مــــاذا علمتك الحياه ؟

[مغربية قلبها كويتي]

السلام عليكم ورحمة الله وبركاته

الحياه ماهي الا مدرسه يتعلم منها بنو البشر كل يوم تتعدد التجارب وتختلف القصص والقضايا وكلها تنتج للأنسان خبره ما بمجال ما

وطبعا تختلف تجارب الانسان من شخص الى اخر وايضا يختلف مستوى الخبره من شخص الى اخر نتيجة عدة عوامل منها فارق السن واختلاف الشخصيات

فماذا تعلمتم من الحياه سواء شئ كبير او شئ صغير بجمله واحده او بعدة جُمل

 

[قصيده حب]

[b][/bعلمتني ا] لصبر

 

[katko0ota]

بييييييييييه

علمتني الحياة وااااايد اشياء و راح تعلمني طوووووووو ل ما انا عايشه

الحياه مدرسه و الذكي فينا هووو الي يستفيد من هالدروووووس

تقبلي مروري

 

[عود وبخور]

اني ما اصير طيبة في الدنيا لان الطيبة هدمت حياتي

 

[الم الحب]

علمتني ان الدنيا والزمن مايتغير بس الناس اللي فيه اهي اللي تتغير

وتقول الزمن تغير

علمتني مااشكي همي الا لربي لانه مافي قلوب على بعضها الا نادرا

علمتني ماانسى جميل اي شخص بحياتي ولو كان بسيط

علمتني ابتسم بوجه عدوي قبل صديقي ومااشيل بقلبي حقد على احد

علمتني معنى التحمل والصبر

ولو بقول ماراح اخلص

تسلمين عالموضوع

 

[whm]

علمتنى انى اقسى علشان اقدر اعيش...علمتنى الصبر والتحمل وانى ابدى وايد اشيا على حساب راحتى هم علشان اعيش ونمشى الامور... علمتني ان الهيلق زادوا وطلعت لنا اشكال والوان مو كفو بيزة صار لهم راس وكرياس...علمتنى انى اتناسى احلامى علشان المركب يمشى... يمكن الى ذكرتة كلة يضيق الخلق يمكن لان الغالب...بس هم تعلمت التفاؤل وان باجر احسن من اليوم...والف الحمدللة على كل شى

 

[مرااااحب]

الصبر هو اول شي تعلمه الانسان من الدنيا
تعلمت ان في التأني السلامة وفي العجلة الندامه
تعلمت ما احكم على الناس من النظرة الاولى
تعلمت اني اسوي الخير واقطه بحر
تعلمت ما اندم على عمل خير سويته حتى لو ما لقيت جزاه عند الناس
تعلمت ادير ظهري لاي نقد جارح
تعلمت اخفي جروحي واداويها بروحي
تسلمين تسلمين يامغربية
تصدقين ادور مواضيعج بالهالقسم لان ودي ادخل واشارك فيها
احس انها تلامس قلبي وقريبة حيل مني واحسج تعبرين عن اللي داخلي
عسى الله لا يحرمنا من طلاتك الحلوة

 

[ميس الورد والشوق]

تعلمت من الحياااااااااه اشياااء كثير منها

اهمهاااا

ان الناااااااس احواااااال واجناااااااس

كل شخص يختلف عن الثاني سواااء بايجابياات ام سلبيات

وتعلمت

ان اتحكم في الظروف ولكن لا اجعل الظروف تتحكم بي

تعلمت

اني اكوووون قويه دووووم قدااام اعدائي قبل احبابي والله الاقوى ولا اقوى منه

تعلمت

حب الخير للناس

تعلمت

الصبر على كل شي


تعلمت

" ان الشي اللي مااقدر عليه الحين اقدر عليه بعدين طال الزمن والا قصر"

طبعا بالاشياء المقدور عليها واللي تقدر تسويها كل بنت مو شغلاااات ثاااااانيه

وبعطيييييكم مثال

عندي وحده اعرفها تصير لنااااا
زوجها معقد شوي ومايخليها تروح الا لامها

وهي ودها تزورنا بس هو مايرضى

والله تحاول فيه اربع اسنين والله

وبعدهااااا رضى وخلاها تروووح ماادري من كثر الحنه

والا فهمته انها رايحه بيت ناس اهلي ويقربولي حيييييييل ماادري

المهم والله يابناااااااات تفاجات يوم دقت وقالت انتوا موجودين قلت ايه

قالت انا جايتكم

والله العظييم اني منصدمه

فمن هالموقف عرفت اللي ماينقدر عليه الحين ينقدر عليه تااااااااااالي

ومشكووره ياقلبي ع الموضوع

 

[سعودية شرقاوية]

تعلمت من الدنيا الصبر

تعلمت اني ما اكون طيبة بزيادة ويناكل حقي

تعلمت اني ما اثق باحد الا باهلي

تعلمت اشياء وايدة بس هذا اللي اتذكره اللحين

 

[الانثى الصعبة]

ااااااااااااااااااااااااااااااااااااااااااااه علمتني الحياة اني مااثق باي احد واكون قوية وكيفية التعامل مع الهيلق لانهم على قولت الاخت زادوووووووووووووووووووووووووووووو وبكثرة عجيبة وايضا ليس كل مايبرق الماسا طلع الفضة المطلية والاكسسسوارات والاخوات عايشين الدور انه الماس

 

[فجر الغلا]

علمتني الطيب اكون معاه اطيب
والخبيث اكون معاه اخبث
واشياء وايد بس هذي الاهم

 

[bskota]

اني ما اصير طيبة في الدنيا لان الطيبة هدمت حياتي

وانا اضم صوتي لصوتج فعلا الطيبه بهالزمن ماااتنفع

وعلمتني الصبرررررر وشاكرة لج موضوووعج

 

[لليانه]

الزمن علمتني ان الدنيا دواره

واني مااصييير طيبه لان الطيبه بالزمن هذا غبي

 

[عيونك اخر آمآلي]

اتقي شر من أحسنت إليه ...



يعطيج العافيه

 

[رند]

تعلمت ان الحياه فيها الحلو والمر وان كل يوم نتعلم شي جديد

 

[al7anona]

تعلمت

انه اللي مافيه خير لاهله مافي خير للناس

تعلمت

كما تدين تدان

تعلمت

الحقران يقطع المصران


تعلمت

ابتعد عن الشرار لا يولعك نار


تعلمت

احب لأخيك ماتحبه لنفسك وعامله كما تحب ان يعاملك:



تعلمت اشياء واااااااااااااااايد

 

[أم حوور]

علمتني الحياه الصبر

وقوة التحمل

واني ما اثق بكل من هب ودب
وى
لا اكون طيبه مع الكل لن الطيب يفهمونه الناس بزمنا هذا ضعف

 

[C'est La Vie]

ما يحك ظهيرك الا ظفيرك
وان الحياة مسرحية وكل من يلعب الدور اللي اهو يختاره

 

[وردة بيتنا]

علمتني الحياة ان احلى شي فيها اهو عبادة الله سبحانه

علمتني الحياة معنى الصبر

علمتني الحياة معنى السعادة و الصحبة الصالحة

علمتني الحياة معنى الكفاح و الطموح و الأمل




شكرا على الموضوع

 

[^طيوبه^]

علمتني الدنيا ان موكل الناس يسوون ويستاهلون اني اعاملهم بطيبه واتغاضه عن اخطاؤهم