مــصــدوووومــه مــن الاســعــاااااااااار

[أوكسجين]

اووكسجين بعد بسألج

رحتي سدني ولالأ؟؟؟

واشكثر قعدتي بجولد كوست ؟؟؟

اتهقين اذا رحت اسبوعين كافي على استرايا؟؟؟

ادري لووعت جبدج بالاسئله بس ميخالف تحمليني

مشكوووره ياحلوه

اي استراليا حلو عليها اسبوعين
ورحت سيدني ليلتين قعدنا بالماريوت يم الهاربر بريدج وكنا 5 دقايق ونوصل الاوبرا


والهاربر بريدج

 

[Loora]

اوووكسجين

مشكووووره على مشاركتج وعلى الصور بعد

والحين بدش موقع بوكنج وبشوف الفندق اللي بجولد كوست و اللي بسدني

وانا باخذ 4ليالي بسدني

و 10 ليالي بجولد كوست

بشوف شنو يصير معاي واقولج ,,,, وابي رايج

 

[*راقيه بذوقي*]

ماشاء الله اكسجين وايد حلو الفندق اللي بجولد كوست لورا اذا ماحصلتيه بالنت نصيحة روحي حجزيه من نفس السفريات اللي احجزت منهم اكسجين لان سعره حلووو

 

[Loora]

راقيه بذوقي

اتصدقين لقيته بموكقع بوكنج بس حيل اغلى ,,,,, طلعت الليله ب43 ,,,,,,,,,,,, حيل فررق الصراحه

اوكسجيين
طلب ضروري ,,,,, من اي سفريات حجزتي الفنادق ؟؟؟؟

 

[أوكسجين]

حبيبتي احنا كنا رايحين قروب
بس انا دخلت بوكنق وشفت ليلته ب 30 يمكن انا حاطه تاريخ مبجر

كنت رايحه ويا سفريات المستقبل روحيلهم يمكن يعطونج بسعر زين لان يتعاملون معاهم

 

[^^ام ميمي^^]

شفتي لورا انا قايلتلج المستقبل وايد زينين

انا كنت حاجزه من عندهم

بس نصيحة لكم كلكم يا بنات واكررها اهم شيء ضبطو الرحله ما اطبون بالديره اللي رايحين لها بليل لان بتتعبون و الصراحة ديرة اول مره اطبونها بتخوووف وغير هذا كله انا وصلت فندقنا باستراليا الساعه 12 ونص بليل والفندق نظام شقق المقيمين فيه عندهم مفتاح يبطلون فيه الباب من بره وماكو رسبشن اكثر نظام الشقق الفندقيه باوروبا و استراليا حدهم لي الساعه 6 المغرب

 

[Loora]

اي والله انج صاجه يا ام اميمي

الاغلللب عند سفريات المستقبل

والصراحه الكل يمدح

وبالنسبه لطيران بشوفلي رحله يكون الوصول بالنهااار ,,,, صح والله لما توصلين اي ديره بليل اتحسين انها اتخوووف

ومشكوره يا ام ميمي على مشاركاااتج الحلووووه

ماتقصرين

 

[أوكسجين]

عندي اذا وصلتي بليل احسن لانج بتحطين راسج وتنامين ويوم الثاني تبلشين رحلاتج
اما اذا الصبح بتكونين تعبانه وعلى ماتريحين الا صار العصر والا الليل واكثر شي يسكر ويكون ضاع عليج اليوم جذي

 

[Loora]

اووكسجين

بس انا عندي نفسيا ارتاح لما اوصل على ضوء نهااار ,,,,,, مو شرط بهاليوم اروح مشوار او شي

بس يكفي اتمشى بالسنتر واشوف شنو الاماكن اللى يمنا واتعشى


على العموم تبقى وجهات نظر ,,,,, ومشكوره على مشاركتج يا حلوووه

 

[^^ام ميمي^^]

اصلا احنا لما وصلنا استراليا الساعه 12 بليل تخيلوو يومين مو نايمين مواصلين توقعنا انا وزوجي نوصل الفندق نحط راسنا وننام وما نقعد مبجر الله وكيلج ما نمنا الا الساعه 2 بليل و قعدنا 6 الصبح تقولين عتاويه ونشيطين وشبعانين نوم بس طلينا من البلكونة وشفنا الفيوو العجيييب على طول لبسنا ونزلنا نتمشى

انا عندي الدول الاجنبيه واللي طبيعتها حلوه استغلها بالنهار الا الحمدلله والشكر بديرتها الحبيبه مستحيل نطلع بالنهااااااار الا مكان مصكر ومكيف

 

[أوكسجين]

ام ميمي وين تطلعين بالنهار هني
الا تسيحين من الحر
هناك الجو اينن الظهر
وااااي وناسه ودي اروح استراليا بس خل ولدي يكبر شوي عشان اخذه معاي

 

[Loora]

اييي والله لاصااار الجو حلووو ,,,,,تحلى طلعة النهار

شوفينا احنا من يجينا البراااد ,,,,, اتشوفين القهاوي اتفووول بالنهار

لان صج اذا كان الجو حلووو بس ودج تطلعيين


واي ذكرتوووني بأياام الجامعه ,,,, والله من يتعدل الجو يصير الدوام يهبل واقعد ومستانسه

بس لا يصير عندي صيفي ,,,,, الدوااام يصير ثقييييييييييل ,,,,, وااااي مأساة الصيفي

 

[أوكسجين]

لورا مارحتي السفريات؟
ليش ماتروحين قروب مايطلع ارخص !!

 

[Loora]

هلا والله اوكسجينوالله السفريات كل فتره ادق عليهم واستفسر عن القروبات والكل يقول على نهاسة شهر 5 ,,,,
او انطر الاعلانات بالجرايد

اليوم قريت عروووض سفريات كام بجريده الوطن

وهالعرووض لصيف

سدني-ملبورن-جولد كوست (16 يوم) ---------- الشخص ب 820

سدني-جولد كوست (12 يوم) ---------- الشخص ب715

سنغافوره-سدني-جولد كوست-سنغافوره (17 يوم ) ---------- الشخص ب755

 

[Loora]

بس هالاسعار تذاكر واقامه

من غير قرووووب

اتوقعييين القروبات ارخص من هالسعر ؟؟؟؟

 

[أوكسجين]

شوفي لورا انا رحت 2008
26 يوم ماليزيا - سيدني - جولد كوست- ماليزيا
ب 1050
يعني لو تحسبينها يطلع ارخص من الاسعار الي حاطتها
نطري لمن تنزل عروض باجي السفريات عشان تقارنين وتشوفين الافضل
واعتقد القروب ارخص من الحجز اللي حاطته

 

[Loora]

اي والله اوكسجيين

شكله راح تنزل عرووض احسن من هالاسعار

لان هذا اول اعلان اشوفه حق الصيف ,,,, واحنا تونا شهر 4

اكيد شهر 5 بتنزل عروض اكثر

وانا حاطه ابالي الرحله اتكون مدة اسبوعين وبحدود (600-700)

وانشالله احصل اللى ابيه

 

[أوكسجين]

انشاله تحصلين اللي تبينه
ماودج تروحين قروب والا تفضلين بروحكم

 

[fat]

الله يوفق الجميع

 

[Loora]

والله انا اهم شي عندي ان السعر يناسبني

لو بقرووب او بدون قروب

لأن انا حاطه ابالي

انشالله قبل لا اروح بضبط لي جدووول واهناك اروح بروحي

لأني ما احب التزم مع احد