كـل زواج مـبـكـر فـاشـل !! مـمـكـن يـنـجـح فـي ظـل تـحـسـن الـظـروف الـمـحـيـطـه .. لـكـن الـنـسـبـه مـو اكـثـر مـن 4 :1 ..


يـعـنـي 4 فـاشـل .. و 1 نـاجـح ..



][ \ زواج الأقـارب \ ][



يـمـكـن طـاغـيـه عـنـد الـبـعـض بـشـكـل أكـبـر مـن الـبـقـيـه ..


لـكـن لا جـاء بـيـنـكـ وبـيـنـهـا أي شـي .. مـمـكـن تـطـلـق ؟


مـا أتـوقـع أحـد يـمـلـكـ الـجـرأه إلا مـا نـدر ..


بـعـديـن وش يـفـكـكـ مـن أبـو شـنـب عـمّـكـ والـحـكـي الـمـأخـوذ خـيـره


لـو فـيـهـا خـيـر مـا طـلـقـهـا ولـد عـمـهـا .. ولـو فـيـه خـيـر مـا طـلّـق بـنـت عـمـه ..


نـاهـيـكـ عـن الـمـعـامـلـه داخـل نـطـاق الـعـايـلـه والـلـي مـمـكـن تـسـبـب تـشـتـت أسـري مـا بـيـن الـعـم والأبـو .. إذا شـالـهـا الـعـم بـ خـاطـره وكـبـرت الـقـضـيـه ..

مـجـرد رأي .. يـمـثـل وجـهـه نـظـر .. والإخـتـلاف بـ الـرأي لا يـفـسـد لـ الـود قـضـيـه

م ن ق و و و ل​

​

 

[جـــواهر]

صح كلامج بس انا اايد الزواج المبكر للشاب والبنت
عشان يحميهم من ملذات الدنيا والطيش ,,, مع الايام والعيال بيتحملون المسؤليه ...

امن زواج الاقارب ماايده كلششششش والاسباب كثيره ..​

 

[شوشو الشقيه]

يشرفني ان اكون ثاني شخص في صفحتك الروعه
ثانيا
مشكوره
اي زواج عشان ينجح لازم
الصبر وواحد يشد والثاني يرخي
وغض البصر عن هفوات لان كل انسان يوجد له هفوات والانسان ليس معصوم عن الخطااااااااا
والطيب والاحترام
في اشياء كثيره ولكنني لا اريد ان اطول من الموضوع لان موضوعك كافي
من اختك شوشو الشقيه

 

[ضحكه مستعاره]

الزواج المبكر ممكن يكون ناجح في حالات وحالات لا حسب البيئه يعني في ناس اعمارها 18 و19 بس عقولها توزن اللي اعمارهم فوق 30 وفي ناس اعماره 30 وعقولها عقول ناس 15 سنه يعني الطول طول نخله والعقل عقل صخله

اما زواج الاقارب انا من اول المعارضين له والاسباب لاتعد ولاتحصى

 

[Dreamy G!rl]

شوفي يا قمر
سواء صغير أو كبير متقدم أو متأخر
الرسول عليه الصلاة و السلام يقول يا مشعر الشباب من استطاع منكم الباءة فليتزوج فإنه أغض للبصر و أحصن للفرج
معناته إن الرسول يحث الشباب على الزواج إذا كان عندهم القدرة بس أعتقد كلام حبيبنا يكفي للتوضيح
و مشكوره يا عسل

 

[ɱêɱȅ^7êĹώά]

تسلموون ع المروور

 

[جوك احلى جو]

ما اايد لان في ناس وايد مو ناضجين اهم شي كبر العقل

 

[سيدة الذوق]

مشكوره علي الطرح الحلو

محدثتكم متزوجه زواج مبكر انا كان عمري 18 سنه وزوجي ولد عمي الحمدالله تمت علي خير مافي سلبيات الا شي واحد

مثل ماقلتي يسبب تشتت بسيط بالعايله قبل كان الواحد يفكر ان زواج الاقارب يلم الشمل حيييل بس للاسف هذاك اول

عن نفسي ماايد زواج الاقارب لكن اايد وبشده الزواج المبكر لاتقولين ليش الانه يعف الواحد ماتشوفين كثر المغازل والمشاكل

 

[ناتشوو]

بس اشلون الزوج المبكر يحمي من الانحرافات؟
شوفي قسم الزوجية كلهم
متزوجين وشياب
وسوالفهم سوالف!
بالنسبة للبنت متى ماجاها النصيب عادي
لي خلصت الثانوية
اما الولد لي خلص دراسة وتوظف
بس اهم شي الاقتناع من الطرفين وعدم الاجبار او الالحاح
الواحد صج ماوده بزواج الاقارب
بس يظل نصيب

 

[$الـــحـــلاوه$]

ما أأيد الزواج المبكر بهالوقت
لاني بصراحه ما اشوف انهم قد المسئوليه
اغلب البنات بهالوقت دلوعات وما يتحملون شي
سن الزواج المناسب بالنسبه للولد 25 و26 وولبنت 23 يكونون خلاص فهموا الحياة وكبروا
مادري هذا اللي اشوفه

 

[ɱêɱȅ^7êĹώά]

يسلموو ع المروور



منورييييييييييين

 

[dodowa el7elwa]

ثاانكس حبووووووووووبه ....