مــيتة مــن الخــرعة

[الـوايـلـيـة]

قوة يا حوامل ويا امهااات
انا اول حمله لي يعني بچر وحدي خاااايفه من الولادة
لاني اسمع سوالف وشايفه اشياء تخرع
ومجرد ما اتخيل شلون بيطلع البيبي تلوع جبدي واخاف اكثر
لدرجة اقول لاهلي ودي اولد قيصرية اهون واريح <<<شدراج لوووووووول
شرايكم تنصحووووووووووووني بابرة الظهر؟!
وهل لها اعراض جانبية؟!
وصج ماتحسين بشي حتى بطلعة الراس؟!
وجزاكم الله خير بغيت نصيحتكم

 

[@ام يوسف@]

رد : مــيتة مــن الخــرعة

شوفي حبيبتي البجر بالعكس ماتدري شنو اللي جدامها لانها اول مره وبعدين السهاله من الله ولاتخافين واتكلي على الله وما انصحج بالعمليه لاني جربت الطبيعي صج نعمه في نعمه وجربت القيصريه صج تعب وعوار وقتها صج ماتحسين بس لما يروح البنج تشوفين الالم والعوار الصجي ما تقدرين تمشين ولا تضحكين ولا تكحين وان شاء الله تولدين طبيعي وعلى فكره انا جربت ابره الظهر بالقيصريه اللحين والده من سنه وظهري يعورني منها

 

[الريشة]

صلي صلاة استخارة و إذا خيرة لج تاخذين إبرة الظهر راح الله يسهلها و تاخذيها و إذا مو خيرة راح الله يوخرها عنج.

 

[أأأميرة الورد]

رد : مــيتة مــن الخــرعة

على حسب باي مستفى راح تولدين ؟ بعض المستشفيات كمامهم يهبل وماتحسين بشي فماله داعي ابرة الظهر واذا امورج طبيعية وفتح الرحم معاج وجاء الطلق لاتاخذينها نصيحة مني لكن سبحان الله الواحد مايدري وقت الولادة شنو يصير انا فتح الرحم معاي ل4 سانتي وبعدها وقف وماكنت اتحمل الالم اكثر فتطلبتها منهم صصصصج راحة انتي الحين لاتفكرين بالولادة وخليها على الله ولا تنسين أوراد الولادة من الشهر الثامن واقريها سبحان الله لها مفعول سحري . :yaaaaaarb:

 

[حبـ admant ـك]

رد : مــيتة مــن الخــرعة

في بنات يحبون يبالغون في قصص ولاداتهم
وفي ولادات تتسهل من رب العالمين
بس عليج بالدعاء و اقري سوره مريم كل يوم وتوكلي على الله
ولا تفكرين في القيصريه تره تعبها عقب اكثر من الطبيعي
الطبيعي صج الم في البدايه بس اول ماتولدين تنسين كل شي وتعيشين حياتج عاديه
بس القيصريه تتألم من الجرح و مشيتها صعبه في البدايه وتقدرين تسألين الوالدات قيصريه
يتمنون الطبيعي
والله يوفقج ويسهل لج ولادتج وتقر عينج بضناج

 

[زبدة ككاو]

رد : مــيتة مــن الخــرعة

القيصرية موهيـنة
عـآدي استسلمــي للأمـر الوآقع
حتى آنــآ ميته خوووف بــسس الحمدلله على كل حــآل :s141:

 

[~ الــــزيــــن ~]

والله الدعوه سهالات صغريه تصغر كبيره تكبر لاتقعدين تحاتين وتتعبين عمرج اصلا البكر تروح ماتدري شنو الطبخه
عكس اللي جابت قبل عارفه الخطوات بالضبط <<< لووووووووووووووووووول

واغلب البنات يبالغون بالولاده حيل والله انا ببكري مادريت شالطبخه وكانت سهالات بس الثاني لا كنت خايفه لاني عارفه شراح يصير <<< يعني صرت خبره هههههههههههههههههههههههه

 

[Roty]

رد : مــيتة مــن الخــرعة

بس شفت الوايليه كاتبه الموضع على طووووووووووول دشيت قلت بشوف شفيها خايفه ما عليج شر حبيبتي

ادمنت حبك صح كلامج انا ولدت قيصري والحين حامل واتمنى الطبيعي ودي اجرب الطبيعي ودي احس بهالشي حتى لو يعور ودي لما يطلع الياهل يحطونه على صدري ولا دم

مو مثل القيصري قعدت من البنج سالتهم خلصت قالوا خلصتي يخرع وظليت مده احن واحن ييبوا بنتي بشوفها وابجي ليييييين يابوها خفت لاحد خذاها خووو هسترت يومها وكانت بجري وخايفه عليها

الله لا يوريج يالوايليه وبالنسبه لابره الظهر ما جربتها خذيت بنج كامل بالعمليه لانيي خوافه مابي اشوف شي

اما الحين انشالله اولد طبيعي ادعيلي :yaaaaaarb:

 

[منوووورة]

أنا توووني والده صح بنات واجد يبالغووون صج عوااار الطبيعي بس تقدرين اتحملين الله يسلم المهدءااات بعدهاا رااحه لاتخااافين سهاالااات يصيرً جنه حلم *

 

[ميار2010]

رد : مــيتة مــن الخــرعة

الله يسهل عليج يالوايليه

 

[الـوايـلـيـة]

بعد قلبي فديتكم
روتي فديتج والله
انا ابي اولد برويال حياة شلون كمامهم
لان ولاوحده اعرفها ولدت فيه انا اول وحده
ودكتورتي من برا
كل ما اشوف التاريخ اخترع ودي اولد وافتك وخااايفه بنفس الوقت
الله يسهل على الكل يارب ويرزق كل محرومه اللهم امين

 

[موجة ~ بحر]

انا نفسج كنت ابي قيصرية بس الحمدلله ولادتب صارت طبيعية وسهااالات السهاله من الله
كثري مشي خصوصا على رمل البحر *

 

[كويتيه مذهله 87]

ابره الظهر عجيييييييييييييبه ومالح شغل بالبنات الي يقولوون لج موزينه ومن هالخرابيييييييييييييييييط

 

[Roty]

رد : مــيتة مــن الخــرعة

وايليه ترا انا أم سالم بس غيرت نكي
انتي باي شهر انا باول الثامن واللع تعبنا موووو

 

[دانة بعين بحاري]

رد : مــيتة مــن الخــرعة

في اللي تمدح وفي اللي تذم ابره الظهر وانا مثلج محتاره اخذها ولا لا
بس الاكيد صلاه الاستخاره بتخليج تقررين
الله يسهل عليج

 

[cat33]

ام سالم ارجعي على نكج القديم ماخليتي مكان ماقلتى انا ام سالم اجل ليش مغيره نكج ههههههههه

 

[حبيبةخالد]

والله الدعوه سهالات صغريه تصغر كبيره تكبر لاتقعدين تحاتين وتتعبين عمرج اصلا البكر تروح ماتدري شنو الطبخه
عكس اللي جابت قبل عارفه الخطوات بالضبط <<< لووووووووووووووووووول

واغلب البنات يبالغون بالولاده حيل والله انا ببكري مادريت شالطبخه وكانت سهالات بس الثاني لا كنت خايفه لاني عارفه شراح يصير <<< يعني صرت خبره هههههههههههههههههههههههه

صح كلامج ماتدرين شنو الطبخه بالبجر بس الثاني خلااااص خبره هههههههه
والسهاله من الله
الله يسهل على الجميع ويفكني من القيصريه واولد طبيعي

 

[كرز أخضر]

عادي حبيبتي لاتخافين ولا شي,,بعدين مو تروحين اول ماتحسين بالطلق.....لاتروحين الا لما يصير بين كل طلق والثاني نص ساعه عشان مايلعوزونج بالتحاميل والفحص...انا دايما"اروح حدي حدي..

بالنسبه لأبرة الظهر انا ماجربتها ..جربت كمام في اول 3 ولادات.بس كان يسبب لي صداع فضيع اول اسبوعين بالنفاس..وأحس بفتور بجسمي خصوصا"رجولي..من عقب صرت اولد بدون لاكمام ولا ابره.و.سبحان الله كانت ولاداتي اللي بدونه اريح ..وحسيت حتى بنفاستي اني نشيطه مو مثل كل مره...شوفي ألأجانب مايستخدمونه بالولاده...الكمام يخليج تغطين بس كل ماجاج الطلق قمتي ..يعني يخفف الألم بس مو مثل الأبره..حسب ماقالولي البنات اللي جربوها انج ماتحسين بشي ليما تولدين..
الله يسهل عليج .

 

[.LONDON]

رد : مــيتة مــن الخــرعة

اذا انتي خوافه اخذي كمام ونامي

 

[% HoooR %]

الله يسهل عليج يا قلبي

وعليج بالدعاء