مــســابــقــة / زيـــاآآادتـنـا بــعــيــد الأضــحى بتخلينا أحلــلى

[احآسيس هآدئه]

روتي تركت فاتح الشهيه
كله ملخبط نومي ومسبب لي قلق
عاد بدور حليب انشور وابستخدمه


المؤونه خلصت عندي ومتعجزه اروح اجيب لي


فطرت اليوم
صامونه جبن وبيض مفيوح وشاي
كليت بعدها اصبعين كت كات

 

[احآسيس هآدئه]

روتي لاتحطمين فلورا هههههههههه
بالعكس البنات وايد متحمسين
بس شكلهم انشغلوا بتجهيزات العيد

 

[Roty]

حسوووس بالعافيه
ومتاكده الانشور واااايد بيفيدج

شسوي بعد البنات ناموا وفلورا مسكينه يايه اخر المسابقه بس انصحج فلورا تشجعي معانا كاني انا موجوده مع حسوس ووسوم والباجي عاد كيفهم

يلا يلا الى الامام نحو جسم رشيق ومتناسق<<<< بددددددددددعت خخخخخخخ

 

[احآسيس هآدئه]

الله يعافي قلبك حبيبتي
اقتنعت فيه بعد تجاربكم عليه واهم شي انه ماينوم ههههه

عادي اهم شي انك ماتستلمين
وكل وحده الزياده لها

وفلورا بيمديها لما تنتهي المسابقة

راح نرجع لتجمعنا الاول


هيا بنااااا

 

[رذآذ آلمطر]

سلااااااااااام عليكم



بنات صايره ماااكل مادري شفيني =(
طلبت حلوم ومشكل الصبح والحلوم كليت نصها والمشكله عطيتها اختي =(

بس بضغط على نفسي وبآكل حبوب سيبروفيتا وان شاء الله يتعدل الوضع

 

[احآسيس هآدئه]

انا الحين بروح انام صاحية من امس 12


استودعكم الله الذي لايضيع وداعه

 

[Roty]

نوم العوافي حسوس الله وياج حبيبتي

رذاذ ميخالف شدي على نفسج وشربي حليب انشور يعوض عن الوجبه

 

["وسم"]

هلا روتي
انا برنامجي مو للعيد ولا حاطته في بالي العيد ابي حق نفسي وحق حياتي
اقولج .. انا من الصبح ما كليت ولاشي ولاشي ولاشي من 6 الصبح
منسد نفسي ما ادري ليش ...................
والحين ضايق خلقي اكثر لاني ما كليت حبوبي ولا الوجبات

شسووووووووي ؟؟؟؟؟؟؟؟؟

 

[Roty]

هلا وسوم انا يوم الخميس اللي طاف كنت نفسج نفسي مسدوده

والله وسوم استغفري وتعوذي من ابليس يمكن عين ما صلت عالنبي

وان شالله تاكلين ويرجع نشاطج

لو عالاقل شربي شي مو زين لج جذي تتعبين

 

[فـلـورآ]

لآلآلآلآ :eh_s(4):
إللي ودها تزيد تنسى شي إسمه (( ماقدر .. تعبت .. مستحيل ))

هالشي يبيلـه مواااااااصلـه وهمـه عاليـه :rerrerek:
المفروض نحمد ربنا إحنا مو مثل المتان تتقطع قلوبهم بالرياضه
وينحرمون مايقدرون يآكلون وإحنا كل شي مفتووووح لنا

تدرون أنا وزني كان 35 :eh_s(4):
وزدت 5 كيلوووو الحمدلله وكله بالاصرار والعزيمه :rerrerek:
والكل إنهبل على شكلي والكل يسألني كيف زدتي :eh_s(10):
بس كنت نحيسه ماعلمت أحد لووووووووووووووووووول
يستآهلون لآني يوم كنت هيكل عظمي كلهم يعايروني بس مايساعدوني :rgewrg:
وللحين محافظه عليه ومانزل الحمدلله إن نزل ينزل كيلو بس

كان هدفي يبيلـه 15 كيلوووووو
صار الحين 10 الحمدلله :yaaaaaarb:

عاد الحين بيدخل الشتا والجو بدآ يتعدل
ياكثر المأكولات والمشروبات إللي تزيد الوزن بالشتا :eh_s(9):

عندكم الحلبه بالحليب + الشاي بالحليب
هذول الأثنين عجيبين بالزيااده ههههههههههههه

شوفوا هالموضوع الخلطه رهيب للشتا مع كوب حليب :rerrerek:
http://www.q8yat.com/t863038.html


أنا إستخدمتها بس بدل الحلبه حطيت ماااش وزاد وزني عليها
بس الحين بحط حلبه لآن الجو مو حااااار _03BA:

وبآخذ عسل بالأملج + موسيقور
يفتحون الشهيه وعاد مع الجو الحلوو ياسلام ههههههههه :wqedqw:

وبآخذ فيتامين هيردال < يمدحونهم بتطويل وتكثيف الشعر
ويقولون تزيد الوزن شوي يعني 2 × 1

 

[فـلـورآ]

شوفوآ هالخليط طبعاً معروف وطريقته مكتوبه على الكرتون
بعد ماينضج إدهنوه بالنوتيلا ورشوا فوقه مكسرات
وحطوا القهوه وتقهوو

كنت كل يوم أتقهوى ومرات أسوي هالطريقه
ومرات بسبوسه بالقشطه ومرات شوكلاتات عاديه
يعني أنووع كثييير
والعشا ضروري يكككون دسسسم لآ تآكلون نواشف ماتنفع معنا خخخخ

 

[طموحه بزياده]

مرحبااااااا


اللي ما زاد وزنها واهيا مسويه برنامج معناه برنامجها فاااااااااااااشل

لازم تغيير الاكل وتضيفين شي جديد


انا اللي زاد وزني الاسبوع اللي طاف كنت اكل من موزتين الى ثلاث موزات باليوم واحرص علا وجبه الغدا والعشاتتتا لان قبل لما نقص وزني كنت مهمله العشا وكنت انام وماكله سناك بس سنيكرز وكب كيك وحليب لااااازم السناك يكون بعد وجبه عشا ونا ما كنت اتعشا خخخخخخخخ

 

[Roty]

مشكورة فلووورا

 

[فـلـورآ]

مرحبااااااا


اللي ما زاد وزنها واهيا مسويه برنامج معناه برنامجها فاااااااااااااشل

لازم تغيير الاكل وتضيفين شي جديد


انا اللي زاد وزني الاسبوع اللي طاف كنت اكل من موزتين الى ثلاث موزات باليوم واحرص علا وجبه الغدا والعشاتتتا لان قبل لما نقص وزني كنت مهمله العشا وكنت انام وماكله سناك بس سنيكرز وكب كيك وحليب لااااازم السناك يكون بعد وجبه عشا ونا ما كنت اتعشا خخخخخخخخ

يا برنامجها فاشل أو إنها مو ملـتزمه فيه :eh_s(4):
ترا حتى وجبة الفطور مره مهمه لآنها تعتبر فاتح شهيه
وأنا لاحظت على نفسي اليوم اللي أفطر فيه شهيتي تكون مفتوحه :rerrerek:

 

[فـلـورآ]

مشكورة فلووورا

العفووو حبيبتي :eh_s(7):

 

[رقـة الاحسـآس]

فلوورا

بغيت اسالج عن الرابط اللي حطيتيه
عيبتني الخلطه ابا اسويها لخواتي
بس فيها حليب
كيف والحليب ينتهي بسرعه؟

 

[رقـة الاحسـآس]

امممم تعرفين هي طريقتها نفس الممروسه
نحن نسوي تمر و سمن و نضيف طحين او كورن فليكس
وحلاتها فالشتا
شكلي بسويها بالماش بدون الحليب خخخ

 

[فـلـورآ]

إحنا نسميها عصيدة التمر
سويتها بحليب السعوديه طووويل الأجل
وأنا أضفت لها من عندي ملعقتين صغيره هيل مطحووون
الطعممم عجييييب :rerrerek:

 

[مؤمنه بربي]

ابيييييه بنات صايرة كلش ما اكل
حدي مضغوووطه امتحانات ومختبرات
واحس نفسي كلش مو فاضيه اركز مع برامج
الاكل ونفسيتي كلش مسدوده
وخلصت حبوبي وماشريت خايفه
بس اكون نزلت اللي زدته عالعيد

 

[الصيدلانيه]

السلام عليكم

شلوونكم خوااتي

اكلي خررطي هالاياام

تريقت تفاحة + حليب التموين

اكلت بالبطاط بالجبن

تغديت شوية مجبوس دياي

واكلت اندومي