مـوسـوعـة " اكلات لزيادة الوزن "

[al39laa]

السلام عليكم ...

لووووول ادري زهقتوا من مواضيعي

بس ياربي رمضان كليت صحن عيش والله اقعد شبعانه حتن سحور ما اتسحر :eh_s(2):

المهم هالموضوع بكون موسوعه لزيادة الوزن واللي تبي تحط حبوب خل اتحط بس مايكون فيه كرتزون !!

بليز بنات اللي عندها استفسار تحطه برا الموضوع لا تخربونه واللي ماتعرف شي يمتن خل ترفعه بدعوه او كلمة أبـ


ومبارك عليكم الشهر :eh_s(7):

 

[al39laa]

انا راح ابلش :::

خلطة حلم بدون تفسير

حلاوة طحينيه بالمكسرات (علبة وحدة كبيرة)
كاس ونص مكسرات (جوز +لوز+كاجو)
طحنة حلبه (يعني تملين الطاحونه)
ملعقة ونص خميرة (حقت الاكل)

وتؤكل مع كاس لبن قبل النوم

 

[al39laa]

4 ملاعق قشطه او قيمر
2 ملعقه نوتيلا
1 ملعقه زبدة فول سوداني

تقدين تخلطين معاهم مكسرات او بسكوت وتسوينه كور

انا اسوي منهم كميات كبيره واحطه بالثلاجه

 

[al39laa]

عـصـيدة التمر ::

http://www.q8yat.com/t894123.html

هاذي طريقتها وسهله

 

[al39laa]

عـصـايـر لزيادة الوزن :::

افوكادو مع منغا <-- طعمـــــــه عجيييييييييييب ويبرد عالقلب

موز + حليب + عسل + مكسرات

موز + افوكادو + منغا + حليب

عصير منغا نادك مع حليب ابوالقوس

حليب + تمر + زبيب

 

[al39laa]

ميلك شيك جلكسي :

http://www.q8yat.com/archive/index.php/t-248870.html

ميلك شيك تويكس :

http://www.q8yat.com/archive/index.php/t-140575.html

ميلك شيك اوريو :

http://www.q8yat.com/archive/index.php/t-141301.html

مالتيزرز ميلك شيك :

http://www.q8yat.com/t235387.html

ميلك شيك برد ساندويش :

http://www.q8yat.com/archive/index.php/t-679406.html

 

[al39laa]

موكا فرابتشينو ::

بنات هذا يمتن بشكل مو طبييييييييييعييييي

2 - ملعقة كبيرة بودرة كاكاو مره ويفضل (هنتز)
1- ملعقة كبيرة نسكافيه
4- ملاعق سكر
2- ملعقةكبيرة دريم ويب مخفوق او( الرغوة)
2- ملعقة كبيرة حليب بودرة
1- ملعقة صغيرة فانيلا او كراميل صوص السائل

خلطوا المكونات وبالعافيه عليكم

انا طريقتي احط ثلج وحليب وكريمه كي دي دي وشويه فانيلا واكثر صوص الكراميل واحط قهوة ستاربكس يطلع ضبط نفسه

 

[فدوووو]

يعطيك العافيه

بس تدرين ماعمري جربت اللي قلتي عليها توو

حتى تدرين خالطه المااش وحب العزيز مع بعض وحاطتها بعلبه على اساس اكلها ولها فووق الشهر مااكلتها

والحين قاعده على حبوب مسيقور وفيتامينات سفن سايز

وبعدين من قالك اننا ملينا من مواضيعك بالعكس هذا المواضيع النادر وجودها في هالقسم خصوصا انهم مستحلينه خواتتنا السمينااات

بس مااقول غير الله يسمننا بصحه وعاافيه

ورمضان كريم عالجميع

 

[&&نور الدنيا&&]

يعطيج العافيه حبيبتي عالأكلات
بحاول اسويهم يزاج الله الف خير
تصدقين ماباقي على عرسي شي وليلحين انا عصله
بضيف لج خلطه الصبح عالريج تشربينها
اتينن وتزيد الوزن بعد رمضان ان شاء الله ببلش فيها
حليب كي دي دي كامل الدسم
موز
عسل
وبرد كي دي دي
تخلطينهم وبالعاافيه​

 

[حريتي بحجابي]

ايه ابغى فاااااااااااااتح شهيه بس يكون طبيعي الحبوب خرررررطي تنزل وزنك بعد ماتتركينها

خلطة حلم قاعده استخدمها ويارب تنفع

 

[صدى الاشواق]

انا شريت خلطه عنبريه النورس وبجربها يقولون انها تمتن
مكوناتها اعشاب وغذاء ملكي والعنبر الدخني والمكسرات
طبعا مادري شنو ماشنوو بس مكتوب عالعلبه هالسوالف
ان شاء الله اليةم ببلش فيها

 

[al39laa]

فدوووو :: حبيبتي تسلمين عالمرور وماتقصرين :eh_s(7):
وانا اللي لاحظته اذا شريت حبوب التزم فيهم بس الخلطات لا مادري ليش :eh_s(14):

&&نور الدنيا&& :: يعافيج حوبوو شدي حيلج والله يوفقج يارب وتصيرين قمر بعرسج
وانا سمعت عن هالعصير بس معاه تمر

حريتي بحجابي :: التزمي بخلطة حلم عجيبه وتنفخ وتسلمين عالمرور

صدى الاشواق :: سمعت عنها في بنات قالوا مو زينه وبنات قالوا مانفعتهم عالعموم اذا مانفعتج جربي خرز البقر يمدحونه اخوانا المصريين :rerrerek:

 

[حلاوتي بشقاووتي]

هذا موضوع حافظة عندي وذحين ما شيه عليه اخيبركم ان شاء الله بنتيجه

أول شي :

اكيد كلكم تعرفون ( عدس ابو جبه ) العدس الاسود حق الكشري
طبعا تأخذين الكيس .. وتحمسينه على النار الين يتغير لونه .. الي ذهبي
بعدين تطحنينه وتحطينه في علبه .. او حافظه

وتشربينه مرتين ولا 3 مرات باليوم مع حليب بارد .. ملعقه واحده لكل كوب


انا كان وزني 51 وشربت كوب واحد في اليوم لمدة شهر كامل والحين وزني 60 .. تسع كيلو في شهر ..
وابي اوقف لان جسمي صار تمام ..


وتطلع خدود شكل مو طبيعي . اول وجهي مره نحيف والحين ينادوني المصريه عشان خدودي ... وتخلي وجهك صحي

ومافيها اي ضرر ... العدس = فيتامينات
الحليب = كالسيوم
ومافيه اي شي مضر ...


للتوضيح :

هاتي كوب وحطي ملعقه وحده من العدس المطحون وبعدها صبي عليه الحليب وحركيه بالملعقه واشربيه مره وحده .. لان العدس ينزل ب قاع الكوب عشان كذا لازم تحركينه




وااااااااااااااااااااااااتمنى افدتكم يااااعصقولات والبنات الي يسألون عن العدس .. تلقونه في السوبر ماركت الكبير ... موب من العطاااااار ...
تلقونه عند جهة العدس الاحمر .. والحمص والخرابيط هاذي .... مكتوب على الكيس ( عدس ابو جبه )

 

[حلاوتي بشقاووتي]

كمان هذي حافظتها عندي من عالم حواء بجربها بعدين

هالتجربة انا اصلا ماخذتها من المنتدى هنا

وصحيح صاحبتها قالت انها سمنت

بس قالت بعد كيف شكلها تغير 180 درجة من ناحية الخدود والمؤخرة والصحة بشكل عام


موزة وحدة + كاس حليب + ملعقة شاي خميرة (حسب الرغبة) + عسل او سكر

بصراحة الطعم يم يمي ^_^

واللي خايفة تسمن

تخفف اكل


النتايج بالنسبة لي بينت من اسبووووووع


والله يشهد على كل حرف كتبته .. مابالغت ولا شي ...


وان شاء الله اللي فادني يفيدكم ^_^

 

[توت1]

بقوووووووولج تجربتى

اللهم لك الحمد حاسه صارولي خدود وناااسه
شوفي اكلت سبروفيتا قبل رمضان خلصت كرتون وللحين مستمره

اول شي كولي شهوتج ع الفطور
واطحنى شويه حلبه مع شويه ماااش وحطيه ع صحن شوربه يضيع الطعم مايبين عااددي ملعقه صغيره يعنى مو تترسينها عادي
وبعد الفطور اكلي حبتين سبروفيتا مع بعض
وبعد صلاه العشااا راح تجوعين حطيلج صحن شوربه واشربي ما اقولج وايد لا شي معقول يعنى ولا تنسين تحطين من اللي طحنتيه الماش والحلبه

بعدها اكلي فواكه
وبعدها بنص ساعه اول اقل اكلي محلبيه جلي اللي تشتهينه منهم
واشربي كوب عصير اللي تبينه مع حبه سبروفيتا

وبعد نص ساعه بتجوعيييييين واكلي فطاير والسمبوسه والكبه مع فيمتو او اي عصير تفضلينه

وبعدها بربع ساعه اكلي سنيكر جلكسي مارس اي شي تحبينه مع كوب حليب


وبعدها بربع ساعه اكلي تمر مع لبن او لبن بروحه يكيفج

وتسحري بعدها اجبان واو اي شي تشتهينه



لازم تقصبين نفسج ولا تفكرين بالسمنه انسي وانتى تاكلين انسي عادي اقنعى نفسج انج تاكلين لصحتج

والله من بدا رمضان حسيت انى انسانه اجوع واكل
والله جد يعنى ماشاء الله بجم يوم حسيت انى سمنت

والله يسمنى ويسمنج وجميع العصقولات في عفو وعافيه
ولا تخافين من السبروفيتا ترا مفيده وصحيه ومن الصيدليه بعد

 

[عاشقة الدوحة]

انا حاليا اجرب اشرب ماي العيش
وان شالله القى نتيجة مليييييت
بس خايفة من الامسااااك

 

[فـــخـــر]

علييج بالمعكرونيا + شبس << مشكلتي اكل شوي واشبع

 

[al39laa]

حلاوتي بشقاووتي :: قريت هالمواضيع قبل كل مره اقول بروح الجمعيه بس اهون :eh_s(2):
ومشكورره حبيبتي


توت1 :: مو جنه تاكلين وايد سبيروفيتا :eh_s(1):
ودي اجرب طريقتج الحلبه طلعت ريحه فيج ؟؟ ومشكوره على طرح تجربتج :eh_s(7):


عاشقة الدوحة :: وبشري شيصير معاج كل مره اقول بدخلها معاي البرنامج بس المشكله مانتفطر بالبيت


فـــخـــر :: انا نفس حالتج بس قمت اخذ حبوب تفتح الشهيه وحلتلي هالمشكله جربي اخذي ترايكتين ولا سبيروفيتا

 

[توت1]

بااااااااااااااااك لاحلي موضوع

السبروفيتا ثلاث مرات باليون بس لانه وقت قصير برمضان اكل بعد الفطور او ع الفطور حبتين مع بعض وصحيه وزينه يعنى ماكو خوف منها اعرف بنات ياكلون حبتين مع بعض ثلات مرات باليوم يعنى 6 حبات بس اخاااف مو لهدرجه ثلاث مرات باليوم زين


الحلبه لااااااااا ابدااااا لانى احط معاها ماش وانا الحمدالله مو من النوع اللي يعرق وايد
واذا انتى خايفه من الريحه احمى الحلبه ع النار شوي بعدين اطحنيهاااا ومستحيل تطلع ريحه
ومعروف انه لو عرف العرب فوائد الحلبه لشتروها بالذهب ))) يا زيني بالفصحي والله خخخ
اهم شي تشربين كوب لبن قبل النوم

اما الحليب بضيف معاه عدس اخضر الللي هو الماش زياده الخير خيرين بجرب


اتمنى افدتج


استغفر الله واتـــــــــــوب اليه

 

[al39laa]

مشكووره حبيبتي واليوم بروح اشتري الماش وعندي الحلبه

جربي تاكلين سبيروفيتا قبل لا تنامين كنت اسويها وماكنت اطلع من البيت الا وانا متريقه شغل عدل