مســاء الخيــر . . .
مستجدات حبايبي نزلت موضوع بخصوص اللي تبي اي مسآعدهـ
تقدر تتوآصل معآي بـ الفون < ارجع واقول اني ثقه خاصه اني مع جهه رسميه
اللي اهمآ الاتحآد ، مآدخلت فيه هاليومين الا عشآنكم بس :eh_s(7):
عشآن تثقون فيني وبأي شي تبونه اكون موجودهـ ، سواء بالصاله نفسها
او بالفون الأكثر تحصلوني ...!
ولا وحدهـ فيكم مجبورهـ تعطيني رقمها ، اقترحته عليكم لـ المسآعدهـ فقط لكم
وصلت لي ارقام بالخاص وتواصلت معآهم
وان شاءالله مرح اقصر معآهم ابد ...
اللي مو حابه تتواصل بالفون ، عندهآ استفسار تقدر ترسلي بـ الخاص
قلت بيقل دخولي وماصرت مثل قبل ادور بصفحات المواضيع ،
ظروف تمنعني ادخل النت وايد ، عشان جذي مآبي اكون مقصرهـ مع اي وحدهـ فيكم
لأني وعدتكم بكون معآكم دايم خطوهـ بـ خطوهـ ، ببدايه تسجيلكم لين تخصصكم
لين ماتشوفون نفسكم وصلتو لـ مرحله انكم تعرفون كل شي ،
انا لأني اول كورس كنت ضااااايعه ، ماعرفت وين اروح وشنو اخذ موآد ودكآترهـ
من كيفي اختر وضعت وربي ، كنت ابجي بجي لين خذيت انذار معدل !! :eh_s(2):
بس الحمدلله وحدهـ صج من الاتحاد كانت معآي وماقصرت مشيت معآهآ خطوهـ بخطوهـ
وتعلمت كل شي وصرت اعلمكم فيه ، ترى مآبي شي منكم بس مآبيكم تمرون بلي مريت فيه
ولا أبي تحسون باي صعوبه في الجامعه ، أو خوف من أي شي ...
مثلي ، انا مفروض اني الكورس الياي اكون محوله ومتخصصه ، بس للاسف اول شي ضيعت
على نفسي وايد ، بس الحين لا بديت أعرف وافهم كل شي بالجامعه ، مو بس بكليتي اداب
حتى علوم اجتماعيه ، هالكليتين حياتي فيهم اعرف فيهم اي شي ... وباجي الكليات تقدرون
تستفسرون بأي شي فديتكم ،
انا اختكم قبل أكون عضوهـ بمنتدى وقبل اكون رفيجه ،
اي شي تبونه انا حآضر ولا وحدهـ تقول استحيت اطلب مسآعدهـ
أو تقولي تعبتج معآي او غيرهـ ، ولا تقولون لي كلمه مشكورهـ :eh_s(4):
واللي تسأل بمواضيع وانا مارديت تسالني بالخاص وبرد عليها لا تحاتون
.
.
.
بـ النسبه لـ التسجيل للاسبوع الياي حق اللي انقبلو فوري ،
لا تنسون مستنداتكم كااامله + فكرو بمواد بتسجلونها والدكآترهـ
لأن بالموعد المحدد لكم تقدمون اوراقكم + تسجلون الموآد والدكآترهـ
بربع ساعه بس لا تيون عَ الموعد حده حده ، مثلا :
اللي تسجيلها من الساعه 9 تجي الساعه 8 تكون هناك أحسن لها
طبعا تسجيلكم راح يكون بصاله التسجيل والقبول ،
اللي مادزولهم مسج لا تحاتون نهآيه هالاسبوع او بدايه اللي بعدهـ اكيد يدزون
سمووحه عَ الاطآله .. ..
موفقين حبايبي :eh_s(7):
اماني الرشيدي :eh_s(7):
