مــاعندي احـد اشكـي لـه غيركــم.ايش الحل

[يارب تخليه لي]

ســــــــــلام،،،والله ماعرف من وين ابداء بس انا صار لي سنه متزوجه انا زوجي طيب مره ويحبني ودايم يقول خل نطلع نتمشى ..وانا وربي استحي من خالتي وحمواتي بما اني بشقه فوق ..اكثر الوقت ارفض مابي الناس تقول تمشيه ع كيفها ...وزوجي اخر همه الناس..اوكي انا اللي باكلها..وربي يابنات ان نيتي صافيه وربي ماحقدت ولا شلت عليهن ..واحبهن وماانقصهن عن خواتي وادافع عنهن اذا احد تكلم عليهن..بس سمعت شي هزني من جوا من سمعته وانا اصيح والله العظيم سمعت من الشباك وكانو جالسين كلهم باالحديقه تحت وزوجي مسافر سمعتهم يقولون تمشيه ع كيفها من تزوجه هو متغير ..لو تقوله شي طاار لها ودايم مطيح عندها ..واكثر من مره يقطون ع زوجي كلام بس زوجي يرد مايسكت انا اقوله اسكت مابي احد يحقد علي بس يقول ماارضى باالغلط بنات انا ماغلطت كل السالفه اني يضيق خلقي واطلع اتمشى واحيانا اسكت واتحمل واقعد في البيت عشان كلامهم ..انا من اشكيله قبل اتزوج امي تقول اسمعي وقطي بحر بس انا مو مثلها انا حساسه..ماقدر اشكي لزوجي مهما كان ذولي اهله وماقدر اشكي لأمي مابيها تشيل همي وتحسي اني مو سعيده يارب صبرني

 

[أم توتو]

حبيبتي اتركي الحساسيه الزايده عنج ومثل ماقالت امج اسمعي وقطي بالبحر لايهمج احد لو سمعنا كل الكلام اللي ينقال عننا ماجان طلعنا من بيوتنا وحبسنا روحنا عشان فلان وفلان وهذا مو واحد غريب هذا زوجج طنشي احسن لج ولريلج وخليج معاهم رسميه يحترمونج موفقه

 

[DaShTeYa_Q8]

انتي شعليج منهم الدنياا بتعيشينها مرة وحده
اذا ما استانستي مع زوجج الحين و بهالأيام متى بتستانسين خل يقولون الي يقولونه
كل الحريم يقولون جذي والله كلهم لي شافو واحد مريح زوجته و يدللها قالو عنه هالحجي انه سكان مرته
وهاذي من الغيرة الي شابه بقلوبهم انتي لا تعطينهم ويه و استانسي وطلعي وشوفي كل ريال مع مرته عادي شفيهاا
لا تكبرين الموضووع

 

[هيبة ملك]

الله يعطيج على قد نيتج حيل طيوبة انتي

 

[قاهره عذالي]

شوفي انا اقولج شي
حريهم
وعيشي حياتج واطلعي مع زوجج
ولا يهمونج
ولا تحطين لهم اعتبار
لان متكلمين متكلمين
ولاتفكرين فيهم
ارضاء الحموات وام الزوج
غااااااايه لا تدرك
وتذكري المثل اللي يقول
:
لو العجوز تحب الجنه جان ابليس دخل الجنه
وخوات الزوج كله غيره بغيره
فلاتفكرين فيهم
اي امشي مع زوجج وعيشي حياتج
ولا تبجين ولاتصيحين ولا تراعينهم عشان لا يقولون اهما متكلمين متكلمين وسمعتي باذنج
فخلج مثل زوجج
اخر همج الناس
الحمدلله انتي ماتسوين شي غلط
طالعه مع زوجج تمشون
مافيها شي
وخل يموتون حره

 

[كارلوفي فاري]

حسبتيلهم حساب وهم ماحسبولج
حبيبتي عيشي حياتج مع زوجج طبيعيه دامج ماتعديتي على احد

 

[قلبي عبدالله]

اطلعي واستانسي وفري الشوارع فر انتي وياه ولا عليكم من احد


هذي احلى ايام العمر وشكلكم توكم معاريس لاحقين على الغثا

وبعدين خلج عاقله اذا يوم قالج قومي بنطلع اعزمي امه وخواته على طلعة مطعم سوق اكسبيهم صدقيني راح ينبسطوا ويخففوا من اسلوبهم معاج

 

[سوسن1980]

لاتدورين رضا الناس لانهم ماراح يرضون ابد

 

[كـ غلا ــلي]

وشنو يعني انج ساكنه عندهم ليش تحاسبين على مشاعرهم جذي ريلج وانتي بكيفج طلعتي معاه و لا قعدتي

اهما شكو شيلي هالحساسيه منج وتنتي تصيرين سعيده

 

[قوية الباس]

لو وحده منهم تزوجت وقالها ريلها خل نطلع تهقين بتقعد مثلج واتحاتي الناس؟؟؟؟؟؟؟


حبيبتي روحي وطلعي وتمشي وانسي الناس وادعي ربج يسخره لج


وانتي ماضريتي احد وحمدي ربج ريلج مايسمع كلام اهله

والا انتي الحين كاتبه اهله يتدخلون بحياتي ويشيشون ريلي علي

دام الريال يقولج خل نطلع لاتقولين لا والا بدور غيرج تطلع معااه

 

[Reham 84]

اقووول اطلعي وانبسطي
اهم شي زوجك عاقل وفاهم ويدافع حمدلله
وعاملي اهله باحترام وماعليك من كلامهم
انتي بتعاملينهم باخلاقج وتربيتج مو عشان مشاعرهم خل يقولون اللي يبون
طنشي وروحي استانسي بكره يصير عندكم عيال وتتمنين الطلعه

 

[مناير ...!]

قطي بحر
ولاقالج قومي طلعي معاه
لاترفضين باجر تبجين وتحنين يطلعج ومايرضه

 

[افراح كبيره]

أنتي الله يهداج _داقه الاذن _وتتسمعين لهم ؟
برايي كلامهم عااادي _اكيد وطبعا بيتغير ولدهم بعد الزواج ..
ولا تصيرين حساسه الكلام عاااادي وما يزعل .

 

[لمسة حنية]

اذا على الكلام ياما راح تسمعين حجي العن من هذا!!! ليش تنكدين على نفسج وعلى ريلج اذا ماستانستي وياه بالسنوات الاولى متى تبين تستانسين قطي ورى ظهرج ولا تحسبي حساب ولا تسمحين لاحد سواء اهل ريلج او غيرهم ينغصون عليج حياتج او يخربون عليج وعلى ريلج
الله يوفقج ويسعدج ويكفيج شر من فيه شر​

 

[نشيج الروح]

شي يضيق الخلق أنج تسمعين أحد يتكلم عنج ...... بس الشي الحلو أن ريلج الحمد لله مع الحق دايما وله شخصيته ..... فاستمتعي بحياتج لأن كلام الناس ما يخلص سواء أهل ريلج أو غيره ..... فلو بتحاسبين كل إنسان بتظلين متكدرة طول عمرج......

 

[فلنتينو]

طااااااااااااااااااااااااااااف
اسمع من اذن واطلع من اذن

 

[دلوعة حمني]

روحي و طلعي و استانسي و عيشي حياتج مع زوجج

من راقب الناس مات هما حياتي.... اذا تحسبين حساب للكل حاتجبتعدي بسرعة و لا راح تستمتعين فيها

 

[ام ميميتو]

حبيبتي اذا تسمعين علانه شنو قالت و فلانه شو رايها بتتعبين بحياتج و زوجج بمل عيشي حياتج و احترمي اهله و انتهى الموضوع

 

[زوجة عزيز]

ماعليج منهم حبيبتي انا سمعت من اهل زوجي كلام ازيد من جذي بمية مره وانا حدي حساسه بس تميت ماقعد معاهم وللحين اسمع كلامهم علي صوتهم يوصل لي الغرفه جنهم يتهاوشون مو جنهم يتكلمون علي او يمكن يتعمدون يسمعوني صوتهم لكني ما ارد لو شيصير

 

[جرحي ابكم]

حبيبتي ماشفتي شي من اهل الزوج اسال مجرب والله لو تحرمين نفسك من الاكل والشرب علشانهم غير يردون يتكلمون احسن حل انك تعيشين حياتك واعتبري ماله اهل وعامليهم بمايرضي الله ونصيحه حطيها حلق باذنك اهل الزوج نضرتهم لزوجة الولد مثل نضرة المجتمع لزوجة الاب ماراح تتغير دائما اهي واهي واهي واهي