- إنضم
- 20 سبتمبر 2007
- المشاركات
- 139
- مستوى التفاعل
- 0
- النقاط
- 0
السلام عليكم
اولا : انا كتبت بنكي لان هالمشكله مشكله رفيجتي يعني مو اناا
بصراحه بنات رفيجتي عندها مشكله بس مو اي مشكله تقدرون تسمونها مشكله العمر لانها عانت منها اكثر من 11 سنه
اول شي خلوني اكلمكم عن رفيجتي شوي اهي من عمري يعني 24 سنه مو متزوجه بنوته عسل تحب تساعد الكل والله خدومه حيل وحبوبه وماتحب تشوف احد متضايق الا تعرف اشفيه وتساعده تخيلوا بنات الا مشكلتها موعارفه تساعد نفسها
بتقولون شنو مشكلتها انا اقولكم اهي عندها ولد عم اكبر منها بجم سنه يدرس بالخارج تحبه من كان عمرها 13 كانوا واهم صغار كله مع بعض بس كانوا بريئين لايروح بالكم بعيد بس بهالفتره بحكم عمرها ويعني ان البنت كبرت ومن هالسوالف ماقامت تشوفه واهو بعد بس بالدوانيه مع اخوانها مرت السنين وكبروا الاثنين وصارت مشاكل بين العايلتين واهي كل يوم تحبه اكثر مع انه نساها خلاص يعني مابينهم لا سوالف ولا شي بس اهي تسمع اخباره من بعيد ودرت ان اهله بيخطبون له بنت خالته اللي بالسعوديه وهالبنت صغيره يمكن عمرها 17 ومو اهو اللي يبيها بس سوالف حريم وماصار شي رسمي بعدين عرفت انه مايبيها وانه مايبي يتزوج اهني ارتاحت شوي عالاقل هالفتره بس ماتدري شنو اللي براسه من كثر ماتحبه يابنات وتبيه بالحلال وخايفه ان تكون نفسها متعلقه فيه واهي اللي مكرهته بالزواج يعني منفووس اعترفت لاخت هالصبي بس بطريقه غير مباشره وهالبنت تسوي روحها موفاهمه والله يابنات ماتحركت ولاسوت شي يعني معقوله وحده تدري ان بنت عمها تحب اخوها وماتسوي شي ولا تساعدها والله يابنات رفيجتي تحبه واهي الحمدلله ملتزمه وماعندها خرابيط لدرجه ان تلفونه عندها بس تقول مو انا اللي اسوي هالسوالف ومابي اطيح من عينه اذا كلمته تخيلوا بنات تنام وتقعد على طاريه والله يابنات كل ما اكلمها تقولي احبه بس مادري شسوي والله يابنات تكسر الخاطر لدرجه انها ماتنام الا وادموعها على خدها وطول ماهي نايمه بس تبجي وهالكلام قالته لي اختها وطبعا خواتها يدرون باللي فيها بس شنو الحل حتى بصلاتها تدعي انه يكون من نصيبها ودايما تقولي ادعي لي اذا صليتي تقول مابي من الدنيا شي بس ابيه يعرف بحبي له لانه مو معقوله احد يعرف ان فيه بنت تحبه ومايسوي شي اكيد بيكون له ردة فعل والله يابنات لو اخوي وادري ان فيه وحده تحبه هالكثر والله اخطبها له من غير تفكير او عالاقل اقول حق اخوي مادري بنات يمكن هذا رايي بروحي لانها تعز علي واحب لها الخير بعدين لما مالقيت حل لها حاولت اخليها تنساه بس اهي معنده تقول شلون تبيني انسى حياتي والله تعبت معاها .
اي تذكرت ترى اهي تنخطب اكثر من مره بس يا إما اطلع فيهم عيوب وتردهم او يروحون من كيفهم ومايصير شي
وانا دايما اقولها ياليت يصير اخذج لأخوي والله ماترددت لحظه.
برايكم بنات شنوو الحل ؟؟
وشنو تقدر تسوي؟؟
اقولها تنساه وتفكر بحياتها بشكل جدي مع اني اعرفها هالشي مستحيل تسويه !!
عفيه بنات قبل لاتقولون شي حطي نفسج بمكانها شنو ممكن تسوين بهالحاله ؟؟
