مـــاخـــذ قــرض ، . . . . . تـتــزوجــيـــنــه ؟!

[المـــــها]

الســــــــــــــلام عـلــــــــــــيكم و رحــــــــــمة اللـــــــــه و بركـــــــــاته



شلونكم بنات ؟ ............ شخباركم ؟ .............. ، يا عسى الكل بخير إن شاء الله :hjy5jewf:،.........



خواتي العزيزات ... الحين هابين كل الشباب بسالفة ((( الـقــروض ))) و تتفاوت قيمة القرض من واحد لآخر ... و في ناس ماخذه القرض لأنهم محتاجين .. و في ناس ماخذينه للتسلية ، و في شباب ماخذينه لأهلهم ، ....


و طبعاً لازم يقصون من معاشه ... و شوفوا جم يبقى من المعاش ؟؟ في ناس عادي معاشهم زين .. و في ناس يمشون حالهم مع الزوجة .. و في ناس يالله و حده حده ...


و ســـــــــؤالي اهنــــــــي هـو : .......


هـــــــــل تــقــبــــلـــــــــيــــن أن تـتــزوجـــــــــيــــــن واحــــــــــد أخــــــــلاقه عـــــــــالية ، و لـــــــكن : ( مــــــــــاخذ قــــرض ) ؟!:eh_s(10):



أنـا عـن نــفــســي أشـــوف إن هـــذا شـــي عـــادي ... لو الزوجة تشتـغل راح يســاعدون بـعـض ... وهم بدل الإيجار و الزوجية يساعدونهم .. ( مع العلم إني مو متزوجة ) .. بس لاحظت إن أغلب اللي اخطبوني عليهم قروض .. و أنا ملاحظة إن في ناس الزوجة ما تشتغل .. و البيت معتمد على معاش الزوج و بس .. و ما شـــاء اللــه عليهم عايشين و حالتهم ميسورة ... عشان جذي أحس إن هذا الشي عادي ... و هاذي وجهة نظري .. و أكيد تهمني وجهة نظركم خواتي الحبيبات ... :yaaaaaarb:



... أتـــمــنــى كـــــــــل وحـــــــــدة مـنـــــكــــــــم تــقــــــــول رايـــــــــــها بــصــراحـــه ....

... و إذا فـي وحــــــــدة مــنــكــم مـتـزوجــة شــخــص مـــاخـــذ قــرض ممكن تقول لنا الوضع !! ...​

:bbbiu:

 

[داريني]

سؤالج غريب وبنفس الوقت جاوبتي عليه !!
[الحين هابين كل الشباب بسالفة ((( الـقــروض ))) و تتفاوت قيمة القرض من واحد لآخر ... و في ناس ماخذه القرض لأنهم محتاجين .. و في ناس ماخذينه للتسلية ، و في شباب ماخذينه لأهلهم /COLOR]

بس سؤالي شلووون عرفتي انه الي يوووج كلهم عليهم قرووض ما ادري هذي اشياء شخصية ماحد يتكلم عنها ؟

عالعموم انا تزوجت وخلصت خخخخخ بس ريلي كان عليه اقساط سيارته بس
وجهه نظري نفسج

 

[حـوريـه]

وعليكم السلام و رحمة الله وبركاته !

اهم شي [ الاخلاق ] واكرر اقول الاخلاق ثم الاخلاق ..

شنو أبي بواحد معاشه 1000 و اخلاقه [ ×إكس× ] ؟

شأستفيد من الفلوس بهالحاله ؟

البنت تدوّر الي يستر عليها و يحفظها باخلاقه و يعاملها احسن معامله . .
والي يحسسها باحترامه لها ، وتحس انها متزوجه [ رجال ] بمعنى الكلمه

و الفلوس تروح و تجي ، رزق من الله

و الرسول "ًصلى الله عليه و سلم"

ماذكر الحديث بالظبط لكن قال من ترضوه خلقًا و دينًا ..فـ زوجوه

و درست ايضًا ان من الفسق ، رفض المتقدم لأجل اشياء مادية زائله في الدنيا

كـ المال و الجمال ..

يعني مهما كان سبب أخذه للقرض ،

مو معقوله يتقدم لبنت موظفه وهو موظف ..

و لما يتزوجون مايتساعدون في المصرف

يعني اكيد لما تضمين معاشج على معاشه ، بتكون حالتكم زينه

و الله يابنات لا ترفضون الشباب عشان [ وظيفه ، معاش ]

ركزوآ على الاخلاق ! . .

ترى ايامنا هذي الشباب ينخاف منهم حيــــــــل

ونادرين الي تلقين فيهم الاخلاق العاليه الي يحترم الزوجه لا تزوجها


و شاكره لج طرحج يالغاليه

موضوع اروع من الرائع

 

[gazl~q8]

اي عادي مافيها شي..

 

[المـــــها]

حبيبتي ( داريني ) .. نورتي الصفحة بمشاركتج يا ذوق ... و أشكرج على رايج ....:hjy5jewf:


و بالنسبة لسؤالج : " شلون عرفت إن عليهم قروض " ؟؟!!


الجواب : لأن أغلبهم ربع إخواني و يعرفون بعض زين _03BA:.... و الباقي ما أدري عنهم :080402ask_prv:​

 

[Anwaar]

الله يخليج الحين منو مو ماخذ قرظ هههههههههههههههه

حتى في بنك مبطل حق الشباب قروظ على الأعانة هههههههههههههههههههههه

 

[أحبك لو تجافيني]

عادي اتزوجه

حبيبتي الحين كل الشباب هابين بالقروض​

 

[كوارين]

اذا زين والغرض هذا فعلا محتاج له عادي اما لعب اكيد لاء

 

[زبــــــــدة]

اي اتزووووووووووجة لووووول

 

[ام عيالها الغاليين]

حبيبتي لازم تسألين ماخذ قرض ولالأ عشان تتأكدين إنه كويتي ههههههههههههههه

إحنا إذا ماخذينا قرض يصير فينا شي

 

[Shima-Style]

وعليكم السلام و رحمة الله وبركاته !

اهم شي [ الاخلاق ] واكرر اقول الاخلاق ثم الاخلاق ..

شنو أبي بواحد معاشه 1000 و اخلاقه [ ×إكس× ] ؟

شأستفيد من الفلوس بهالحاله ؟

البنت تدوّر الي يستر عليها و يحفظها باخلاقه و يعاملها احسن معامله . .
والي يحسسها باحترامه لها ، وتحس انها متزوجه [ رجال ] بمعنى الكلمه

و الفلوس تروح و تجي ، رزق من الله

و الرسول "ًصلى الله عليه و سلم"

ماذكر الحديث بالظبط لكن قال من ترضوه خلقًا و دينًا ..فـ زوجوه

و درست ايضًا ان من الفسق ، رفض المتقدم لأجل اشياء مادية زائله في الدنيا

كـ المال و الجمال ..

يعني مهما كان سبب أخذه للقرض ،

مو معقوله يتقدم لبنت موظفه وهو موظف ..

و لما يتزوجون مايتساعدون في المصرف

يعني اكيد لما تضمين معاشج على معاشه ، بتكون حالتكم زينه

و الله يابنات لا ترفضون الشباب عشان [ وظيفه ، معاش ]

ركزوآ على الاخلاق ! . .

ترى ايامنا هذي الشباب ينخاف منهم حيــــــــل

ونادرين الي تلقين فيهم الاخلاق العاليه الي يحترم الزوجه لا تزوجها


و شاكره لج طرحج يالغاليه

موضوع اروع من الرائع

أنـــا مع رايها :ggdw::ggdw:

 

[دراهــم]

اتصور عادي

نادر ما تشوفين واحد مو ماخذ قرض

 

[yam_yam]

منو ماعنده قرض هالايام

 

[يمة يادلبي]

مادري والله
بس على حسب ليش ماخذ القرض ؟
إذا على سوالف سخيفة وعلى كشخة وسياييير اكيد مابرضى لان هذا مبين مايهتم الا حق المظاهر

وبعدين انا مو مع الشباب الي ياخذون قروض قبل الزواج المفروض ياخذه حق البيييت وبس او حق شغلات ضرورية

 

[اهواك بلا امل]

لووووووووووووول لو كل وحدة رفضت عشان القرض جان محد تزوج
انا ريلى ماخذ قرض بس عادى حزتها مافكرت بقرضة فكرت بشغلات اهم

 

[Ibtisama]

انا تزوجت وزوجي ماخذ قرض .. عانيت معاناة بخصوص هالسالفه بس الحمد الله انا اشتغل .. والحين اموره قاعده تتحسن الحمد الله

واللي يعافيكم ادعو لنا

 

[viva la glam]

عادي اتزوجه اذا ماخذ قرض حق الزواج

 

[المـــــها]

بالتوفيق حبيبتي

( ابتسامة )

و الله ييسر أمر الجميع يا رب

 

[*أم*خالد*]

اذا عن حاجه ملحة ( أوكى )

إذا تسلية لأ .. لأن ممكن باجر ياخذ قروض ويوهقني معاه .. يكون على طول مديون والناس تطالبه ومخافر وحاله

 

[غزلان]

هـــــــــل تــقــبــــلـــــــــيــــن أن تـتــزوجـــــــــيــــــن واحــــــــــد أخــــــــلاقه عـــــــــالية ، و لـــــــكن : ( مــــــــــاخذ قــــرض ) ؟!


شوفي سواء كان ماخذ القرض للوناسه ويلعب فيه ولاا للحاجه الاثنين عاادي لان الواحد من يشتغل بيونس نفسه ويشتري الي بخاطره ولا ليش متوظف يااحسره
فاا عادي
ودخيلج في كويتي مو ماخذ قرض
عااادي تساهيل قرض فوق قررض
مدى الحياه بعد شورانا