مــشـــترواتــــــــــكم من اي مكـــــــــــاتب؟؟!

[vogue grl]

قـــــــــوه بنات
حبيت اعرف من اي مكاتب تشترون ؟؟
اقدر القى فيها كميه كثيره وواسعه من من اي مجال ابيه
الانه رحت جرير لقيت كتب علم النفس حاطين لاين واحد وكتب مو الي وايد وايد وكتبهم موذاك
كنت ابي مثلا حق دايل كارينقي مالقيت وكنت ابي كتب للعريفي او شبيه لكتبه مالقيت
وكتب لعائض القرني مالقيت
وكنت ابي اي كتاب جذي حلو لقيت كتبهم عاديه موذاك :\

​

 

[بمبة المفترسة]

بالعكس جرير يبيعون للقرني والعريفي جان سألتي يمكن خالصين واحيانا تلاقينهم بمكتبة الجمعيات

انا عن نفسي اشتري من دار العروبة ومكتبة الربيعان

 

[vogue grl]

مادري مالقيت لهم
وكتبهم بمجال علم النفس شوي حاطين بس لا ين واحد وكلش موحلوين حدهم عاديين يمكن عشان ضغط عليهم ومالاحقت على كتب الحلوه مادري
بس ابي مكاتب اقدر القى تشكيله واسعه بلكتب

 

[بمبة المفترسة]

شوفي مكتبات حولي العجيري واللي حواليه
ودار العروبة بعد فيها كتب

 

[عهود الحب]

العجيري كتبه اكثر بس جيبي معاج سلم الكتب للسقف ومافي احد ينزلهم لج
<<< للحين حاقدة عليهم

جرير متروسة كتب بس صدقتي كتب علم النفس شوي
اما العريفي والقرني متروسة هناك كتبهم حتى في زاوية للقرني

 

[Little_Queen]

حبيبتي الاسماء اللي قلتي عليهم موجودين في كل مكان تقريبا !

العجيري
العروبة
جرير


انا عن نفسي ميولي مختلفه تماما عنج بس والله اكو مكتبه يديده فاتحه .. تهبببببببببببببببببل كل شي فيها بمعنى الكلمة و المكان جدا رائع

اسمها مكتبه آفاق بالمنطقة الحرة

ماقمت أروح اشتري الا منها .. لأن حتى اللي يشتغل بالمكتبه اسمه أ.فارس .. اهو اصلا شخص مثقف و قاريء نهم جدا

يساعدج جدا بالكتب

و فيها فعلا مجموعه من الكتب ما تحصلينها بمكان . يروحون ييبون الكتب مخصوص كل جم شهر يروحون لبنان و مصر ينقون الكتب اليديده و اللي مو متوفره اييبونها .. و اعتقد اذا طلبتي كتاب ممكن هم يدبرونلج ياه جربي روحيلهم

 

[ReRez]

انا اشتري من جرير والعجيري

جرير فيها كتب وايد بس اضيع بينهم ومخي يفتر

اما العجيري بحولي صارو حافظيني من كثر ما اروح .. وفيها واااايد كتب بس عيبها ان الكتب تطول عشان توصل لها

يعني اول تنزل بجرير وفيرجن وبعد فترة توصل العجيري

بس عموما العجيري وايد ممتعه واحب اقعد فيها بالساعات ماكو مشكله لأن كتبها حلوه و كثيييره

 

[مطيريه ماركه]

جرير ، آلعروبة ، آلعجيري

وآلحين حتى آلمكتبآت آلعآدية تلقين فيهآ آصدآرآت آلقرني وآلعريفي

 

[vogue grl]

مشكورين بنات
انا اروح للعجيري و جرير
العجيري عيبه على قولت عهود الحب :العجيري كتبه اكثر بس جيبي معاج سلم الكتب للسقف ومافي احد ينزلهم لج

مرات اشوف بالعجيري كتب حلوه احتار بس اخر مره رحت مالقيت كتب حلوه يمكن مخشوشين فوق لووول
مكتبه الي قالت عنها Little_Queen مبين حلوه بجرب اروح لها

بس بنات مكتبة العروبة وين مكانها؟

 

[SARA_912]

بنات ابي مكتبه في المنطقه العاشره

 

[أغلى الأثمان]

الجرير

 

[بمبة المفترسة]

العروبة مقابل مجمع النقرة الشمالي



ومكتبة افاق اي صووب بالمنطقة الحرةاولها ولا اخرهاا ليتل كوين ؟؟؟؟ مكتوب عليها مكتبة افاق حمستيني اروح لهاا

 

[أم روعة]

بالعكس جرير فيها ركن كامل بس حق القرني وتوني رايحه من يومين شايفتهم
بس مو صوب علم النفس لا صوب الكتب الاسلاميه اخر المكتبه بالزاويه <<<< وصفج اي شي